ТАНИН МЭДЭХҮЙ

Цаг уурын байгууллагаас ирүүлсэн мэдээллээр ойрын хоногуудад буюу 3 дугаар сарын 20, 21-ний өдрүүдэд нийт нутгаар цаг агаар тогтуун, өдөртөө дулаан байх боловч 3 дугаар сарын 22-ны өдрөөс баруун аймгуудын нутгийн хойд, төвийн аймгуудын нутгийн баруун хойд хэсгээр, 23-ны өдөр төв болон зүүн аймгуудын нутгийн хойд хэсгээр цас орж, салхины хурд 20 м/с хүрч ширүүсч цасан шуурга шуурч, 23-ны өдрөөс ихэнх нутгаар хүйтрэх төлөвтэй байна. Иймд иргэд, малчид, тээврийн хэрэгслийн жолооч нарт анхааруулахад - Малаа ойрын бэлчээрт бэлчээж, бага насны хүүхдийг малд явуулахгүй байх; - Онц шаардлагагүй тохиолдолд хол ойрын замд зорчихгүй байх; - Зайлшгүй шаардлагаар зорчих тохиолдолд тээврийн хэрэгслийн бүрэн бүтэн байдлыг хангаж, шатахуун, дулаан хувцас, хоол хүнсний нөөцтэй явах, бага насны хүүхдийг авч явахгүй байх; - Баталгаагүй зам, гүүр гарамгүй газраар зорчихгүй байх; - Гол, нуурын мөсөн дээгүүр зорчихгүй байх; - Цаг агаарын мэдээг тухай бүр хүлээн авч, мэргэжлийн байгууллагын гаргаж буй зөвлөмжийг дагаж мөрдөхийг анхааруулж байна.  https://nema.gov.mn/tsasan-bolon-shoroon-shuurga   

Монгол цэргийн өдөр, орчин цагийн Зэвсэгт хүчин үүсэн байгуулагдсаны түүхт 103 жилийн ойг угтаж БХЯ-ны Шинжлэх ухаан, технологийн зөвлөл, Зэвсэгт хүчний Жанжин штаб, Үндэсний батлан хамгаалахын их сургууль болон Батлан хамгаалахын эрдэм шинжилгээний хүрээлэн хамтран “Хосолмол дайны аюулаас хамгаалах асуудал үндэсний цэргийн урлагт нөлөөлөх нь” сэдэвт эрдэм шинжилгээний хурал ҮБХИС-ийн “Сүбээдэй” олон улсын хурлын танхимд боллоо.Энэхүү эрдэм шинжилгээний хуралд Батлан хамгаалахын дэд сайд Б.Баярмагнай, Зэвсэгт хүчний Жанжин штабын дарга хошууч генерал С.Ганбямба болон Үндэсний аюулгүй байдлын зөвлөлийн ажлын алба, БХЯ, ЗХЖШ, Төрийн цэргийн байгууллагын удирдлагууд оролцлоо. Тус эрдэм шинжилгээний хуралд төрийн цэргийн байгууллагын эрдэмтэн судлаачид дээрх сэдвийн хүрээнд илтгэл хэлэлцүүлж байгаа нь анхных бөгөөд онцлог нь юм.

Явж явж чамд өөрийн гэх хоёр л юм үлдэнэ.....Ээж, аав чинь бурхны таалалд очно.Хүү чинь хүргэн болж, охин чинь бэр болоод явчихна. Эд хөрөнгө чинь чамайг байхад ч үрэгдэнэ, чамайг байхгүй ч үрэгдэнэ. Найз нөхөд цагийн аясаар зэрэглээ болдог бол ажил мэргэжил, боловсрол өвлөгдөж болох ч өөрт чинь үүрд үлдэхгүй. Бүтээл чинь бусдын хайр, шүүмжлэл хоёрт хайр найргүй хэрчигдэнэ. Эрүүл мэнд, залуу нас чинь жамын өмч. Хань чинь чамд дурсамж болно,  эсвэл чи ханьдаа дурсамж болно.  Жам харгис билээ….Тэгэхлээр чамд үлдэх хоёрхон зүйлийн нэг нь ДУРСАМЖ. Нөгөө нь ҮХЭЛ. Юу гэсэн утгатай вэ гэхээр, үхэхээсээ өмнө утга учиртай дурсамж бүтээ, тэрийгээ дурсаад үнэ хүндтэй үхлээ тос л гэсэн үг…юуг ч авч явж чадахгүй ч, маш ихийг үлдээж болно.…..Via X

Тамара эмээ минь тайван нойрс доо....Хамгийн анх түүнтэй танилцсан нь 2012 оны өвөл юм. Хөдөөнөөс орж ирсэн, Цайз зах дээр цувдай зардаг 5 хүүхэдтэй залуухан эхнэр нөхөр хоёрын гэр нь шатаж арай гэж амьд гаран, 7 ам бүл хөхөө өвлийн хүйтнээр орох оронгүй болсон байв. Тэдэнд чадлаараа туслах санаатай ийм үед тусалдаг газар байна уу? гээд сурахад Улиастайн эцэст нэг эмээ байдаг гэнэ гэж сонсоод тэр гэр бүлийг дагуулаад хамгийн анх Тамара эмээ дээр очиж байсан билээ. Эмээ тэр дор нь нэг гэр суллан өгч, нөгөө гэр бүл нэг хүйтэн өвлийг даваад амьдралаа хөөн одсон бол би нэг сайхан эмээтэй болж хоцорсон. Тэр хүн бол Тамара эмээ байлаа. Тэр үед 12 жилийн өмнө гэхээр эмээ нас 70 дөхөж явсан бөгөөд бүх насаараа хогны машин, том тэрэгний жолооч хийж явсан угийн яс сайтай хүн, өндөрлөгөөтэй том фронтер машин өөрөө бариад Налайхын уурхайгаас шанагаар нь хямд нүүрс аваад ирдэг байлаа. Нарантуулаас хагарсан өндөг варены шилэнд түүнэ, Барсаас хагас муудсан ногоо бөөндөж авна, Мах импексээс шулсан яс гуйж авна. Энэ бүхнийг өөрөө идэх гэж үү.? Үгүй шүү дээ. Баатархайрханы энгэрт 20 гаруй гэрээр дүүрэн траншейны, мангасын амны, гудманд гарсан хүмүүсийг хөхөө өвлийн хүйтнээр хооллож амь залгуулдаг байсан. Хүмүүс эмээг хэтэрхий тэр улсуудыг өрөвдлөө, өөгшүүллээ, муусайн архичдыг гудамжинд нь хаях хэрэгтэй гэдэг байсан ч эмээ тэгээгүй юм. Жилийн өмнө байна уу даа? Таны 20 гаруй жилийн ажлын үр дүнг товчхон хэлвэл та юу гэх вэ? гэж асуухад "Шалихгүй дээ 200 хүн архинаас бүрэн гарч гэр бүлтэй болоод, эндээс 200 гэр аваад тусдаа амьдралаа зохиогоод гарсан юм аа, илүү ч бий байх ямар ч байсан 200 энүүхэнд бий" гэж байсан юм. Идэр залуухан ганц хүүгээ ор сураггүй алга болсон цагаас  хойш тэрээр архинд живсэн хүмүүсийг тэр үеийн траншейны гэгдэх, одоогийн гудамны орон гэргүй хүмүүсийг асарч засаж нэг ч гэсэн хүнийг амьдралтай болгохын төлөө бүх амьдралаа зориулсан. Мангасын амны, Улиастайн эцэс, Шар хадны хэр баргийн зартай архичид эмээг хараад өөр болдог, ихэнх нь "Ээжээ" гэж дууддаг байсан. Эмээгийн ургийн овгоор нэрлэгдсэн Заюу Тайж Нийгэмлэг ТББ-ын 20 жилийн ой билүү дээ намайг уриад очтол урлагийн номер нь битүү Нарантуул, Хархорин, Багшийн дээдийн гадаа дуулдаг ах эгч нар байсан. Тийм сайхан тоглолт би амьдралдаа нэг л удаа үзсэн дахиад үзэхгүй байх. Тэнхээтэй байх үедээ хааяа хааяа Сэлэнгэ аймаг яваад өгнө. Хаачаад ирэв? гэхээр хамгийн сүүлд тэнд л хүүгийн маань сураг нь гарсан гэх юм гэж хэлдэг. Тамара эмээ олон жил энэ ажлыг ийм их сэтгэлийн хүчээр хийсэн нь нийгмийн шаар, адгийн новш гэгдэн гудманд хэвтэх хүн нэг бүр сураггүй болсон ганц хүүгээс нь өөрцгүй харагдаад, засаад авчих юмсан, чиглүүлээд өгчих юмсан гэж чин сэтгэлээсээ хүсэж явсных болов уу. Бид хоёр эмээ, хүү хоёр шиг сайхан нөхөрлөдөг байлаа. Намайг нойргүй болж их хүнд өвдөөд ямар ч эмнэлэг нэмэргүй болох үед гэртээ хүрээд ир гэж дуудаад орой бүр цай хуурч уулган, сүүлний тосоор тослож өгч хоёулаа шөнөжин гангар гунгар буу халж нохойн дуу сонсож байгаад унтаж орхидог байв. Өөрийн эмээ маань ч амьд сэрүүндээ Тамара эмээтэй надаар дамжуулж танилцаад хааяа нэг нэгэндээ сүү дөхүүлдэг найзууд болсон байсан. Тамара эмээ яг утгаараа "Бор арга" гээч Монгол ухааныг сайн мэддэг, бас бариа хийдэг байлаа. Тэр олон хүнд хэцүү зовлонтой хүмүүсийг их хүндрэхгүй л бол эмнэлэг явуулчихгүй зохицуулаад байдаг байсан, тэнд хүүхдүүд ч олон байсан. Тэр хүнээс их зүйл сурсан даа. Тэгэж хамтдаа нэг хэсэг амьдрахдаа л анх түүний хийж бүтээсэн туулсан амьдралыг жинхэнээр нь ухаарч ойлгож, сонссон мэдсэн алт шиг үгсээ өшөө олон хүн сонсоосой хэмээн 3 цуврал баримтат нэвтрүүлэг чадан ядан хийж "Тамара эмээ" нэртэй youtube суваг дээр байршуулж амжсан байгаа,  сонирхсон нэг нь үзэж болох байх. Эмээгээ өөд болсноос хойш Тамара эмээгээр эмээгээ хийж их бараа татдаг байж дээ. Багадаа өвөө эмээ дээрээ өссөн болохоор ч тэр үү настай хүн их ханьтай, хааяа нэг Тамара эмээг хотод явж байвал хоёулаа гуанзанд орж сүүтэй цай, нийслэл салатхан аваад учиргүй буу халж цай оочиж суудагсан. Улиастайн эцэст таван цулын хуушуур сайхан хийдэг газар байдаг юм. Тэрнээс хэдийг халуунаар нь бариад энгэр өөд өгсөөд очвол эмээ их дуртай хоёулаа бас дундаа нэг цай тавиад л суудагсан. Сүүлийн хэдэн жил бие нь огцом муудсан. Бусдад туслах байтугай өөрийгөө яаая болсон. Босож чадахгүй шахам байхдаа хүртэл аймшигтай хүчирхийлэлд өртсөн, золиос болсон нэг 7 настай хүүгийн асуудлыг чаргууцалдсаар байгаад хэргийг дахин сэргээж дөнгөчихсөн, хүүг сургуульд оруулна арга чарга байна уу гэчихсэн явсан. Тэрээр амьдралынхаа эцсийн мөчийг хүртэл бусдын төлөө зориулсаар өөд боллоо. Түүний хийсэн үйлийг Монголын ард түмэн, бид үүрд санаж явах болно. Солонгост удах шинжтэй болоод нэг л боломгүй совин татаад наашаа ирэхийн дөнгөж өмнөхөн гэрт нь яваад очтол гэртээ байгаагүй юм. Залгаад утас нь болохгүй хайж хайж байгаа газар нь очоод олон сар хол явна гэдгээ хэлээд баруун хацар дээрээ үнсүүлээд "би удна шүү, хэрэг гарвал Ундраа эгч рүү л залгаарай" гээд эгчтэй хамт очоод буцсан юм. Тэр л сүүлчийн уулзалт байх тавилантай байжээ. Эмээгийн олигтой зураг Монголд хардан дээр маань л олон болохоос сошиалд их байдаггүй юм байна. Энэ пост албан ёсны эмгэнэл биш,  миний сэтгэгдэл дурсамж учраас энэ зургийг онцоллоо. Тэрээр Ид шидийн орны анхны хандивлагчдын нэг юм. Эмээ сүүний хоёр үнээтэй байсан юм. 2017.05.10 өдөр төрсөн өдрөөрөө Баянхошуунд хамгийн анхны Ид шидийн оронд хандив цуглуулж, бэлэгний оронд юу байна түүгээрээ гэсэн зар тавьтал Тамара эмээ өглөө хамгийн түрүүнд 3 автобус дамжаад 4 том бор савтай хөлдөөсөн сүү барьчихсан "эмээ нь байгаагаа л аваад ирлээ зараад мөнгө болохгүй бол ажил хийж байгаа хүүхдүүдэд банштай цай хийгээд өгчихгүй юу" гэчихсэн Зүүнсалааны 2-р буудал дээр зогсож байж билээ ... Тийм л хүний хайлан, бидний Монголын сайхан эмээ байсан юм даа Тамара эмээ минь. Та минь олон сар жилийн тэсэмгүй өвдөлтөөс бүрмөсөн ангижирч, хураасан буяныхаа хариу үйлээр үүрд жарган, үр ач биднийгээ холоос багтааж ивээж яваарай. Хийсэн бүхэнд тань баярлалаа! Хүндэтгэсэн Ч.Ганжавхлан 2024.03.02 Солонгос улс

Аливаа хүнд 3 заяа байдаг ажээ.- Балчир насны заяа:  Эхийн хэвлийд ураг болон бүрэлдээд ижий аавын үр нь болж мэндлээд, тоонот гэрт тонгочоод тогоотой сүү татаж асгаад явдаг нас. Үүнийг балчир нас гэнэ. Балчир нас 13 нас хүртэл үргэлжилнэ. 13 нас хүртэл аав ээжийнхээ заяагаар явдаг юм.- Төрсөн биеийн заяа нь 13 наснаас хойш ордог аж. Энэ нь эцэг эхийн заяа хичнээн сайхан өндөр байгаад эцэг эх нь хэдий их буян хийгээд ч хөвүүн болон хүүхэн балчир үрсүүдэд 13 наснаас дээш нас зооглосон бол тэр хүрэхгүй !!! Тухайн хүн өөрийн бодож санасан буян заяаны учгаар явдаг нас. Атгахан нөж болохоос 13 нас хүртэл эцэг эхийн заяагаар голомтны заяаг дагадаг. Өөрийн тавиландаа орж зовж явах амьтан уу? жаргаж явах амьтан уу? тэр заяандаа ордог.- Өөрийн үйлийн заяа: Энэ нь 49 наснаас эхэлдэг. Үүнээс хойш өөрийн тавилан заяандаа хийсэн үйлийн үр, бодож санаж явсан болчимгүй үйл, болгоож явсан буяны болон бузрын үйл. Үүнээс хойш өөрийн үйлийн заяагаар л явна. 13 - 49 нас хүртэл 36 намар сайн үйл хийсэн үү? хар үйл хийсэн үү? түүнийхээ хариугаар амь зогоож эхэлдэг. За тэгээд 36 намраар сайн үйл хийж, сайн болгоныг бүтээж явсан бол 49 наснаас хойш өөрийн үрээр амьдарна. Гагцхүү муу үйлийг бэдэрч, мулгуу тэнэг явсан бол чи 49 наснаас хойш түүнийхээ үйл лайг эдэлж явна.Хүмүүн гэдэг ийм 3 заяанд төрж насаа элээдэг юм гэнэ. Иймд үйл үйлээ дагадаг учир хар муу үйл хийсэн бол хар муу үйлийнхээ лайг эдэлж, өтөл насандаа үйлээ үздэг байх нь.Сүүн цагаан үйл хийж, сүсэглэж залбирч явсан бол өтөл насандаа сайн сайхныг үзэж, жаргалын дээдийг амсдаг байх нь.Via Tsetsegjargal Dorj

Cognition AI хэмээх компанийн талаар та огт сонсож байгаагүй байх. Учир нь дөнгөж хоёр сарын өмнө л тус компани албан ёсоор бүртгэгджээ. Гэхдээ 10 хүнээс бүрдсэн, Гүйцэтгэх захирал Скотт Вугийн удирдсан тус компани венчур капиталын Peter Thiel’s Founders Fund болон бусад нэр хүндтэй хөрөнгө оруулагчдаас аль хэдийн 21 сая ам.доллар татан төвлөрүүлээд байгаа аж.Cognition AI-ийн гол нээлт нь Devin нэртэй хиймэл оюунт туслах юм. Devin нь бусад туслахууд шиг ердийн код бичилтийн зөвлөмж өгөх, зарим үүрэг даалгаврыг автоматаар гүйцээхийн оронд вэбсайт, видео тоглоом гэх мэт программ хангамжийн бүхэл бүтэн төслийг өөрөө бие даан гүйцэтгэж дуусгах чадвартайгаараа онцлог аж.Тухайлбал "Манай хотод байдаг бүх солонгос хоолны рестораныг танилцуулсан вэбсайт хий" гэсэн даалгавар өгөхөд тус программ ресторануудын мэдээлэлд хайлт хийж, хаяг болон холбогдох мэдээллийг олоод, дараа нь тэр бүхнийг нэгтгэсэн вэбсайт бэлэн болгож цахим орчинд байршуулна гэсэн үг юм."Программ бичих чадварыг хиймэл оюунд сургах нь үнэндээ нарийн төвөгтэй шийдвэр гаргаж, ирээдүйн хэд хэдэн алхмаа урьдчилан харж зөв зам сонгохыг системээс шаарддаг маш гүнзгий алгоритмын бодлого болдог" хэмээн Скотт Ву онцолжээ. Эх сурвалж: Bloomberg TV Mongolia

"Төрийн мэдээлэл” эмхэтгэлийн шинэ дугаарт  Санхүүгийн хэлэлцээр соёрхон батлах тухай Монгол Улсын хууль болон Онцгой байдлын ерөнхий газарт гал унтраах тусгай зориулалтын машин нийлүүлэх төслийн санхүүжилт олгох тухай Монгол Улсын Засгийн газар болон Бүгд Найрамдах Франц Улсын Засгийн газар хоорондын Санхүүгийн хэлэлцээрийг тус тус  нийтэлсэнтэй дэлгэрэнгүй танилцах боломжтой ажээ. Тухайлбал, уг санхүүгийн хэлэлцээрийн хүрээнд онцгой байдлын байгууллагын гал түймэр унтраах, аврах ангийн нэг аврагч, гал сөнөөгч эд хөрөнгө, иргэдийг хамгаалахаар үүргээ гүйцэтгэхэд нь  гал түймэр унтраах ангийг зохих хэмжээнд хүчин чадал өндөртэй, шинэ үеийн тоног төхөөрөмж бүхий автомашинаар хангах юм. “Гал унтраах тусгай зориулалтын машин нийлүүлэх төсөл”-ийг хэрэгжүүлснээр дараах үр дүнд хүрнэ: Онцгой байдлын байгууллагад ашиглагдаж байгаа гал түймэр унтраах автомашин, техник, тоног төхөөрөмжийн хүчин чадал сайжирч, газрын тосны бүтээгдэхүүн хадгалах агуулах, шатахуун түгээх станцууд, томоохон хэмжээний худалдааны төвүүдэд гарсан гал түймрийг унтраах чадавх сайжрах болон аюулт үзэгдэл, ослын голомтод түргэн шуурхай очих, цаг алдалгүй түргэн шуурхай аврах, гал түймэр унтраах үйл ажиллагаа сайжрах болно. Иймд Санхүүгийн хэлэлцээрийг баталснаар гал түймрийг хөөсөөр унтраах авто машин худалдан авч, аюулт үзэгдэл, гал түймэр унтраах үйл ажиллаагааг сайжруулах ач холбогдолтой юм.Түүнчлэн тус эмхэтгэлд Төрийн байгууллагуудыг бүсчлэн байршуулах тухай, Монгол Улсын Их Хурлын 2024 оны хаврын ээлжит чуулганаар хэлэлцэх асуудлын тухай Монгол Улсын Их Хурлын тогтоолуудыг нийтэлсэн байна. Тухайлбал, “Төрийн байгууллагуудыг бүсчлэн байршуулах тухай” Улсын Их Хурлын тогтоолоор хот, хөдөөгийн хөгжлийн ялгаа, аймаг, бүс нутаг хоорондын тэгш бус, тэнцвэргүй байдлыг багасгаж, хөгжлийн түвшнийг ойртуулж, бүсүүдийн хөгжлийн түвшнийг эрэмбэ дараатай дээшлүүлэх, орон нутгийн хөгжлийг дэмжих, Улаанбаатар хотын төвлөрлийг сааруулах зорилгоор Монгол Улсын бүсчилсэн хөгжлийн үзэл баримтлалд нийцүүлэн дараах арга хэмжээг хууль тогтоомжийн хүрээнд авч хэрэгжүүлэхийг Монгол Улсын Засгийн газарт даалгасан: 1/төрийн байгууллагуудыг эрхлэх асуудал, чиг үүрэг, үзүүлэх үйлчилгээ, үйл ажиллагааны хамрах хүрээг нь харгалзан нийслэл Улаанбаатар хотоос үе шаттайгаар нүүлгэн, бүсчлэн байршуулах талаар бодлого боловсруулах; 2/Улаанбаатар хотоос орон нутагт шилжин ажиллах төрийн албан хаагчид дэмжлэг үзүүлэх, нийгмийн баталгааг хангах асуудлыг судалж, холбогдох арга хэмжээ авах, хууль тогтоомжид нэмэлт, өөрчлөлт оруулах санал боловсруулж, шийдвэрлүүлэх; 3/төрийн байгууллага, албан хаагчдыг орон нутагт бүсчилсэн байдлаар шилжүүлэн байршуулахад шаардагдах санхүүжилтийн эх үүсвэрийг тооцон тухайн жилийн улсын төсвийн төсөлд тусган шийдвэрлэж байх.Мөн “Монгол Улсын Их Хурлын 2024 оны хаврын ээлжит чуулганаар хэлэлцэх асуудлын тухай” тогтоолоор Монгол Улсын Их Хурлын 2024 оны хаврын ээлжит чуулганаар дараах асуудлыг хэлэлцэхээр төлөвлөсөн: 1/Ард нийтийн санал асуулгын тухай хуульд нэмэлт, өөрчлөлт оруулах тухай хуулийн төсөл; 2/Ашигт малтмалын тухай хуулийн төсөл /Шинэчилсэн найруулга/; 3/Байгаль орчныг хамгаалах тухай хуулийн төсөл /Шинэчилсэн найруулга/; 4/Биеийн тамир, спортын тухай хуулийн төсөл /Шинэчилсэн найруулга/; 5/“Бүсчилсэн хөгжлийн үзэл баримтлал батлах тухай” Улсын Их Хурлын тогтоолын төсөл; 6/Бүсчилсэн хөгжлийн удирдлага зохицуулалтын тухай хуулийн төсөл /Шинэчилсэн найруулга/; 7/Даатгалын тухай, Даатгалын зуучлалын тухай, Жолоочийн даатгалын тухай хуулийн төслүүд /Шинэчилсэн найруулга/; 8/Жагсаал, цуглаан хийх журмын тухай хуулийн төсөл  /Шинэчилсэн найруулга/; 9/Засгийн газрын тусгай сангийн тухай хуульд нэмэлт, өөрчлөлт оруулах тухай хуулийн төсөл; 10/Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай хуулийн төсөл /Шинэчилсэн найруулга/; 11/Иргэний үзэл бодлоо илэрхийлэх эрх, эрх чөлөөний тухай хуулийн төсөл; 12/Мал, амьтны эм, тэжээлийн нэмэлтийн тухай хуулийн төсөл; 13/Малчин өрхийн холбооны эрх зүйн байдлын тухай хуулийн төсөл; 14/Монгол Улсын Ерөнхийлөгчийн тухай хуулийн төсөл /Шинэчилсэн найруулга/; 15/Монгол Улсын Их Хурлын тухай хуулийн төсөл /Шинэчилсэн найруулга/; 16/Монгол Улсын Их Хурлын чуулганы хуралдааны дэгийн тухай хуулийн төсөл /Шинэчилсэн найруулга/; 17/Монгол Улсын Их Хурлын хяналт шалгалтын тухай хуулийн төсөл /Шинэчилсэн найруулга/; 18/Монгол Улсын Төрийн ордны тухай хуулийн төсөл /Шинэчилсэн найруулга/; 19/Монгол Улсын 2023 оны нэгдсэн төсвийн гүйцэтгэл, Засгийн газрын 2023 оны санхүүгийн нэгтгэсэн тайлан болон “Монгол Улсын 2023 оны төсвийн гүйцэтгэл батлах тухай” Улсын Их Хурлын тогтоолын төсөл; 20/Монгол Улсын Засгийн газар болон Бүгд Найрамдах Казахстан Улсын Засгийн газар хоорондын “Тэтгэврийн асуудлаар хамтран ажиллах тухай” хэлэлцээрийг соёрхон батлах тухай хуулийн төсөл; 21/Монгол Улсын Засгийн газар болон Бүгд Найрамдах Энэтхэг Улсын Экспорт-Импорт банк хоорондын Зээлийн ерөнхий хэлэлцээрийн санхүүжилтээр хэрэгжүүлж буй “Газрын тос боловсруулах үйлдвэр барих төсөл”-ийн нэмэлт санхүүжилтийн зээлийн хэлэлцээрийг соёрхон батлах тухай хуулийн төсөл; 22/Монгол Улсын нэгдсэн төсвийн 2025 оны төсвийн хүрээний мэдэгдэл, 2026-2027 оны төсвийн төсөөллийн тухай хуулийн төсөл; 23/“Монгол Улсын хөгжлийн 2025 оны төлөвлөгөө батлах тухай” Улсын Их Хурлын тогтоолын төсөл; 24/““Нийслэл Улаанбаатар хотын 2040 он хүртэлх хөгжлийн ерөнхий төлөвлөгөө”-ний баримт бичиг батлах тухай” Улсын Их Хурлын тогтоолын төсөл; 25/Татварын суурийг багасгах, ашиг шилжүүлэх явдлаас урьдчилан сэргийлэх зорилгоор татварын гэрээтэй холбоотой арга хэмжээг хэрэгжүүлэх тухай олон талт конвенц соёрхон батлах тухай хуулийн төсөл; 26/“Төрийн албан хаагчийн ёс зүйн зөрчлөөс урьдчилан сэргийлэх, соён гэгээрүүлэх үндэсний хөтөлбөрийг батлах тухай” Улсын Их Хурлын тогтоолын төсөл; 27/Тусгай хамгаалалттай газар нутгийн тухай хуулийн төсөл  /Шинэчилсэн найруулга/; 28/Тэтгэврийн доод хэмжээг индексжүүлэх тухай хуулийн төсөл; 29/Усан доорх соёлын өвийг хамгаалах тухай конвенцыг соёрхон батлах тухай хуулийн төсөл; 30/Үндэсний баялгийн сангийн тухай хуулийн төсөл; 31/Хөдөө аж ахуйн бүсийн тухай хуулийн төсөл; 32/Хөдөө аж ахуйн тухай хуулийн төсөл; 33/Хулгайлагдсан, эсхүл хууль бусаар экспортлогдсон соёлын эд зүйлсийн тухай Юнидруа /Хувийн эрх зүйн нэгтгэх олон улсын хүрээлэн/-ын конвенцыг соёрхон батлах тухай хуулийн төсөл; 34/Хүний эрхийг хангах багц хуулийн төсөл; 35/Хүнсний тухай хуульд нэмэлт, өөрчлөлт оруулах тухай хуулийн төсөл; 36/Цусны донорын тухай хуулийн төсөл; 37/Цөмийн аюулгүй ажиллагааны тухай 1994 оны конвенцыг соёрхон батлах тухай хуулийн төсөл, Ашигласан түлшний болон цацраг идэвхт хаягдлын менежментийн аюулгүй ажиллагааны тухай 1997 оны конвенцыг соёрхон батлах тухай хуулийн төсөл, Цөмийн материалыг биечлэн хамгаалах тухай 1980 оны конвенцын 2005 оны нэмэлт, өөрчлөлтийг соёрхон батлах тухай хуулийн төсөл, Бага хэмжээний цөмийн материалын шинэчилсэн протоколыг соёрхон батлах тухай хуулийн төсөл; 38/Чөлөөт худалдааны түр хэлэлцээрийг соёрхон батлах тухай хуулийн төсөл; 39/Шинжлэх ухаан, технологийн тухай хуулийн төсөл /Шинэчилсэн найруулга/; 40/Шинжлэх ухааны паркийн эрх зүйн байдлын тухай хуулийн төсөл; 41/Эвлэрүүлэн зуучлалын тухай хуулийн төсөл /Шинэчилсэн найруулга/; 42/Эм, эмнэлгийн хэрэгслийн тухай хуулийн төсөл /Шинэчилсэн найруулга/; 43/Энхийг дэмжих ажиллагаанд оролцох тухай хуулийн төсөл /Шинэчилсэн найруулга/; 44/Эрүүл мэндийн тухай хуулийн төсөл  /Шинэчилсэн найруулга/ ажээ хэмээн УИХ-ын Хэвлэл мэдээлэл, олон нийттэй харилцах газраас мэдээллээ

Ганцаараа хэний ч тусламж авах боломжгүй үед гэнэт зүрхний шигдээс болох үед яах вэ? Хэрэв гэнэт амьсгалахад хэцүү болж, ухаан балартах гэж байгаа юм шиг санагдвал - танд ухаан алдах хүртэл ердөө л 10 секунд байна гэсэн үг.Зүрхний шигдээс болоход юу хийх вэ?Ихэнх хүмүүс энэ үед өөрөө өөртөө тусалж чадна гэдгээ мэддэггүй. Харин үүний тулд зүгээр л хүчтэй, сайн ханиалгах хэрэгтэй. Олон удаа маш хүчтэй ханиалга! Ханиалгахаасаа өмнө гүнзгий амьсгаа авах хэрэгтэй. Таны ханиалга үргэлжилсэн, хүчтэй байх ёстой. Яг таны цээжинд ямар нэгэн зүйл хуримтлагдсан, түүнийгээ гаргахыг хичээж байгаа юм шиг.Зогсохгүй 2 секунд тутамд гүнзгий амьсгаа авч хүчтэй ханиалгах. Үүнийг эмч иртэл эсвэл зүрхний үйл ажиллагаа хэвийн болтол хийх хэрэгтэй.Үүнийг тайлбарлавал:Гүнзгий амьсгаа авах нь уушгинд хүчилтөрөгч өгдөг, ханиалгах нь зүрхийг агшааж цусыг тараахад тусалдаг. Энэ үйлдэл нь зүрхийг хэвийн хэмнэлд ороход тусалдаг байна.Өөрөөр хэлбэл үүнийг хийснээр зүрхний шигдээс болсон хүмүүс эмнэлгийн анхны тусламж авах хүртлээ өөрийн эрүүл мэндийг хамгаалж байх үйлдэл юм.Үүнийг бусдадаа дамжуулж, хэн нэгний амь насыг авраарай!Та энэ аргыг аль болох олон хүнд ярьж түгээснээр тэдний амь насыг аврах болно. 10 хүнд ярихад ямар ч л байсан нэг хүнийг аварна.Эх сурвалж: Ч. Ундрал

Эмээ чинь яаж ингэж сайхан биеэ авч явдаг юм бэ?"...Бөөндөөд хариулчихая хэмээн нэрт сэтгүүлч Амбасэлмаагийн зээ охин  сэтгүүлч Саруул ийн бичжээ.1. Өглөөний ундны өмнө хийдэг 5 минутын дасгал. 1970-аад оны эхээр "Хөдөлмөр" сонинд нийтлэгдэж байсан дасгалыг хайчилж аваад амьдралынхаа турш хэвшил болгосон явдал миний хамгийн зөв сонголт байсан гэж одоо ч ярих дуртай.ЖИЧ: Хайдав гуай яг тэр дасгалыг хийдэг байсан гэсэн шүү. Хоёр жилийн өмнөөс заалгаж аваад өглөө бүр хийдэг болсон хүний хувьд хэлэхэд "биеийн булчин, шөрмөс баярлалаа" гэхээр дасгал байна лээ. Та нар фитнесс энэ тэрд явж чадахгүй нь гэж толгойгоо өвтгөхийн оронд ядаж өглөөдөө өөртөө 5-хан минутыг зориулаад сурчих гэж хатуухан хэлнэ. Өсгийтэй гуталтай 9 давхар руу торох ч үгүй гардаг нууц нь энэ.2.Хүүхэд байхад эмээгийнд очиход халуун саванд нь сайхан сүүтэй цай байгаадаа гээд тонгойлгох бүрт дандаа буцалсан ус байдаг байлаа.Бусад айлын эмээ нар сайхан сүүтэй цай оочоод сууж байхад манай эмээ яагаад? гэж урамгүйхэн боддог бодол маань хожим юмны зах зухаас ойлгохтой болоод ирэхийн цагт өөрчлөгдөж билээ. Эмээгийн амьдралдаа хэвшил болгосон гол зүйлүүдийн нэг нь цэвэр ус тогтмол уух.3.Эмээ залуу байхаасаа 21.20 цагт орондоо ордог. Од, гариг, эрхэс ивээж байдаг цаг гэл үү дээ, хүүхэд байсан болохоор яг таг сайн санахгүй байгаа ч ямар ч байсан энэ цагт амрах сайн гэдгийг эмээ маань ой тойнд суулгачихжээ.Түүний хэлдэг үг "Эрт унтаж, өглөө сэрэх нь эрүүл, эрч хүчтэй байхын үндэс". Одоохондоо энэ зөвлөгөөг нь бүрэн хэрэгжүүлж чадахгүй л байна.4.Эмээ илүүдэл жинтэй хүнд дургүй. Жаахан  жин нэмэх маяг ороод ирэхээр “миний охин таргалж болохгүй шүү. Ер нь хүн их идээд ирэхээр амарч хэвтэхийн түүс болж ажлын бүтээмж буурахаас гадна тархинд нь гэдсэн дэх хоолоо яаж шингээх вэ гэсэн бодол л эргэлдэнэ.Хүн ер нь хагас өлсгөлөнгийн байдалтай байх үедээ л оргил бүтээлүүдээ туурвисан байдаг юм шүү дээ” гэж захина.5.Эмээ хоолыг их нямбай хийнэ. Сүүлний өөх нимгээн хярж хэрчсэн хар шөл. Гурил нимгэн банш хийнэ.  Цэвэрхэн идэнгтэй сайхан хоол хийдэгсэн. Сэтгэлээ гаргаж нямбай хийсэн хоолоо тэгж их идэхгүй. Гэдсээ биш сэтгэлээ дүүргэхийн ухааныг тэндээс л анх мэдэрч өссөн дөө.6.Үсээ битгий орой дээр нь чанга боож байгаарай. Тэгэхээр яадаг юм бэ эмээ? гэхээр “толгой дээрээ хамаг арьсаа татаж боогоод эргээд задгайлах тоолонд чинь нүүрний арьс руу чинь нүүж үрчлээ нэмнэ”. Миний хувьд онцгой тохиолдол л биш бол нүдээ жартайтал татаад үсээ дээрээ овоолохыг урьтал болгодоггүй. Энэ жижиг зөвлөгөө бол эмээгийн гоо сайхны бяцхан зөвлөгөөнүүдийн нэг.7.Эмээ сувилалд амрах дургүй. Саравчин доор яригддаг даралтны эм, үе мөчний сайн эмнэлэгийн тухай хөгшчүүдээс сонсож байснаас хэдэн оюутнуудтайгаа маазарч суух нь хамаагүй дээр гэнэ. Эмээгийн амнаас залуусын орчин үеийн хэллэг унахад нээх их гайхаад байхааргүй болсон. Яагаад гэвэл өвчин, зовлон биш өөдрөг тэмүүлэл эмээг минь залуу эрч хүчтэй болгодгийг мэддэг болсон болохоор тэр.8.Дулааны цагт ажил руугаа солионы шилэн трико цүнхлээд аваад явж байгаарай миний хүү. Энэ бол эмээгийнх нь орос сургуулиас эзэмшсэн соёл. Ёслол хүндэтгэлийн үйл ажиллагаан дээр паарайчихаад л өвлийн гуталтайгаа тайзан дээр тууж явах юм. Хүнд соёл гоозүй байх ёстойг үргэлж сана!9.Нэг өдөр эмээ утас цохилоо "хаана байна" гэлээ. Эмээ даараад хоолой өвдчихөж. Гэртээ байна гэтэл. Хувцас хунараа тааруулж өмсөх чинь "хувийн зохион байгуулалт"-ын асуудал. Битгий байгууллагын ажил үрээд гэртээ хэвтээд бай гэж загнасан юмдаг. Хувцас хунараа тааруулж өмсөх, ажил хөдөлмөрт шамдахын чухлыг үргэлж сануулна.Одоо хэр нь эмээгийнхээ зарим өмссөн туфлийг хаанаас ийм хөөрхөн гутал аваа вэ гэж асуумаар тийм гоё сонголттой бас мэдрэмжтэй. Гоёл чимэглэл, эд хэрэглэлийн донж маягийг тааруулж, тохируулахын нууцыг нь суралцсаар л явна даа.Өөр зөндөө хэвшил, зөвлөгөө бий.Via-Saruul Byambadorj

ШАР СҮҮг хэрэглээд буй хүний бие чулуу шиг болдог гэлцдэгсэн. Удтал эм тариа хийлгэсэн хүний биений хор тайлах монгол арга их энгийн. Түүхий сүүгээр шахсан бяслагийн шар сүүнд халуунаар нь толгой дээгүүрээ юм хөдрөөд утна. Мөн халуу бүлээнээр нь оочлон ууна. Энэ мэтчилэн долоо хоног хэрэглэх хэрэгтэй гэдэг. Дээр үед улаан бурхан өвчнөөр хүнд өвчлөн эдгээд туйлдсан хүнд тэнхээ тамир оруулж хор тайлах зорилгоор тийн хэрэглэж байжээ. Улаан бурхан, шар өвчин зэргээр өвчилсөн хүний биед маш их хор хуримтлагдсан байдаг тул их ядардаг аж. Мөн бяслагийн шар сүүнд ороод салхи цохиулахгүй шиг унтаж амрах, эсвэл өглөө оройн хүч багатай наранд ээж шарна. Бяслагийн шар сүүнд оруулаад байсан хүүхэд дархлаа сайтай чийрэг биетэй болдог учиртай. Ер ямар ч хүн зундаа нэг хоёрын зэрэг шар сүүнд орох, 3, 7 хоног эмийн журмаар бага сагахан уухад биед тун сайн нөлөөтэй хэмээн хөгшчүүл минь ярьдагсан. Зун болохоор л муу ээж минь – Гүй ээ хүү минь ээ! Ээж нь бяслаг шахах гэж байна, энэ шар сүүгээр биеэ угаагаад наранд шараад аль гээд мөн ч их гуйдаг. Би мэтийн тэнэгүүд залуу насны ааг омгоор тэгс, ингэс гэж худлаа аргацааж байгаад л зугтаад явчихдаг байж. Эргээд бодох нь ээ их л харамсах юм даа. Намайг бүүр багад нэг удаа шар сүүнд оруулж байсан санагддаг юм. Тэр үед биетэй барьцалдаад хувцас хунарт наалдаад жаахан төвөгтэй санагдсан учир тэр биз дээ. Аарцны шар сүүгээр биеэ угааж шарсан хүн ханиад томуу хүрдэггүй, өлчир болдог гээд бас л нэг яриа бий. Шар сүүнд мал их дуртай сан. Шар сүүний амт нэг л авчихсан мал амташчихаад бүүр сүүлдээ ааруул хурууд хулгайлж идээд болдоггүй сэн.Шар сүү уугаад байсан малын хүч, тарга тэвээрэг авах нь арай л илүү байх шиг харагддаг. Ер ямар ч шар сүү бол эм юм билээ. Харин шар сүүний нэрмэл архийг даамайхан уучихвал шартана гэж алах шахна даа. Шар сүүний архи хор шар ихтэй л гэдэг. Манай нутгийн мал ахуй цөөвтөрхөнтэй мөхүү татуухан амьдралтай олон хүүхэдтэй нэгэн айл хүүгээ айл орон болгох гээд зунжин шар сүү нэрчихсэн юм даг. Их л хахарган хатуу бөгөөд нисүүн амттай, сайн тамшаалж амсвал үл мэдэг шар сүү амтагдаж байсан шиг санагдана. Тэдний хүүхдүүд шар сүүг цайны ороор уудаг юм хэмээн үнэн худал нь мэдэгдэхгүй яриа байдгийн дээр хүүхдүүдээ шар сүүнд оруулсаар байгаад гүрийж гүрдийсэн сарлагийн борц шиг хар хүүхдүүд хувцас хунар ч өмсдөггүй, хөл нүцгэн голдуу гүйлдэж явдаг. Ер нь тэднийхний бие хаа өвдөж хавдлаа гэж огтхон ч дуулдахгүй юм. Эрүүл биед саруул ухаан оршдогийн ёсоор сайхан ч амьдарцгааж байгаа даа. Шар сүүний ач тус ч юм билүү. Шар сүүгээр ган хийнэ. Шар сүүнд дүрж уринд хатаасан борцны амт шимтийг хэлээд юүхэв. Уураглаг идээ бэлтгэхэд тунаран ялгарах шаравтар өнгийн шингэнийг шар сүү гэнэ. Үүнийг зарим нутагт шар ус, шарс гэх зэргээр нэрлэх нь ч бий. Ээдэм, аарцыг шүүх үед шар сүү тунарч ялгардаг бөгөөд ээдмийн шар сүү нь зөөлөн, харин аарцных исгэлэн үнэр амттай байдаг. Хийж бэлтгэхдээ ээдмийг цагаан бөс тааранд уутлаад, гэрийн зүүн хатавчны ханын толгой болон гадаа тусгайлан бэлдсэн модонд өлгөж шар сүүг нь шавхраадаг.Хэрэглээ: Аарц, ааруулын шар сүүг зутан болон бор хоолонд нэмж амт, үнэрийг нийлүүлэх уламжлал бий. Харин ээдмийн шар сүүг чихэр, жимсээр амталж, ундаа болгох, буудайн гурилд нэмж алтан шаргал өнгөтэй боов боорцог хийх болон арвай, замбаа багсарч амтлахад хэрэглэнэ. Мөн шар сүүг хоол ундны зориулалтаас гадна ахуйн хэрэгцээнд малчид өргөнөөр хэрэглэдэг. Тухайлбал, аарцны шар сүүгээр туранхай малыг угаавал тарга, тэвээрэг сууна. Арьс шир угаавал арьсны үс сэргэж, чийг нойтныг тэсвэрлэх чанар нь сайжирдаг. Мөн өтсөн малын өттэй хэсгийг угаахад маш сайн цэвэрлэгддэг. Бас аарцны шар сүүг өвс ургамал, тэжээлтэй хольж багсран, малын тэжээл болгодог.Ач холбогдол: Шар сүүний уураг нь хүний өвчин эсэргүүцэх чадлыг сэргээж батжуулдаг. Иймээс эмгэг хуучтай болон бага насны хүүхдэд зөөлөн амттай ээдмийн шар сүүг уулгадаг. Шар сүүг байнга уувал хавдрыг сэргийлэн, таван цулыг шимжүүлж, хоол боловсруулах эрхтний үйл ажиллагааг сайжруулж, биеийн дархлааг нэмэгдүүлнэ. Одоо цагт шар сүүг зөвхөн малчид хийж бэлтгэх бус үйлдвэрийн аргаар ч гаргаж авдаг болсон тул хүн бүр ууж болон ахуйдаа хэрэглэх боломжтой болсон. Ялангуяа ээдмийн шар сүү нь хоол боловсруулах эрхтний үйл ажиллагааг сайжруулж, цус төлжүүлж, гэдэсний гүрвэлзэх хөдөлгөөнийг идэвхжүүлэх зэрэгт сайн нөлөөтэй. Мөн шар сүүг цөс угаахад өргөнөөр хэрэглэдэг.

Америкийн дунд сургуулийн хүүхдүүдэд Чингис хааны нэгэн захиаг уншуулж, асуултанд хариулах даалгаврыг өгсөн байна. Одоо хамт уншицгаая. 1. Чингис хааны Чанчун бумбыг урьсан захиа:"... Тэнгэр Дундад улсыг таалахаа больсон нь түүний хэт их тансаглал, ихэмсэг, тоомжиргүй байдлаас болжээ. Харин умард газар амьдрагч надад хэт их шунал үгүй билээ. Би тансаглалыг жигших ба даруухан амьдрахыг илүүд үзнэ. Би нэг л төрлийн хоол идэж, нэг л хүрэм өмсөнө. Би өөрийн эгэл малчдын адилаар хувцаслаж, иднэ. Би хүмүүсээ өөрийн хүүхэд адил үзэх ба чадварлаг хүмүүсийг ивээж өөрийн ах дүү мэт харна. Бид нэг ижил зарчмыг шүтэх ба бидний нэгдэл нь бие биенээ хайрлах үзэл дээр төвлөрнө.    Цэргийн дасгал сургуулилт дээр би үргэлж урд нь явах бөгөөд дайн тулаан болоход ард нь үл хоцроно. 7 жилийн хугацаанд би агуу үйлийг бүтээж, бүх дэлхийг нэгэн эзэнт гүрний дор цогцлоолоо. Гэхдээ надад ямар нэг онцгойлох авъяас, чанар үгүй билээ.Жингийн төр /Зүрчид/ тогтворгүй тул, Тэнгэр намайг тэтгэж хаан суудалд суулгав. Өмнө зүгт Сүн, умард зүгт Хүй хо /Кипчак?/, Зүүн зүгт Шиа /Тангут/, баруун зүгт орших зэрлэгүүд бүгд миний эрх мэдлийг хүлээн зөвшөөрөв. Миний санахад эрт үеийн манай Шаньюгаас хойш ийм том улс цогцолсон нь үгүй. Миний эрх мэдэл их боловч үүнийг дагаад надад ирэх үүрэг хариуцлага хүнд бөлгөө. Улсыг удирдахдаа ямарваа нэг дутагдал гаргуузай гэж айна. Гол гатлахдаа бид завь бүтээдэгтэй адилаар улсыг удирдахдаа бид эрдэмтэн мэргэдийг залдаг. Их хааны суудалд сууснаас хойш хүмүүсээ засах асуудлыг ямагт зүрхэн тушаа чухалчилж ирсэн боловч өнөөг хүртэл 3 /чун/, 9 /чин/-гийн суурийг эзлэх чадамжтай хүмүүсийг олж чадахгүй байсаар байна. Дээрх бүх өгүүлсэн зүйлсээс улбаалж, би эрхэм эрдэмтэн таныг үнэний туйлд нэвтэрч, зөв замаар алхаж ирсэн гэдгийг сонслоо. Гүн судалж, өргөн туршлагажиж, юмс үзэгдлийн хуулийг үзжээ...Би өөрийн туслах Лиу Чунг Лу-г илгээж хөсөг, хамгаалалт бэлтгэж таныг авчруулах зарлиг буулгав. Мянган лигийн газрын холоос битгий бэрхшээгтүн..."    2. Америкийн дунд сургуулийн хүүхдүүдэд дээрх захидлыг бүрэн уншуулаад ийм даалгавар өгч байна. - Чингис хааны Чанчун бумбатай уулзах зорилго юу байсан бэ.- Чингис хаан өөрийн амьдралын замналыг юу гэж дүгнэж байв. Тэрээр өөрийгөө хэрхэн дүгнэж байв. - Монголын эзэнт гүрэн байгуулагдсан амжилтын нууц юу вэ. 3. Ингэхэд бид ийм дасгал дунд сургуульд хийж байсан уу. Бүх юмандаа Чингис нэр өгч, гадаад жуулчдад Чингисийн үр сад гэж сагсуурахаас цааш бид Чингис хааныхаа бодол, санал, итгэл үнэмшлийг судалсан удаа бий юу. Америк хүүхдүүд биднээс илүүг мэдэж байна. Бид харин хоцрогдсон, улирсан баларсан, авлигажсан боловсролын системтэйгээ зууралдсаар улиг болох нь. Энэ даалгаврыг монголын төрийг эзэгнэж байгаа намын лидерүүд, улстөрчдөөр хийлгэмээр байна. Баян тансаглалд яаж хандав. Хүмүүсээ яаж хайрлав. Эрдэмтэн мэргэдийг хэрхэн хүндлэв гээд. Манай энэ 32 жилд Чингис хааны саяны захианд гарч буй дүр төрхтэй нийцэх нь битгий хэл чигчий хуруунд нь дөхөж очих ч улстөрч төрсөнгүй. Бидэнд хүмүүсээ засах асуудлыг зүрхэн тушаа чухалчилдаг удирдагч хэрэгтэй байна. Тийм л хүнийг, тийм намыг л гаргаж ирмээр байна. Үгүй бол хулгай хийдэг, худал ярьдаг, баян тансаглаж казино тоглодог, найр наадам дуур хуураас өөр юм мэдэхгүй жижиг гаруудаар 2000 жилийн түүхтэй үндэстний хувь заяаг бариулсаар залхаж гүйцлээ.Хүн таних анхан шатны чадваргүй тул тойрон хүрээлэгчдээр хамгийн чадамжгүй нохдуудыг эхлээд тавина. Дараа нь өөрөө чадамжгүй тул тэр нохдынхоо ваакумд орж таг сохорно. Гэтэл энд Чингис хаан маань юу гэж бичсэн байна. Хүмүүсээ засах асуудлыг чухалчилахад улсыг удирдах 3-9-н чадамжтай хүмүүсийг одоо хэр нь хайсаар байна гэж бичиж. Тэрнээс сонгуульд үнэнчээр зүтгэж, цүнх барьж сайн гүйсэн учир дарга болголоо гэж бичээгүй байгаа биз...Via-Өлзийбаярын Ганзориг

Хүн бүрийн хумсны доод хэсэгт байрлах хагас сар хэлбэртэй цагаан толбо ямар учиртай болохыг тэр бүр бид мэддэггүй. Гэвч бидний төдийлэн анзаардаггүй энэхүү толбо нь бие эрхтний толь ажээ. Биеийн аль хэсэг өвчилсөн болон асуудалтай үед хумсан дээрх тус цагаан толбо нь хэлбэрээ өөрчилдөг байна.1. Эрхий хурууны хагас дугуй хэлбэртэй цагаан тэмдэг нь алга болвол сэтгэл санаа гүн стресс гутралтай байгааг илтгэх аж.2. Долоовор хурууны цагаан нь жижгэрсэн эсвэл алга болсон бол таны элэг цөс, нойр булчирхай асуудалтай болсныг илэрхийлж буй юм.3. Артерийн даралт ихэссэн тохиолдолд дунд хурууны цагаан нь алга болдог байна.4. Ядам хурууны цагаан нь алга болсон тохиолдолд дотоод шүүрлийн үйл ажиллагаа доголдож буй хэрэг.5. Таны бүдүүн нарийн гэдэс өвчилсөн буюу өрөвсөлтэй болсон тохиолдолд чигчий хурууны цагаан нь жижгэрч алга болдог байна .Эх сурвалж: Borhuul

Сошиал медиа оролцоо - engagement улам буурсаар…Rival IQ 2024 оны Social Media Benchmarks тайлангаа гаргажээ. Facebook, Instagram, TikTok болон X дээрх 5 сая пост, 10 тэрбум гаруй хариу үйлдэл буюу reactions, comments гэх мэт оролцооны үзүүлэлт дээр тулгуурлан гаргасан тайлан гэнэ.Мөн Alcohol, Fashion, Financial Services, Food & Beverage, Health & Beauty, Higher Education, Home Decor, Influencers, Media, Nonprofits, Retail, Sports Teams, Tech & Software, Travel гэсэн 14 голлох салбарын хувьд бенчмарк хэлбэрээр сошиал медиа үр дүнгийн үзүүлэлтийг гаргасан байна.Манай байгууллагын сошиал медиа маркетинг хэр амжилттай байна? гэдэг асуулт та маркетерүүдээсээ асуудаг бол хариуг өөрийн салбарын дундаж үзүүлэлттэй харьцуулан эндээс харж болох нь ээ.Голлох үр дүнг товчхон: Бизнесийн байгууллагуудын хувьд органик үр дүн буурсан. TikTok оролцооны түвшин гэхэд л 50% буурсан. Харин Facebook-н хувьд оролцооны түвшин бага зэрэг өссөн байна.7 хоногт хийх постын тооны хувьд Instagram болон TikTok дээр бага зэрэг өссөн бол Facebook болон Twitter дээр буурчээ.Баяр, тэмдэглэлт өдрүүдийн хаштагтай постууд л бүх салбарт хамгийн өндөр оролцоог бий болгосон байна.Инстаграм дээр Reels ердийн видеог гүйцэж түрүүлсэн. Reels хийхгүй байгаа бол Инстаграм дээрх хамгийн өндөр хариу үйлдэл, оролцоо бий болгодог контентийг хайхрахгүй байнаа гэсэн үг.TikTok 2.63%-н оролцооны түвшингээр тэргүүлж, бусад өрсөлдөгчдөө хол орхисон хэвээр байна.FacebookFacebook-с эхэлье, Facebook дээрх голч оролцооны үзүүлэлт 0.063% (Дагагчдийн тоотой харьцуулсан хариу үйлдлийн дундаж түвшин. Өөрөөр хэлбэл тухайн хуудасны нийт дагагчдийн хэдэн хувь дунджаар хариу үйлдэл үзүүлж буйг харуулна.) буюу сэтгэлээр унахаар бага оролцоог харуулж буй хэдий ч энэ үзүүлэлт өнгөрсөн оныхоос бага ч гэсэн өссөн гэнэ.Энэхүү маш бага хариу үйлдэл, оролцооны үзүүлэлт бүх салбарт ижил байна гэнэ. Хамгийн өндөр оролцоотой үзүүлэлттэй нь согтууруулах ундаа, эрүүл мэнд, гоо сайханы салбар байгаа бөгөөд тэргүүлэгч нь спортын багуудын үзүүлэлт болж байна. Гэхдээ л 1% ч хүрэхгүй буюу 0.30%-н үзүүлэлттэй байх юм.InstagramInstagram дээр арай дээр, оролцооны түвшин 0.43%. Энэ нь өнгөрсөн жилийнхээс бага зэрэг буурсан үзүүлэлт бөгөөд 2021 оныхтой харьцуулахад талд нь ч хүрэхгүй үзүүлэлт гэнэ. Спортын багуудынх 1.5% бол боловсролын салбарынх 2.5%-тай байна.X (Twitter)Хуучнаар Твиттер буюу X-н хувьд байдал бүүр ч муу. Нэг жиргээнд ногдох оролцооны дундаж түвшин 0.03% ч хүрэхгүй. Өмнөх оныхоос ч буурсан үзүүлэлттэй байна.TikTokТикТок өрсөлдөгчидтэйгээ харьцуулахад сайн үзүүлэлттэй. Нэг видеоны оролцооны голч түвшин 2.4%, дээд боловсролын салбарын хувьд энэ үзүүлэлт 9.2% хүрчээ.Өмнөх жилийн хувьд TikTok-н оролцооны түвшин нэг бичлэг тутамд 5.69% байснаас харахад сүүлийн 1 жилийн хугацаанд оролцооны үзүүлэлт талаас илүү хувиар буурчээ.Эх сурвалж: Натхауз

Хятадын хамгийн баян хүн Жак Ма:“Хэрэв та гадил, мөнгө хоёрыг сармагчингуудын өмнө тавьбал сармагчингууд гадилыг сонгоно, учир нь сармагчингууд мөнгөөр маш их гадил худалдаж авч болно гэдгийг мэддэггүй.Хүмүүст АЖИЛ, БИЗНЕС хоёрыг санал болговол тэд АЖЛЫГ сонгоно, учир нь БИЗНЕС нь цалингаас илүү МӨНГӨ олох боломжтой гэдгийг ихэнх хүмүүс мэддэггүй” гэжээ.Ядуу хүмүүс ядуу байгаагийн нэг шалтгаан нь тэд бизнес эрхлэх боломжийг мэдэхгүй, сураагүйтэй холбоотой юм.Тэд сургуульд маш их цаг зарцуулдаг бөгөөд сургуульд сурч мэдсэн зүйл нь өөрийнхөө төлөө ажиллахын оронд цалингийн төлөө ажиллахад сургадаг.Ашиг нь цалингаас илүү байдаг, учир нь цалин хөлс таныг тэтгэж болох ч ашиг нь таныг баяжуулж чадна. Энэ зөвлөмжийг санаж яваарай.

Аргын тооллын: 2024-03-04, Даваа гараг. Билгийн тооллын 24, Сумъяа гараг. Гар одтой, Хаврын тэргүүн улаан бар сарын гурван хөх хөхөгчин үхэр өдөрБарилдлага: РашаанШүтэн барилдлага: ХүрэлцэхүйСуудал: ХийӨдрийн наран мандах, жаргах цаг нь 07:27-18:41Үс шинээр үргээлгэх буюу засуулахад тохиромжгүйӨдрийн сайн цаг нь Хулгана цаг: 23.40-01.40 цаг, Бар цаг: 03.40-05.40 цаг, Туулай цаг: 05.40-07.40 цаг, Морь цаг: 11.40-13.40 цаг, Хонь цаг:13.40-15.40 цаг, Тахиа цаг: 17.40-19.40 цаг болойТухайн өдөр хонь, гахай жилтнээ аливаа үйлийг хийхэд эерэг сайн. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, угаал үйлдэх, мал аж ахуйн үйл, удирдлагын суудалд суух, хийморийн дарцаг хатгахад сайн. Газар хагалах, ус булгийн эх малтах, уул овоо тахихад муу. Хол газар яваар одогсод урагш мөрөө гаргавал зохистой.