СОЁЛ УРЛАГ

Зэвсэгт хүчний Жанжин штабын даргын тушаалын дагуу Цэргийн гавьяаны одонт Зэвсэгт хүчний 326 дугаар ангийн цэргийн гэрээт болон хугацаат цэргийн алба хаагчид "Чингис хаан" музейн үнэтэй үзмэрүүдтэй танилцаж, эх түүхээрээ бахархах боломж тохиолоо.Тус музейн тайлбарлагч нар "Эх орны дайчин эрс сүүлийн саруудад музейд саатаж, түүхийн олон баримт мэдээ, үзмэртэй танилцаж байгаа явдалд бид бахархаж байна. Монгол төрийн түүх өөрөө монгол цэргийн түүх учраас орчин үеийн залуус тэр дундаа хугацаат цэргийн алба хаагчид ч ийм ухамсар, төлөвшилтэй байгааг харахад сайхан байна" хэмээгээд Монголын төрт улсуудын хаад, язгууртны үйл ажиллагаа, эдэлж хэрэглэж байсан эд өлгийн зүйлс, томоохон бодит үйл явдлыг харуулах эх үзмэрүүдийг тайлбарлан хүргэлээ.       Зенитчин дайчид музейн эд үзмэртэй танилцахын зэрэгцээ “Монголчуудын наран, саран шүтээн” ил захидал урлах боловсролын хөтөлбөрт хамрагдсанаараа онцлог байв. Өөрөөр хэлбэл, "Музейд суралцахуй" боловсролын хөтөлбөрийг тус музейн хамт олон хэрэгжүүлж байгаатай холбогдуулан сургалтад хамрагдсан юм. Зэвсэгт хүчний Жанжин штаб, "Чингис хаан" үндэсний музей хамтран ажиллах санамж бичгийг 2023 онд байгуулсан бөгөөд харьяа цэргийн ангиудын хугацаат цэргийн албан хаагчдыг музей үзүүлэх ажлыг үе шаттай зохион байгуулах ажлын нэг нь энэ юм.

Монгол Улсад Нисэх хүчин үүсэж хөгжсөний 100 жилийн ойг угтан нисэхийн салбарын тухай өгүүлэх олон ангит кино хийхээр бэлтгэж байгаа билээ. Тэгвэл энэ кино зохиолд таны эргэн тойронд болж өрнөсөн сонирхолтой үйл явдлууд, түүх, дурсамжаасаа багтаах боломж нээгдлээ.Та бүхний илгээсэн түүхээс кино зохиолд орохоор шалгарсан түүхүүдэд Иргэний нисэхийн үндэсний төвийн даргын нэрэмжит шагнал гардуулна.Нисэх хүчин үүсэж хөгжсөн түүхт 100 жилийн ойд зориулсан кинонд өөрийн хувь нэмрээ оруулан, сонирхолтой түүхүүдээсээ та доорх постер дээр байрлах утас, имэйл хаягаар холбогдон хуваалцаарай.Хугацаа: 2024.01.25-ны өдрөөс 2024.01.31-ны өдөр хүртэл хүлээн авна.Холбоо барих:86063636 (Б.Алтанзул) - [email protected] (Ч.Энхжаргал) - [email protected] (Б.Пүрэвсүрэн) - [email protected]

Хөгжмийн зохиолч З.Хангалын бүтээл “Тань руу нүүж явна” киноны хөгжмийг төгөлдөр хуурч Ами болон “Жонон” хамтлагууд тоглосноор толилуулж байна.

25-р суваг телевизийн "Ам нээвэл" нэвтрүүлгийн ээлжит зочноор Бүгд найрамдах Намын дарга Б.Жаргалсайхан оролцжээ. 

БАЯРТАЙ ҮДЭШ нэвтрүүлэг ЛХАГВА гараг бүр 20:00 цагаас Энэ удаагийн ээлжит зочноор МУСГЗ, сэтгүүлч Б.Ганчимэг оролцлоо.

Хүүхэд залуусын хүмүүжил төлөвшилд нэмэр болохуйц өгөөжтэй үзэл бодлууд олон нийтийн сүлжээнд тааралдах үед тэдгээрийг аль болох олон хүний хүртээл болгочих юмсан гэх чин хүсэл төрдөг учраас сайтдаа нийтэлж байгаа болно.Чамд хамгийн хайртай хүн бол чиний найз залуу/найз охин биш, авгай нөхөр чинь ч биш, ЭЭЖ чинь. Ямар ч хариу нэхэхгүйгээр чиний амьдралд, эрүүл мэндэд, чиний ирээдүйд байнга санаа зовж сэтгэлийн эрүүл мэндээ үргэлж золиосолж явдаг ганц хүн. Аав, ээж хоёр орой адилхан ядарч орж ирээд ээж л хоол хийнэ. Санаж яваарай: 1. Ээжийн хийсэн хоолыг хэзээ ч голж болохгүй. 2. Ядруу буурай ээжээсээ хэзээ ч ичиж болохгүй. Ээж байгаагүй бол чи байхгүй. Тиймээс найзтайгаа, машинтайгаа авахуулсан зураг биш, ээжтэйгээ авахуулсан зурагаа бахархалтайгаар постолж байгаарай. 3. Ээжтэй хэзээ ч хэрэлдэж болохгүй. Чиний төлөөх хайр нь дийлээд, чамайг болохгүй болохоор чинь л санаа зовсондоо заримдаа арай олон давтаж хэлэх тохиолдол байнаа байна. Энэ бол үр төлөө хайрлах, харамлах эх хүний инстинкт. Тиймээс үглэлээ гэж цааргалах хэрэггүй. Чи өөрөө аятайхан байдаг бол үглэхгүй шдээ. Чи бод доо. Чамаас юу ч асуухгүй, чамайг ерөөсөө хайхрахгүй бол аймаар биздээ? Ээж нар айлын тавагнаас чихэр авчихаад өөрөө идэлгүй кармаалаад харьдаг. Чамайг өрөнд орвол цалингийн зээл, тэтгэврийн зээл аваад, байгаа ганц алтан бөгжөө юманд бодолгүй шууд зарна, чамайг шоронд орвол хамгийн түрүүнд уйлаад очно. Найзууд бол ихэнх нь байхгүй болно. Ээж чинь чиний цалинг асуухгүй, чиний ажлыг ч асуухгүй. Ээж нар юу асуудаг вэ? - Хоолоо идсэн үү? - Хичээлээ хийсэн үү? - Битгий оройтоорой. - Хүүхдүүд ярьсангүй, завгүй л яваа байлгүй. - Царай зүс чинь яачихаа вэ? Юу болоов? Ээж юм асуувал үнэнээ хэлсэн нь дээр, угаасаа зөн совингоороо мэдчихээд зүгээр лавлаж байгаа нь тэр.Эх сурвалж: https://twitter.com/Ichinkhorloo3

Нэгэн иргэн түүхэн сонирхолтой зураг олжээ. 1983 он. Долоодугаар сарын 7. Москва хотын Кремлийн Улаан Талбай. Японд атомын бөмбөг хаясан улсыг дэлхий даяараа эсэргүүцэж байсан тэр дотроо Америк охин Саманта Смитийн тухай энх тайвны дуу хүртэл байсныг санаж байгаа биз дээ. Тэгвэл Монгол улсаас Я.Оюунцэцэг /"Говийн зэрэглээ" киноны Номингийн дүрээр үзэгчдийн сэтгэлд мөнхөрсөн жүжигчин агсан/ гэж сурагч охин бас энх тайвныг дэмжиж Зөвлөлтийн удирдагч нарт хандан "Та бүхэн АНУ-тай дайн хийх гэж байна уу?" гэсэн асуулттай захидал илгээж байжээ. Хүйтэн дайны энэ үед 1983 онд ЗХУ-ын удирдагчид энх тайвны зүтгэлтэн өөр өөр тивийн хоёр охиныг улс орондоо урьж "Бид дайтах гээгүй, бид энх тайвныг хамгаалан эрхэмлэж байна" гэсэн албан ёсны хариу өгчээ. Монгол охин Я. Оюунцэцэг, Америк охин Саманта Смит нар Улаан Талбайд. 07.07.1983 Энэ гэрэл зураг одоо Улаан талбайн ойролцоо кафед байдаг гэнэ. Тухайн үед баруун зүүн пост орнуудын хэвлэл мэдээллийнхэн уг үйл явдлыг онцлон дэлхий даяар цацаж байсан аж.

“Авьяаслаг Монголчууд-2016” шоуны ялагч О.Энх-Эрдэнэ "America’s Got Talent: Fantasy League" шоунд оролцож, эхний шатандаа тэнцсэн билээ. Тэрбээр "Авьяаслаг америкчууд" шоуны шүүгчдийг гайхашруулж, шүүгч Хэйди Блумын багт багтсан юм. Тус шоуны зарим шүүгчид түүнийг ам барьж байгаа эсэхэд хүртэл эргэлзэхээр гайхалтай дуулсан тэрбээр: " -Би англи хэл мэднэ ээ. Өөрийгөө ойлгуулж, чөлөөтэй харилцах хэмжээний мэдлэг бий. Гэхдээ Монгол Улсыг мэддэг ч эх хэлийг нь сонсож үзээгүй хүмүүст нэг удаа ч гэсэн монгол хэлээ сонсгохыг хүссэн юм аа. Мөн нэр хүндтэй тэмцээний үеэр санаандгүй байдлаар өөрийгөө буруу илэрхийлэх, шүүгчдийн сэтгэгдлийг дутуу ойлгохыг хүсээгүй ээ" хэмээн нэгэн ярилцлагадаа дурджээ. Хэд хоногийн өмнө түүний "Авьяаслаг америкчууд" шоунд оролцсон бичлэг олон нийтийн сүлжээгээр тархан монголчуудыг бахдуулан шагшуулахын хажуугаар түүний англи хэлний чадварын талаар зарим нь шүүмжлэлтэй хандаж байсны хариуг ийнхүү мэдэгдэхийг хүслээ.

Хэрэгцээтэй, сонирхолтой яриа өрнүүлэх зорилготой чөлөөт ярилцлагын нэвтрүүлэг. Дугаар №54-ийн зочин: УГЗ, хийлч Ч.Дэлгэрцэцэг Terminal 1.0 таныг хөтөлнө

БАЯРТАЙ ҮДЭШ нэвтрүүлэг ЛХАГВА гараг бүр 20:00 цагаас CENTRAL TV