ТАНИН МЭДЭХҮЙ

Аргын тооллын: 2024-02-16, Баасан гараг. Билгийн тооллын 7, Сугар гараг. Нэгэн эхийн зургаан хөвгүүн одтой, Хаврын тэргүүн улаан бар сарын есөн улаан цагаан нохой өдөрӨдрийн наран мандах, жаргах цаг нь 07:58-18:15.Барилдлага: ТүлэхШүтэн барилдлага: ХурьцахуйСуудал: МодҮс шинээр үргээлгэх буюу засуулахад тохиромжгүйӨдрийн сайн цаг нь Бар цаг: 03.40-05.40 цаг, Луу цаг: 07.40-09.40 цаг, Могой цаг: 09.40-11.40 цаг, Тахиа цаг: 17.40-19.40 цаг, Гахай цаг: 21.40-23.40 цагт болойТухайн өдөр морь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, хишиг даллага дуудуулах, насан бүтээл хийлгэх, хүүхэд үрчлэн авах, гэр, байшингийн суурь тавихад сайн. Эрдэнийг гадагш өгөх, нүүдэл суудал хийх, хэрүүл тэмцэл хийхэд муу. Хол газар яваар одогсод хойш мөрөө гаргавал зохистой.

Энэ эрин бидэнд хэрхэн нөлөөлөх вэ? Хамгийн энгийнээр тайлбарлавал, одоо дуусаж буй загасны эринд арга залиар амьдрагсад хүчээ авсан байдаг бол харин бумбын эринд шударга хүмүүс үнэ цэнийг олж олонд хүндлэгдэн, олноороо худал хуурмагийг илрүүлж илтэд жигшиж түлхэн цэвэрлэнэ. Энэ үзэгдэл эхэлсэн байгааг та бүхэн нийгмээс харж байгаа. Хүмүүсийн санаа бодол аажимдаа эерэг тал руу өөрчлөгдөн ухамсрын таатай хэлбэрт шилжинэ. Хамгийн чухал нь хүмүүс өөрсдийгөө ямар сайхан хүмүүс байснаа танина, ухамсарлана. Загасны эринд хүмүүс азгүй, аз жаргал хол байна хэмээн мунхарч төөрөлдөж өөрсдийгөө үнэгүйдүүлсээр ирсэн байдаг. Хүн төрөлхтөн цэвэр ухамсрын ертөнц рүү анх удаа хөл тавьж байна. Бумбын эрин 2160 жил үргэлжилнэ. Аргаар бус билэгээр амьдарна. Бүхий л асуудлыг аргаар шийдэж ирсэн загасны эрин дуусаж байна. Хүчтэй амьтан хүчгүйгээ идэж, Чадалтай нь чадалгүйгээ боолчилдог бие махбодын зугаа цэнгэлээр амьдрагсдын эрин дуусаж байна. Шилжилт ойролцоогоор 40 жил үргэлжилнэ. Үүний дараа бүрэн шилжилтэнд уусахад хүн ирээдүйг таамаг бус зөн совин ухамсрын үнэнээр харж таньдаг болно. Шинээр төрөгсөд энэрэл нигүүлсэл, хайр мэдлэгийг төрсөн цагаасаа л эзэмшсэн байх болно. Өөрийгөө хөгжүүлэгсэд, бясалгагчид, байгальд ээлтэй ухамсар луугаа өнгийгчид энэ 40 жилд олширно. Тэд олширох тусам хүмүүс хоорондоо ярилцах, ойр байх хэрэгцээ улам багасна. Учир нь харцаараа бусдыг ойлгож, ухамсраараа нэг цөмд нэгдсэн ижил хүмүүс гэдгээ мэдрэх учир хуучин эрин шиг хов ярьж, айл хэсэж эсвэл дотно танилцаж байж хэн нэгнийг таньж эцэст нь сайлах муудах ч шаардлагагүй болно. Бурханы дотор оршиж буй нэг л бодол, нэг л хүсэл рүү явж буйг ойлгосон бумбын эринийхэнд ялгаварлан гадуурхах үзэл үгүй болно. Харц нь тунгалаг хүмүүс олширно. Шинэ эринд амьдарч буй ч зүрх сэтгэлээ ухамсараа үл нээгсэд хуучин эриний үзэл бодол, гомдол үзэн ядалт, аргацаах гэсэн амьдралын хэв маяг нь үйлчлэхгүй учир бухимдал улам ихсэж галзуу солиотой мэт аашлах өдөөн хатгах, элдэв үймээн самуун айдас дэгдээх, өвчин тараах гэж хичээнэ. Гэвч бүрэн шилжилт дуусахад тэдний сүнсэнд асуудал үүснэ. Бумбын жар дахь жилээс буюу одоогоос жаран жилийн дараа эх дэлхий диваажин руу шилжиж эхэлнэ. Хэдэн зуун жилийн туршид диваажин гэж дүрсэлж бичиж ярьж байсан тэр газар нь дэлхий өөрөө юм байна гэдгийг хүн төрөлхтөн ухамсарлаж эхэлнэ. Гэвч энэ дөнгөж ухамсарт буух ойлголт. Иймээс дэлхийг диваажин болгохын тулд хүн төрөлхтөн ахин 300 жил зарцуулна. Шилжилтийн үед худал хуурмаг бүгд ил болно. Худал хуурмаг илчлэгдэх цаг хугацаа маш хурдан байх болно. Улс төрөөс хүмүүс залхана. Хууль цаасан дээр бус ухамсарт аяндаа сууна. Шинээр төрөгсөд төрөлх хуультай төрнө. Нийгмийн харилцаа гадаа бус, цахим орчинд шилжинэ. Улс төрийг эрх баригч гэхээсээ илүү оюун санааны мастерууд удирдах болно. Эх дэлхий өөрийгөө нөхөн сэргээх учир бидний хэлдгээр байгалийн гамшигууд олширно. Үүнийг гай зовлон хэмээн харж байсан бол бумбын эриний ухамсарт хүмүүс талархалтайгаар хүлээн авч дасан зохицох болно. Амьдралын хэв маяг нь өндөр технологи, хурдтай мэдээллээр хэмжигдэх тул ахуйн амьдрал нь одоогийн хэлдгээр минималист байх болно....

Хүний амьдралын хамгийн том дайсан бол тэр өөрөө Хүний амьдралын хамгийн том тэнэглэл бол худлаа ярихХүний амьдралын хамгийн том ялагдал бол их зан Хүний амьдралын хамгийн том гуниг бол атаархалХүний амьдралын хамгийн том алдаа бол өөрийгөө алдах Хүний амьдралын хамгийн том гэм бол үл талархах Хүний амьдралын хамгийн том харамсал бол өөрийн чанар чансааг доогуур үнэлэхХүний амьдралын хамгийн том алхам бол унасны дараа босох Хүний амьдралын хамгийн том гарз хохирол бол итгэл найдвараа алдах Хүний амьдралын хамгийн том баялаг бол эрүүл мэнд, оюун ухаан Хүний амьдралын хамгийн том үүрэг бол хариуцлага чин сэтгэл Хүний амьдралын хамгийн том хишиг бол өгөөмөр зан Хүний амьдралын хамгийн том дутагдал бол үл ойлгох Хүний амьдралын хамгийн том тайтгарал бол буян үйлдэх

Аргын тооллын: 2024-02-13, Мягмар гараг. Билгийн тооллын 4, Ангараг гараг. Могойг хүлэгч одтой, Хаврын тэргүүн улаан бар сарын гурван хөх улаагчин хонь өдөрӨдрийн наран мандах, жаргах цаг нь 08:03-18:10Барилдлага: ҮхэхШүтэн барилдлага: Төрөн түгэхүйСуудал: ОгторгуйҮс шинээр үргээлгэх буюу засуулбал бие эрхтний, хүч сайжирна.Өдрийн сайн цаг нь Бар цаг: 03.40-05.40 цаг, Туулай цаг: 05.40-07.40 цаг, Могой цаг: 09.40-11.40 цаг, Бич цаг: 15.40-17.40 цаг, Нохой цаг 19.40-21.40 цаг, Гахай цаг: 21.40-23.40 цаг болойТухайн өдөр гахай, туулай жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, лус тахих, мал худалдан авах, мал түгээх, огторгуйн үүдийг боох, их хүмүүнтэй уулзахад сайн. Цөөрөм байгуулах, сахил санваар авах, хануур, төөнүүр хийлгэх, балгадын суурь тавих, нохой худалдан авахад муу. Хол газар яваар одогсод зүүн хойш мөрөө гаргавал зохистой.

Малч­ид, иргэд, тээвэрчдийн анхааралд:Сар шинийн 1, 2-нд ихэнх нутгаар өдөртөө хүйтний эрч эрс сулрах боловч, 12-нд нутгийн баруун хойд хэсгээр, 13-нд баруун, төв, зүүн аймгуудын нутгаар цас орж, цасан шуурга шуурч, ихэнх нутгаар хүйтрэхийг анхааруулж байна.2024 оны 02-р сарын 08-ны 20 цагаас 02-р сарын 09-ний 20 цаг хүртэлхцаг агаарын урьдчилсан мэдээ:Хур тунадас: Нутгийн баруун хагаст үүлшинэ, бусад нутгаар багавтар үүлтэй. Шөнөдөө Увс нуурын хотгор болон Алтайн уулархаг нутгаар, өдөртөө Хангайн уулархаг нутаг болон говийн бүс нутгийн баруун хэсгээр цас орно. Бусад нутгаар цас орохгүй.Салхи: Ихэнх нутгаар баруунаас секундэд 4-9 метр, Алтайн салбар уулсаар секундэд 12-14 метр хүрч ширүүснэ.Агаарын температур: Шөнөдөө Увс нуур болон Дархадын хотгор, Завхан голын эх, Идэр, Тэс, Байдраг голын хөндийгөөр -36...-41 градус, Хангай, Хөвсгөл, Хэнтийн уулархаг нутаг, Хүрэнбэлчир орчим, Хараа, Ерөө, Туул, Тэрэлж, Хэрлэн голын хөндийгөөр -29...-34 градус, говийн бүс нутгийн баруун өмнөд хэсгээр -14...-19 градус, бусад нутгаар -21...-26 градус, өдөртөө Увс нуур болон Дархадын хотгор, Завхан голын эх, Идэр, Тэс, Байдраг голын хөндийгөөр -25...-30 градус, Хөвсгөлийн уулархаг нутаг, Хүрэнбэлчир орчим, Ерөө голын хөндийгөөр -18...-23 градус, Хангай, Хэнтийн уулархаг нутаг, Эг, Үүр, Орхон, Хараа, Туул, Тэрэлж, Хэрлэн, Онон, Улз голын хөндий, Дорнод-Дарьгангын тал нутгаар -12...-17 градус, Хангайн нурууны өвөр бэл болон говийн бүс нутгийн баруун өмнөд хэсгээр -1...-6 градус, бусад нутгаар -8...-13 градус хүйтэн байна.УЛААНБААТАР ХОТ ОРЧМООР: Багавтар үүлтэй. Цас орохгүй. Салхи баруунаас секундэд 2-7 метр. Шөнөдөө Яармаг-Сонгины орчмоор -31...-33 градус, бусад хэсгээр -23...-25 градус, өдөртөө -11...-13 градус хүйтэн байна.БАГАНУУР ОРЧМООР: Багавтар үүлтэй. Цас орохгүй. Салхи баруунаас секундэд 3-8 метр. Шөнөдөө -32...-34 градус, өдөртөө -15...-17 градус хүйтэн байна.ТЭРЭЛЖ ОРЧМООР: Багавтар үүлтэй. Цас орохгүй. Салхи баруун хойноос секундэд 2-7 метр. Шөнөдөө -30...-32 градус, өдөртөө -13...-15 градус хүйтэн байна.2024 оны 02 дугаар сарын 10-наас 2024 оны 02 дугаар сарын 14-нийгхүртэлх цаг агаарын урьдчилсан төлөв:10-нд говийн аймгуудын нутгийн өмнөд хэсгээр, 11-нд Монгол-Алтайн уулархаг нутгаар, 12-нд баруун аймгуудын нутгийн зарим газар, төвийн аймгуудын нутгийн баруун хойд хэсгээр, 13-нд баруун, төв, зүүн аймгуудын нутаг болон говийн аймгуудын нутгийн хойд хэсгээр цас орж, цасан шуурга шуурна. Салхи 10-нд Алтайн салбар уулсаар, 11-нд Алтайн уулархаг нутаг болон Арц-Богдын өвөр хоолойгоор, 12-нд нутгийн баруун хагаст секундэд 14-16 метр, түр зуур секундэд 18-20 метр хүрч ширүүснэ. 10-наас нутгийн баруун хэсгээр, 11-12-нд ихэнх нутгаар өдөртөө хүйтний эрч эрс суларч Увс нуур болон Дархадын хотгор, Завхан голын эх, Идэр, Тэс, Байдраг голын хөндийгөөр шөнөдөө -32...-37 градус, өдөртөө -20...-25 градус, Хангай, Хөвсгөл, Хэнтийн уулархаг нутаг, Хүрэнбэлчир орчим, Эг, Үүр, Орхон, Ерөө, Туул, Тэрэлж, Хэрлэн голын хөндийгөөр шөнөдөө -24...-29 градус, өдөртөө -10...-15 градус, Хангайн нурууны өвөр бэл, говийн бүс нутгийн өмнөд хэсгээр шөнөдөө -10...-15 градус хүйтэн, өдөртөө +2...+7 градус дулаан, бусад нутгаар шөнөдөө -17...-22 градус, өдөртөө -3...-8 градус хүйтэн байна. 12-нд нутгийн баруун хойд хэсгээр, 13-нд ихэнх нутгаар хүйтэрнэ.  

Аргын тооллын: 2024-02-09, Баасан гараг. Билгийн тооллын 29, харагчин туулай өдөр, яруу эгшигт-21 одтой, хий суудалтай, 7 улаан мэнгэтэй, шидийн барилдлагатай өдөр. Модон хохимой өдөр.-Өдрийн нар ургах/шингэх цаг: 08:09-18:04. -Өдрийн сайн цаг: Туулай(05:40-07:40), хонь(13:40-15:40), тахиа(17:40-19:40), бар(03:40-05:40) болой.-Үс бүү засуул сүлд тэнэж одох тул муу цээрлэвэл зохилтой.-Хол газар явагсад урд зүгт мөрөө гаргавал зохистой.-Хонь, гахай, бич жилтнээ аливаа үйлийг хийхэд эерэг сайн. Харин тахиа, бар, туулай жилтнээ сөрөг муу.-Хүний сүлд толгой, өвдөг, шилбэнд, гэрийн сүлд хаалганд орших болой.-Хонь, бич, тахиа жилтний сүлд гараг, бар, туулай жилтний харш гараг.-Аливаа үйлд муу болой.

Аргын тооллын: 2024-02-08, Пүрэв гараг.  Билгийн тооллын 28, хар бар өдөр, элдэв тэнгэртэн-20 одтой, мод суудалтай, 8 цагаан мэнгэтэй, үл тохирохын барилдлагатай өдөр.-Өдрийн нар ургах/шингэх цаг: 08:11-18:02. -Өдрийн сайн цаг: Нохой(19:40-21:40), хулгана(23:40-01:40), үхэр(01:40-03:40), луу(07:40-09:40), хонь(13:40-15:40) болой.-Үс бүү засуул хэрүүл, тэмцэл ирэх тул муу цээрлэвэл зохилтой.-Хол газар явагсад хойд зүгт мөрөө гаргавал зохистой.-Морь, бар, туулай жилтнээ аливаа үйлийг хийхэд эерэг сайн. Харин бич, үхэр, луу, хонь, нохой жилтнээ сөрөг муу.-Хүний сүлд чих, шагайнд, гэрийн сүлд өрх, цонхонд орших болой.-Бар, туулай жилтний сүлд гараг, үхэр, луу, хонь, нохой жилтний харш гараг.-Аливаа санасан зөв үйл сэтгэлчлэн бүтмүй. Харин хиншүү, бузарын үйл, мод таслах, тангараг тавих, амраг садан бололцох, багш шавь барилдах, цацал өргөх, эм найруулах, бэрийн үйл, төрөл садан бололцох, бурхан сахиус тахих, ном эхлэн заалгах, худаг малтах, үс засуулах, дээл хувцас, гэр орны хэрэгсэл эсгэх, үхэгсдийн үйл, малын үс, ноос хяргах, эд, мал худалдан авах, мал гаргахад муу.

Цагаан сарын гол утга нь өндөр настан өтгөс дээдсээ хүндэтгэх, хүүхэд дүү нараа баярлуулах, төрөл саднаа мэдэлцэх, шинэ хүнээ танилцуулах, уламжлалт ёс заншлаа дээдлэн хадгалахад оршино. Цагаан сар нь бэлтгэл болон гол үйл ёслолоос бүрдэнэ. Цагаан сарын бэлтгэл болон ёслол нь олон бэлгэдэл утгыг агуулдаг. Бэлтгэл болоод ёслолын үйл ажиллагаа нь бүхэлдээ ариун, агуулга төгөлдөр, арвин шинж ёсыг агуулсан байдаг. Ариун байх шинж ёс нь битүүний өмнөх 29-нд гэр орон, хот хороогоо цэвэрлэж дуусгаад шинэ дээл хувцсаа гарган сэргээж зочин гийчин хүлээж авах тэргүүтэн аливаа ажил үйлс бүгдийг шинэ сайхнаар эхэлж буйтай холбоотой. Агуулга төгөлдөр байх шинж ёс нь бүх зүйлээ цэвэрлэж бэлтгэл хангагдаад ирэхээр сэтгэл баясаж, амарлих бөгөөд битүүний өглөөнөөс урьдчилан бэлдсэн идээ цагаа, ууц шүүсээ чанаж, өрж бэлтгэх ажлаа амжуулж гүйцээснээр эхэлдэг. Бурхан шүтээн, зочин гийчинд бэлдсэн тахил дээж, идээ цагаа хир тоосгүй, цэвэрхэн, ёс дэгийг агуулсан байхад ихэд анхаардаг ёстой. Цагаан сарын бүх үйл нь монголын ард түмний уламжлалт ёс заншил, бэлгэдлийг агуулж байдаг тул та бид хийж буй үйл ажлаа сэтгэлд зохистой, бэлгэ дэмбэрэл, ном ёсонд нийцүүлсэн байх хамгаас чухал юм. Иймээс бусдыг дуурайдаг, атаархдаг, харам сэтгэл агуулдаг, голж сонждог, согтож хөлчүүрхдэг, хүндлэх дээдлэх ёсыг умартдаг зэрэг зохисгүй байдал гаргахаас аль болох хол байхыг чухалчлах хэрэгтэй юм. Ингэж чадваас таны ирэх жилийн ажил үйлс, аливаа нэг юм сайхан байх бэлгэдэл төгс болж байгаа юм.

Аргын тооллын: 2024-02-07, Лхагва гараг. Билгийн тооллын 27, цагаагчин үхэр өдөр, суулга-19 одтой, уул суудалтай, 9 улаан мэнгэтэй, рашааны барилдлагатай өдөр.-Өдрийн нар ургах/шингэх цаг: 08:12-18:00. -Өдрийн сайн цаг: Могой(09:40-11:40), бич(15:40-17:40), гахай(21:40-23:40), бар(03:40-05:40), туулай(05:40-07:40) болой.-Үс засуулахад сэтгэл амгалан өлзийтэй сайн. Харин хонь, могой, морь жилтнээ муу цээрлэвэл зохилтой.-Хол газар явагсад баруун хойд зүгт мөрөө гаргавал зохистой.-Тахиа, үхэр, гахай, хулгана жилтнээ аливаа үйлийг хийхэд эерэг сайн. Харин хонь, могой, морь жилтнээ сөрөг муу.-Хүний сүлд нүд, өвдөг, хөлний булчинд, гэрийн сүлд голомтонд орших болой.-Гахай, хулгана жилтний сүлд гараг, могой, морь жилтний харш гараг.-Аливаа санасан зөв үйл сэтгэлчлэн бүтмүй. Харин эд, мал гадагш өгөх, их хэрэг үүсгэх, ном унших, арилжаа наймаа хийх, өндөр суудалд суух, туг дарцаг хийсгэх, урлан бүтээх, дархлах, эрдэм ухаанд суралцах, малын хашаа, хороо барих, цэрэг хөдөлгөх, шинэ малгай, хувцас өмсөх, анд бололцох, дээл хувцас, гэр орны хэрэгсэл эсгэх, бэрийн үйл, шинэ гэр, байшин, асар майхан босгох, малын үс, ноос хяргах, эд, мал худалдан авах, лам болох, буян номын үйл, ном сонсох, хөрөнгө исгэх, үр цацах, мал гаргахад муу.

Аргын тооллын: 2024-02-06, Мягмар гараг. Билгийн тооллын 26, цагаан хулгана өдөр, онгоц-18 одтой, ус суудалтай, 1 цагаан мэнгэтэй, үхэх барилдлагатай өдөр.-Өдрийн нар ургах/шингэх цаг: 08:13-17:59. -Өдрийн сайн цаг: Морь(11:40-13:40), бич(15:40-17:40), хулгана(23:40-01:40), үхэр(01:40-03:40) болой.-Үс засуулахад амгалан жаргалантай сайн. Харин морь, бич, тахиа, могой жилтнээ муу цээрлэвэл зохилтой.-Хол газар явагсад зүүн урд зүгт мөрөө гаргавал зохистой.-Луу, хулгана, могой жилтнээ аливаа үйлийг хийхэд эерэг сайн. Харин морь, бич, тахиа жилтнээ сөрөг муу.-Хүний сүлд өвдөг, хацар, өвчүүнд, гэрийн сүлд гэр дотор орших болой.-Могой, морь жилтний сүлд гараг, бич, тахиа жилтний харш гараг.-Аливаа санасан зөв үйл сэтгэлчлэн бүтмүй. Харин нялхасыг хөлд оруулах, гадагш явуулах, их гол гатлах, загас барих, тангараг үүсгэх, гуу, суваг татах, мал гаргах, ан гөрөө хийх, дайсан номхтгох, төлөг тавих, морь уралдуулах, нохой тэжээх, хүүхэд үрчлэн авах, улаан идээ авах, хутга мэс ирлэх, архи уух, замд гарах, мал худалдах, хүнийг ханаж, төнөх, даллага авах, буян номын үйл, хурим хийх, дээл хувцас, гэр орны хэрэгсэл эсгэх, оёж, хатгах, шинэ гэр, байшин, асар майхан барих, суурь тавих, нүүдэл хийх, арилжаа наймаа хийх,  эд мал худалдан авах, эм найруулах, замд гарах, бэрийн үйл, үхэгсдийн үйлд муу.

 6-нд нутгийн зүүн өмнөд хэсгээр, 9-нд Алтай, Хангай, Хөвсгөлийн уулархаг нутгаар цас орж, цасан шуурга шуурна. Салхи ихэнх хугацаанд секундэд 5-10 метр. Увс нуур болон Дархадын хотгор, Завхан голын эх, Идэр, Тэс, Байдраг голын хөндийгөөр шөнөдөө -36...-41 градус, өдөртөө -25...-30 градус, Хангай, Хөвсгөл, Хэнтийн уулархаг нутаг, Хүрэнбэлчир орчим, Эг, Үүр, Орхон, Ерөө, Туул, Тэрэлж, Хэрлэн, Улз, Халх голын хөндий, Дарьгангын тал нутгаар шөнөдөө -29...-34 градус, өдөртөө -16...-21 градус, говийн бүс нутгийн баруун өмнөд хэсгээр шөнөдөө -11...-16 градус, өдөртөө -4...-9 градус, Хангайн нурууны өвөр бэлээр шөнөдөө -16..-21 градус, өдөртөө -8...-13 градус, бусад нутгаар шөнөдөө -22...-27 градус, өдөртөө -13...-18 градус хүйтэн байна.

25 дахь жилдээ зохион байгуулагдсан Түмэн тэмээний баярын үеэр Мал эмнэлгийн ухааны доктор, малын эмч Ө.Эрдэнэбилэг тэмээний ашиг тусын талаар дараах мэдээллийг өглөө.    Ер нь Монгол улсын тэмээ 890 орчим мянган толгой болж өсөж байсан. Зах зээлийн шуурганд нэрвэгдэж тэмээн сүргийн ашиг шим багасаад, маханд хэрэглэсээр байтал 250 мянга хүртэл хорогдсон. Харин сүүлийн жилүүдэд тэмээний ноос, сүүний ашиг шимийг нэмэгдүүлэхэд анхаарч, зах зээлийн үнэлэмж сайжирсантай холбоотойгоор тогтвортой өсөж, энэ жил бол Өмнөговь аймаг 16 түмэн тэмээнийхээ баярыг хийж байна. Тэмээний гол ашиг шим бол ноосон ашиг шим. Тэмээнээс 5 кг ноосыг ашиглах боломжтой байдаг. Сүүлийн жилүүдэд торомны, ингэн тэмээний ноосыг самнаж бэлтгээд, маш нарийн чанартай бүтээгдэхүүн үйлдвэрлэдэг болсон. Ноос биш ноолуур нь чанартай. Тиймээс том том бренд бүтээгдэхүүнийг хийх боломжтой. Мөн сүүн ашиг шим. Ингэний сүү бол дэлхийн даяар эрүүл мэндийн бүтээгдэхүүн болж хөгжиж байгаа. Ингэний сүүний эрэлт нэмэгдсэн. Өнөөдөр ингэний нэг литр айраг 20-25 мянгаар үнэлэгдэж байна. Үнэлэмж өссөн. Хүний сахрыг бууруулах, эмчлэхэд сүү нь онцгой ач холбогдолтой учир дэлхий даяар ингэний сүүний эрэлт асар их нэмэгдсэн.    Дэлхий даяар ингэний сүүний талаар сурталчилгаа, мэдээлэл сайн явдаг. Гэвч Монголд хараахан тийм биш байна. Манайд ингэний сүүний сүлжээ үүсгэж байж хөгжүүлэхгүй бол говийн нэг малчин сүүгээ хүргэнэ гэхээр тийм ч амар биш. Мөн ЕБС-ийн үдийн цайны багцад ингэний сүүг оруулж өгвөл хүүхдүүдийн эрүүл мэндэд эерэг нөлөөтэй байхаас гаднын малчдын орлогыг нэмэгдүүлэхэд ч тустай гэж бодож байна.     Тогтвортой хөгжлийн төлөө сэтгүүлчдийн клуб 

Аргын тооллын: 2024-02-05, Даваа гараг. Билгийн тооллын 25, шарагчин гахай өдөр, хонгорцог-17 одтой, огторгуй суудалтай, 2 хар мэнгэтэй, идэрийн барилдлагатай өдөр.-Өдрийн нар ургах/шингэх цаг: 08:15-17:57. -Өдрийн сайн цаг: Гахай(21:40-23:40), үхэр(01:40-03:40), луу(07:40-09:40), морь(11:40-13:40), хонь(13:40-15:40), нохой(19:40-21:40) болой.-Үс бүү засуул нүд бүрэлзэн улцайх тул муу цээрлэвэл зохилтой.-Хол газар явагсад баруун хойд зүгт мөрөө гаргавал зохистой.-Хонь, туулай, гахай, нохой жилтнээ аливаа үйлийг хийхэд эерэг сайн. Харин могой жилтнээ сөрөг муу.-Хүний сүлд ам, тавхай, тахимд, гэрийн сүлд эд бараанд орших болой.-Нохой жилтний сүлд гараг.-Аливаа санасан зөв үйл сэтгэлчлэн бүтмүй. Харин бурхан сахиус тахих, бэрийн үйл, өвчин эмнэх, сүм дуган, балгадын суурь тавих, гэр бүрэх, арилжаа наймаа хийх, нохой авах, газар малтах, мод таслах, худаг шуудуу малтах, үс засуулах, ажилчин шүтүүлэх, эхэлж ном сонсох, нүүдэл хийх, замд гарах, дээл хувцас, гэр орны хэрэгсэл эсгэх, шинэ дээл өмсөх, эд юм өгөх, мал гаргах, өмнө зүгт явахад муу.

2024 оны 02 сарын 04. Ням гараг. Өвлийн адаг хөхөгчин үхэр сарын гурван хөх шар нохой өдөр. Үс засуулвал өвчин эмгэг ирнэ. Билгийн тооллын 24. Онгоц одтой, шар нохой өдөр. Өдрийн наран 8 цаг 17 минутад мандан, 17 цаг 55 минутад жаргана. Тухайн өдөр бар, морь жилтнээ аливаа үйлийг хийхэд эерэг сайн. Эл өдөр гэмтнийг гэсгээх, лус тахих, хүүхэд үрчлэн авах, андгай тангараг, гэрээ хэлцлээ буцаахад сайн. Нүүдэл суудал хийх, хэрүүл тэмцэл хийх, цөөрөм байгуулах, хүүхэд хөлд оруулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод баруун урагш мөргөө гаргавал зохистой.

Аргын тооллын: 2024-02-03, Бямба гараг. Билгийн тооллын 23, улаагчин тахиа өдөр, эрхтний тэргүүн-15 одтой, шороо суудалтай, 4 ногоон мэнгэтэй, түлэхийн барилдлагатай өдөр. Хутганы ир өдөр.-Өдрийн нар ургах/шингэх цаг: 08:18-17:54. -Өдрийн сайн цаг: Туулай(05:40-07:40), хонь(13:40-15:40), тахиа(17:40-19:40), бар(03:40-05:40) болой.-Үс засуулахад эд эдлэл, идээ ундаа олдох төгс жаргалантай сайн. Харин туулай, гахай, хулгана, үхэр жилтнээ муу цээрлэвэл зохилтой.-Хол газар явагсад баруун урд зүгт мөрөө гаргавал зохистой.-Могой, үхэр, тахиа жилтнээ аливаа үйлийг хийхэд эерэг сайн. Харин туулай, гахай, хулгана жилтнээ сөрөг муу.-Хүний сүлд элэг, сүүж, хөл, хөмхийд, гэрийн сүлд шүтээнд орших болой.-Үхэр жилтний сүлд гараг, гахай, хулгана жилтний харш гараг.-Аливаа санасан зөв үйл сэтгэлчлэн бүтмүй. Харин нялхасыг гаргах, суурь тавих, үхэгсдийн үйл, угаалга, залбирал талбих, өс дарах, сайн үйлийг эхлэх, үзмэр үзэх, мал агтлах, нууц зөвлөгөөн, хурим хийх, гуйлга гуйх, худаг малтах, мал худалдах, нүүдэл хийх, хүнийг ханаж, төнөх, замд гарах, дээл хувцас, гэр орны хэрэгсэл эсгэх, оёж, хатгах, морь уралдуулж эхлэх, мал хөнгөлөх, арилжаа наймаа хийх, эд мал худалдан авах, бэрийн үйлд муу.