ТАНИН МЭДЭХҮЙ

Элэгний асуудалтай хүмүүсийн анхааралд!Та хулуу гэдэг энэ ногоог мэднэ биз дээ? Энэхүү ногоо нь элэгийг цэвэрлэдгээрээ алдартай бараг ганц ургамал нь гэнэ. Үүгээр салат хийж идэх, хоолондоо хэрэглэх зэргээр өдөр тутам идэж байвал элэгийг цэвэрлэхээс гадна нөхөн төлжүүлдэг үйлчилгээтэй юм байна. Хамгийн энгийн заавар: Хулууг арилгаж, угаагаад, нарийн хэрчинэ. Дээр нь оливын тос 2 халбага хийнэ. Жаахан давс, жаахан элсэн чихэр хийгээд таглаад хөргөгчинд 1 цаг орчим байлгана. Тэгээд л боллоо доо.  Өглөө өлөн дээрээ нэг аяга ийм салат идвэл нэн тустай.

Аргын тооллын: 2024-04-18, Пүрэв гарагБилгийн тооллын 10, Бархасбадь гараг, Хаврын адаг шар луу сарын 1 цагаан мэнгэтэй, их морь одтой, хар хулгана өдөр. Балжиннямтай өдөрБарилдлага: Хүчин төгсөхШүтэн барилдлага: МунхрахуйнСуудал: УсӨдрийн наран мандах/ жаргах цаг: 05.57-19.46.Өдрийн сайн цаг: хулгана(23.40-01.40), үхэр(01.40-03.40), туулай(05.40-07.40), морь(11.40-13.40), бич(15.40-17.40), тахиа(17.40-19.40) болой.Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулбал эрч, хүч ихсэнэ.Тухайн өдөр бич жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, угаал үйлдэх, хүүхэд үрчлэн авах, улааны үйл, хур оруулах, дархны үйлд сайн. Төлгө тавих, морь уралдахад муу.

Аргын тооллын: 2024-04-17, Лхагва гарагБилгийн тооллын 9, Буд гараг. Хаврын адаг шар луу сарын 2 хар мэнгэтэй, рашаан барилдлагатай, өтлөх үхэхүйн шүтэн барилдлагатай, огторгуй суудалтай, үнэг одтой, цагаагчин гахай өдөр. Тэрсүүд өдөр.-Өдрийн наран мандах/ жаргах цаг: 05.59-19.45.-Өдрийн сайн цаг: үхэр(01.40-03.40), луу(07.40-09.40), морь(11.40-13.40), хонь(13.40-15.40), нохой(19.40-21.40), гахай(21.40-23.40) болой. -Хол газар яваар одогсод зүүн хойш мөрөө гаргавал зохистой. -Үс шинээр үргээлгэх буюу засуулахад тохиромжгүй. Өвчин өчүүхэн ирнэ-Тухайн өдөр хонь, туулай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.-Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, хараал, жатхыг буцаах, нялхсын хурим хийх, огторгуйн үүдийг боох, их хүмүүнтэй уулзахад сайн. Газар ухах, худаг гаргах, балгадын суурь тавих, нохой худалдан авахад муу.

ӨӨРИЙН УХАМСРЫГ ЗӨВ АШИГЛАЖ ЧАДАХГҮЙ БОЛ ЗУРАГТЫН УДИРДЛАГА МЭТ ХЭН НЭГНЭЭР УДИРДУУЛАХ БОЛНО ("Бодьсадвын гучин долоон гарын авлага" номын айлдвараас)Номыг сонсож мэдээгүй цагт анхааран авч хэрэгжүүлэх аргыг мэдэж чадахгүй. Сонссоноо дахин дахин шинжиж, магадлалыг төрүүлэхгүй бол бясалгах зүйл төрөхгүй, бясалгахгүйгээр оюунд өөрчлөлт гарахгүй юм. Хүний оюунд өөрчлөлт сайжрал гарахгүй бол олон ном сонслоо ч үр дүнгүй болно. Нисванис төрөх нөхцөл шалтгаан бидэнд асар их байна. Өөрийн эрхтний үүдийг машид сайн сахин боомтлох хэрэгтэй. Болох болохгүйг үйлдээд нуулаа ч, хэзээ нэгэн цагт илрэх нь тодорхой шүү дээ. Хэл амаар элдвийн зүйл ярих нь үүнд түшиглэн болох болохгүй зүйлийн үүд нээгдэх болно. Энэ дотроос хамгийн хэцүү нь санах санах ёсгүйг санаандаа төсөөлж ургуулан бодох, элдвийн хэрэгцээгүй зүйлсийг эргэцүүлж бодох юм. Атгаг сэжгийн сэтгэлээс болж элдвийн хэрэгцээгүй зүйлсийг төсөөллөөр бий болгодог. Атгаг сэжиг ихтэй хүн эд хөрөнгө гэх юмгүй хоосон гэрт амьдарлаа ч, эд хөрөнгөө алдчихвий гэх атгаг сэжгийн бодлоос болж унтаж чадахгүй. Атгаг сэтгэл хүнийг ор үндэсгүй зүйлийг бодогдуулна, хоосон байшин гэрээ хааж түгжсэн ч хэрэгтэй зүйлсээ алдчихвий гэж атгагласнаас болж унтаж чадахгүйд хүрч байна. Учрахад бэрхтэй хүний биеийг хэрэггүй дэмий зүйлд бүү зараасай гэдэг үүднээс дээрх бүгдийг хэлж байна. Бид тэргүүлшгүйгээс асар их муу авъяасыг өөрт суулган дадуулсан учир дараа төрөлд чөлөө учралт хүний биеийг дахин олох гэдэг үнэхээр хэцүү юм. Чөлөө учрал бүрдсэн хүний энэ бие дээр хэрэгтэйг л үйлдэхгүй бол дараа төрөлд үүнтэй дахин учрах гэдэг бэрх байна.  Иймд эхлээд ном сайтар сонсох хэрэгтэй. Ном сонссон төдийгөөр хязгаарлагдахгүй, сонссоноо алдахгүй, өөрийн оюун сэтгэлдээ ижилсүүлэн, бодит байдалтай үүнийг харьцуулан шинжиж, хэрэгжүүлэн дадуулах хэрэгтэй. Өөрийгөө сайтар ажиглан, энэ сайхан ховор чөлөө учралыг олсон дээрээ би одооноос ном хийхээс өөр арга гэж үгүй гэдгийг магадалж эцэслэн шийдэх чухал юм. Ном сонсож суралцах хэрнээ ертөнцийн үйлд хүчтэй татагдах хэрээр ном нь үг төдий болж, сэтгэлд нь төрж чадахгүй юм. Ном хийх хэрэгтэйг өөрөө магадлан шинжилж, эцэслэн шийдсэнээр гарын авлага болгох хэрэгтэй. Иймд номыг сонсох, санах, хэрэгжүүлэхийг аль чадлаараа үйлдэх нь маш чухал юм. Сонсох үгүйгээр санах гэж үгүй, санах үгүйгээр бясалгах үгүй юм. Юуг бясалгах вэ дээ. Сонсох, санах, бясалгахыг өөр хооронд нь хагацуулж болохгүй. Хагацуулбал санахгүй, бясалгахгүй бол сонссон нь ертөнцийн үйл үйлдэхийн аргад л явна. Бизнес хийх эсвэл бусдыг хууран мэхлэхэд мэргэн арга хэрэглэгдэхүүн болж мэднэ. Сонсохгүйгээр зөвхөн санахыг үйлдэнэ гэвэл хоосон байшингаас хамаг эд зүйлсээ алдчихвий гэдэгтэй адил атгаг сэжиг төрнө. Болох болохгүй элдвийн зүйлийг атгаглан бодон, илүү их бэрхшээлтэй болно. Учир шалтгааны үүднээс шинжлэх зүйлгүй болох тул үндэслэлгүй элдэв зүйлсийг төсөөллөөр бий болгоно. Тийн атгаг сэжгийн олон галыг анхнаас нь бадрааж, дээр нь тос хийвэл улам хүчтэй асахтай адил болно. Иймд ном сонсохгүй бэрхшээл ар араасаа хөвөрнө. Бидний юмыг хүлээж авах чадамж анхнаасаа л сул байна. Чадамжгүй дээр нь хэн нэгэн цог нэмж өрдөөд өгвөл тэр муу сэтгэл өөрийн эрхгүй улам хүчтэй бадарна. Бусдын өрдсөн галд өртөөд явдаг нь өөрийн ухамсрыг зөв ашиглаж чадаагүйн илрэл юм.  Зурагтын удирдлага шиг бусдаар удирдуулж буй хэрэг юм. Иймд номыг сонсох гэж үгүй бол санах гэж байхгүй, тэгээд бясалгана гэвэл нүдээ аниад цомцойгоод суух болно. Биеэ тэгш агуулан суух мэт авч, сэтгэл нь дэлхий даяар тойрон хэсүүчлэх болно. Дэлгүүр хоршоогоор тэнээд, оролцох ёсгүй дэмий зүйлд оролцоод явах болно. Иймд сонсох, санах, бясалгахыг хооронд нь хагацуулалгүй үйлдэх гэдэг маш чухал юм. Энэ бол бодьсадва хүний гарын авлага юм.Ачит багшийн айлдвараас....2024.04.11

Цусны шинжилгээний хариуг өөрөө уншиж сураарай. Танд тайлбарлаж өгье.Гемоглобин (Hb): Энэ бол уушигнаас хүчилтөрөгчийг эд эсэд шилжүүлэх, CO2-ыг зайлуулах гол үүрэгтэй эритроцитуудын үндсэн бүрэлдэхүүн хэсэг болох нарийн төвөгтэй уураг юм. Хэвийн хэмжээ нь: эрэгтэйчүүдэд – 130-160 г/л, эмэгтэйчүүдэд – 120-140 г/л. Хэрэв гемоглобин буурсан бол энэ нь цус багадалт эсвэл цус алдах магадлалтайг илтгэж, их хэмжээний үзүүлэлтүүд нь шингэн алдалт, цусны өвчин, зүрхний зарим төрлийн өвчнийг илтгэнэ.Цусны улаан эс: Гемоглобин агуулсан цусны эсүүд. Хэвийн хэмжээ нь: эрэгтэйчүүдэд – 4.0-5.1 × 10¹² эс/л; эмэгтэйчүүдийн хувьд – 3.7-4.7 × 10¹² эс/л. Эрүүл хүмүүст цусны улаан эсийн илүүдэл нь өндөр ууланд ажиглагдаж болно. Гэхдээ энэ нь ихэвчлэн гуурсан хоолой, уушиг, бөөр, элэг, зүрхний өвчний тухай өгүүлдэг. Эритроцитын дутагдал нь цус багадалт, цочмог цусны алдагдал, архаг үрэвсэлт үйл явцын тухай өгүүлж байдаг. Заримдаа энэ нь жирэмсний хожуу үе шатанд илэрдэг.Лейкоцитүүд: Бие махбодийг хорт бодис, вирус, бактериас хамгаалахын тулд ясны чөмөг, тунгалгийн булчирхайд үүсдэг цагаан цусны эсүүд. Хэвийн хэмжээ нь: 4‚0–9‚0 × 10⁹ эс/л. Илүүдэл нь бие махбод дахь үрэвсэл эсвэл бактерийн халдварын тухай өгүүлдэг. Хүчтэй стресс, бие махбодийн стресс эсвэл жирэмслэлтээс болж лейкоцитын түвшин нэмэгддэг. Вирусын халдвар, түүнчлэн өвдөлт намдаах эм, таталтын эсрэг эм уух нь лейкоцитын тоо буурахад хүргэдэг.Тромбоцитууд: Цусны бүлэгнэлтийг хариуцдаг эсүүд. Хэвийн хэмжээ нь: 180–320 × 10⁹ эс / л. Илүүдэл хэмжээ нь сүрьеэ, шархлаат колит, элэгний хатуурал зэргийг илтгэнэ. Тромбоцитийн агууламж буурах нь архи, хүнд металлын хордлого, цусны өвчин, бөөрний дутагдал, элэг, дэлүүний өвчин, уулын эмгэг зэрэгт тохиолддог.ESR: Туршилтын хоолой дахь эритроцит тунадасжих хурд. Хэвийн хэмжээ нь: эрэгтэйчүүдэд – 2-10 мм/цаг, эмэгтэйчүүдэд – 2-15 мм/цаг. Өндөр байх нь халдвар, үрэвсэл, цус багадалт, бөөрний өвчин, дааврын эмгэг, гэмтэл, мэс заслын дараах цочрол, жирэмслэлт, сарын тэмдгийн үед ажиглагддаг. Багассан утга нь цусны эргэлт хангалтгүй, анафилаксийн шок гэх мэт өвчний үед илэрдэг.Глюкоз: Цусан дахь сахарын үзүүлэлт. Хэвийн хэмжээ нь: 3.5-6.5 ммоль/л. Өндөр үзүүлэлттэй байх нь чихрийн шижин өвчнийг илтгэнэ. Бага байх нь тогтмол бус хоол тэжээл, дааврын тасалдал байгааг илтгэнэ.Нийт уураг: Хэвийн хэмжээ нь: 60-80 г/л. Хатуу чанга хоолны дэглэмийн дараа, түүнчлэн элэг, бөөрний үйл ажиллагааг алдагдсан тохиолдолд энэ үзүүлэлт буурдаг.Нийт билирубин: Элэгний үйл ажиллагааны үзүүлэлт. Хэвийн хэмжээ нь: 20.5 ммоль/л. Гепатит, холелитиаз эсвэл цусны улаан эсийг устгах үед нэмэгддэг.Креатинин: Элэгний үйл ажиллагааны үзүүлэлт. Хэвийн хэмжээ нь: 0.18 ммоль/л. Өндөр үзүүлэлт нь бөөрний дутагдлын шинж тэмдэг юм. тэмдэглэгээнүүдийг танд тайлбарлаж өгье.Гемоглобин (Hb): Энэ бол уушигнаас хүчилтөрөгчийг эд эсэд шилжүүлэх, CO2-ыг зайлуулах гол үүрэгтэй эритроцитуудын үндсэн бүрэлдэхүүн хэсэг болох нарийн төвөгтэй уураг юм. Хэвийн хэмжээ нь: эрэгтэйчүүдэд – 130-160 г/л, эмэгтэйчүүдэд – 120-140 г/л. Хэрэв гемоглобин буурсан бол энэ нь цус багадалт эсвэл цус алдах магадлалтайг илтгэж, их хэмжээний үзүүлэлтүүд нь шингэн алдалт, цусны өвчин, зүрхний зарим төрлийн өвчнийг илтгэнэ.Цусны улаан эс: Гемоглобин агуулсан цусны эсүүд. Хэвийн хэмжээ нь: эрэгтэйчүүдэд – 4.0-5.1 × 10¹² эс/л; эмэгтэйчүүдийн хувьд – 3.7-4.7 × 10¹² эс/л. Эрүүл хүмүүст цусны улаан эсийн илүүдэл нь өндөр ууланд ажиглагдаж болно. Гэхдээ энэ нь ихэвчлэн гуурсан хоолой, уушиг, бөөр, элэг, зүрхний өвчний тухай өгүүлдэг. Эритроцитын дутагдал нь цус багадалт, цочмог цусны алдагдал, архаг үрэвсэлт үйл явцын тухай өгүүлж байдаг. Заримдаа энэ нь жирэмсний хожуу үе шатанд илэрдэг.Лейкоцитүүд: Бие махбодийг хорт бодис, вирус, бактериас хамгаалахын тулд ясны чөмөг, тунгалгийн булчирхайд үүсдэг цагаан цусны эсүүд. Хэвийн хэмжээ нь: 4‚0–9‚0 × 10⁹ эс/л. Илүүдэл нь бие махбод дахь үрэвсэл эсвэл бактерийн халдварын тухай өгүүлдэг. Хүчтэй стресс эсвэл жирэмслэлтээс болж түвшин нэмэгддэг

БҮХ ЮМС МӨНХ БУС ГЭДГИЙГ ОЙЛГО…..Амьд байна. Амьдарч байна гэдэг үхэлдээ бэлдэх боломж. Олж буй орлогынхоо тодорхой хувийг буянд зарцуул. Орлого чинь улам өснө. Бусдыг дуурайж их мөнгө олох гэж зүтгэх шаардлагагүй. Мөнгө хөрөнгө үр ач 9 үедээ хүрэлцэхээр хуваагддаг. Түүнийг Монголчууд "амны хишиг" гэдэг. Хүнд өртэй бол хурдан барагдуул. Өрөө өгөхгүй байх тусам өөрт чинь ирэх орлогын үүдийг хаадаг. Мөнгө олвол хүмүүс баярлуул. Хүмүүс биш мөнгө өөрөө бас баярладаг юм. Мөнгө баярлаж байгаа газар луу мөнгө ирэх дуртай байдаг. Үхсэн хүнээс бүү ай. Хүний сайн мууд хамаагүй явж бай. Үхсэн хүнээс хүн бузартдаггүй. Ялангуяа амьддаа чамд тусалж байсан хүний оршуулганд оч. Оршуулга бол тэр хүнд үзүүлж буй хамгийн сүүлчийн хүндэтгэл. Сэтгэлийн чинь өр цайрдаг юм. Хоёр хар мэнгэтэй бол хэл амнаас битгий ай. Өөрөө харин хүн хараавал тэр хүндээ хэцүү учраас сэтгэлээ цайлгаж яв. Харин 2 хар мэнгэтэй хүнд хараал орчихвол гаргахад хэцүү. Өөрт ч өрөөлд ч хэл амгүй яв. Мах ид. Махбодтой чинь холбоотой. Монгол удам мангас идэштэй. Зун цагтаа ходоодны галаа булгийн усаар дарж яваарай. Сэрхрүүтэй өндөр уулын оройд гарч алсыг харж, бодож эрэгцүүлж яв. Хийморь чинь тэнд сэргэнэ. Эр хүн өндөр уулын оройд гарч ганцаараа бодлоо цэгцэлж, амьдралаа эргэцүүлвэл зарим нэг хүн бодол дурсамжуудаасаа салдаг. Адуу унавал цайвар бор,  эсхүл тас хар дэлтэй хүлэг хол хүргэнэ. Хар архийг номхруулж уу. Уусныхаа маргааш сүү амсаарай. Аандаа номхруулж дийлэхээ байхаар чи өөрөө болих байх. Хүртэхээр бол сайн хүнтэй, сайн сархад хүртэж явбал архины гэм бага байдаг. Муу хүнтэй муу архи уувал амьдрал чинь уруудан доройтно. Багш нь хүүгээ насаараа даана. Багшаасаа хойш багшдаа мөнгөн цөгцөнд зул өргөж байгаарай. Хүнээс хадаг авбал заавал эргүүлж хадаг өгөөрэй. Хүнд хадагны өртэй үхэв. Хамгийн том өр хадагны өр байдаг. Нас ахиад ирэхээрээ аягаа бага болгоорой. Цайныхаа идээг битгий шүүгээрэй.  Хүмүүс буян хийнэ гэдэг. Хүн баярлуулж дэмтэй тустай явбал сайн. Хамгийн том буян бол маани уншихаас илүүтэй бусдад хийгээд орчлон хорвоод гай болохгүй мөрөөрөө амьдрах. Гэртээ Сундуйн жүд залаарай. 600 гаруй төрлийн засал дотор нь байдаг гэнэ. Бурхны ном олон. Ойлгохгүй 1000 уншсанаас ойлгох 1 номоо цээжний болгож аваарай.  Орчлон оройгүй гэдэг. Тэнгэрийг хэлээд байгаа юм биш. Өөрийг чинь хэлж байгаа юм. Номын оройд гарсан хүн тэнгэрийн оройд гарлаа гэсэн үг. Орчлон дотор тэнгэр багтдаг. Ном сайн сур...

Аргын тооллын: 2024-04-16, Мягмар гарагБилгийн тооллын 8, Ангараг гараг, Хаврын адаг шар луу сарын 3 хөх мэнгэтэй, арвидахын барилдлагатай, төрөхүйн шүтэн барилдлагатай, төмөр суудалтай, найралт эх одтой, цагаан нохой өдөр.-Өдрийн наран мандах/ жаргах цаг: 06.00-19.43.-Өдрийн сайн цаг: бар(03.40-05.40), луу(07.40-09.40), могой(09.40-11.40), бич(15.40-17.40), тахиа(17.40-19.40), гахай(21.40-23.40) болой.-Хол газар яваар одогсод баруун урагш мөрөө гаргавал зохистой.-Үс шинээр үргээлгэх буюу засуулбал нас уртадна.-Тухайн өдөр бар, морь жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.-Эл өдөр худалдаа арилжаа хийх, бизнэс эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, лус тахих, хүүхэд үрчлэн авах, андгай тангараг, гэрээ, хэлцлээ буцаахад сайн. Нүүдэл суудал хийх, хэрүүл тэмцэл хийх, цөөрөм байгуулах, хүүхэд хөлд оруулахад муу.

Аргын тооллын: 2024-04-14.  Билгийн тооллын 6, Адъяа гараг, Хаврын адаг шар луу сарын 5 шар мэнгэтэй, үхэхийн барилдлагатай, авахуйн шүтэн барилдлагатай, гал суудалтай, хэрцгий охин одтой, шар бич өдөр.-Өдрийн наран мандах/ жаргах цаг: 06.04-19.41.-Өдрийн сайн цаг: хулгана(23.40-01.40), үхэр(01.40-03.40), луу(07.40-09.40), могой(09.40-11.40), хонь(13.40-15.40), нохой(19.40-21.40) болой.-Хол газар яваар одогсод зүүн урагш мөрөө гаргавал зохистой. -Үс шинээр үргээлгэх буюу засуулбал өнгө зүс сайжирна.-Тухайн өдөр хулгана, луу жилтнээ аливаа үйлийг хийхэд эерэг сайн.-Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, сүм дуганыг сэргээх, бүжиг наадам хийх, цэцэрлэг байгуулах, урлан бүтээхэд сайн. Хувцас эсгэх, шинэ хувцас өмсөх, зөвлөгөө хийх, гөлөг тэжээхэд муу.

Цаг агаарын аюултай үзэгдлээс сэрэмжлүүлэх мэдээ:  Өнөөдөр Төв аймгийн зүүн, Хэнтийн баруун хэсгээр цасан шуурга шуурна. Дундговийн зүүн, Дорноговийн баруун хэсгээр салхи секундэд 16-18 метр, зарим үед секундэд 24 метр хүрч ширүүснэ.  Малчид, иргэд, тээвэрчдийн анхааралд:  Өнөөдөр нутгийн зүүн хойд хэсгээр ахиухан хэмжээний нойтон цас, цас орж, цасан шуурга шуурч, нутгийн зүүн хагаст хүчтэй салхи, шороон шуурга шуурч, ихэнх нутгаар эрс хүйтрэх тул зам, даваанд халтиргаа гулгаа, мөстөлт үүсэж болзошгүйг онцгойлон анхааруулж байна.  2024 оны 04-р сарын 14-ний 08 цагаас 20 цаг хүртэл цаг агаарын урьдчилсан мэдээ:  Нутгийн зүүн хэсгээр үүлшинэ. Бусад нутгаар үүл багасна. Төвийн аймгуудын нутгийн зүүн, зүүн аймгуудын нутгийн хойд хэсгээр бороо, нойтон цас, цас орж, цасан шуурга шуурна. Салхи нутгийн зүүн хэсгээр баруун өмнөөс хойш эргэж, бусад нутгаар баруунаас секундэд 6-11 метр, нутгийн зүүн хэсгээр секундэд 16-18 метр, зарим үед секундэд 24 метр хүрч ширүүсэж, шороон шуурга шуурна. Ихэнх нутгаар сэрүүсэж, Увс нуур болон Дархадын хотгор, Хэнтийн уулархаг нутгаар -1...-6 градус хүйтэн, Монгол-Алтай, Хангайн уулархаг нутаг, Завхан голын эх, Хүрэнбэлчир орчим, Идэр, Эг, Үүр голын хөндийгөөр 0...+5 градус, Их нууруудын хотгор, говийн бүс нутгийн баруун өмнөд хэсгээр +13...+18 градус, говийн бүс нутгийн хойд хэсгээр +7...+12 градус, бусад нутгаар +3...+8 градус дулаан байна.  УЛААНБААТАР ХОТ ОРЧМООР: Үүлэрхэг. Цас орж, цасан шуурга шуурна. Салхи баруун хойноос секундэд 7-12 метр. Хүйтэрч +2...+4 градус дулаан байна  БАГАНУУР ОРЧМООР: Үүлэрхэг. Цас орж, цасан шуурга шуурна. Салхи баруун хойноос секундэд 7-12 метр, зарим үед секундэд 16-18 метр хүрч ширүүснэ. Хүйтэрч +2...+4градус дулаан байна  ТЭРЭЛЖ ОРЧМООР: Үүлэрхэг. Цас орж, цасан шуурга шуурна. Салхи баруун хойноос секундэд 7-12 метр. Хүйтэрч 0...+2градус дулаан байна гэж ЦУОШГ-аас мэдээлэв.

Өглөө 6:00 цагт сэтгэлийн сэдлийг засан буяны бодлыг үүсгэнэ. 108 мөргөл үйлдэж биеийн чилээг гарган хийн судлыг тэтгэснээр мэдрэмж нарийсан бясалгал үйлдэхэд нэн сэргэг болно. Үйлдэл бүрээ сэргэгээр ухамсарлан бясалгаснаар ухамсаргүй үйлдэл хийж дадсан сэтгэлийн буруу дадлыг ялан дийлэх зөв дадалд суралцана.Энэ Бямба гаригийн өглөө 06:00 цагт Яармаг дахь Амарлихуй хийдийн дуганд мөргөл бясалгалаар өглөөг эхлүүлж бие сэтгэлийн амгаланг мэдрээрэй. Өглөөний мөргөл, бясалгалыг Нароба институтийн багш нар хөтлөн явуулна. Та ирэхдээ 200 мл орчим ширгээсэн ус уусан байна.  Мөргөлийн дэвсгэр, (зузаан том алчуур, орны зузаан бүтээлэг байвал сайн) даавуун бээлий (мөргөх үед шаланд зуурахгүй ажлын цагаан бээлий байж болно) бэлдэж ирнэ. Мөн мөргөлийн дараа уух бүлээн ундаа бэлдэж ирнэ. (Хярам, сүүтэй цай, бор цай зэргээс аль дуртайгаа бэлдэж ирээрэй. Мөргөлийн дараа ус ууж болохгүй.)Өглөөний хөтөлбөр үнэ төлбөргүй бөгөөд та хүсвэл буяны сэдлээр хандив өргөж болно.

Аргын тооллын: 2024-04-12, Баасан гарагБилгийн тооллын 4, Сугар гараг, Хаврын адаг шар луу сарын 7 улаан мэнгэтэй, шидийн барилдлагатай, сэрэхүйн шүтэн барилдлагатай, мод суудалтай, чөлөөт эх одтой, улаан морь өдөр.-Өдрийн наран мандах/ жаргах цаг: 06.08-19.38-Өдрийн сайн цаг нь хулгана(23.40-01.40), үхэр(01.40-03.40), туулай(05.40-07.40), морь(11.40-13.40), бич(15.40-17.40), тахиа(17.40-19.40) болой.-Үс шинээр үргээлгэх буюу засуулбал бие эрхтний хүч сайжирна.-Хол газар яваар одогсод хойш мөрөө гаргавал зохистой.-Тухайн өдөр нохой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.-Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнэс эхлэх, зэрэг дэвших, гарагийг тахих, тангараг тавих, гэр, байшингийн суурь тавихад сайн. Гэр бүрэх, хэрүүл тэмцэл хийх, улаа гаргах, хиншүү хярвас гаргахад муу.

Цаг уурын байгууллагын ирүүлсэн мэдээгээр маргааш буюу дөрөвдүгээр сарын 12-нд баруун аймгуудын нутгийн баруун болон хойд хэсгээр, 13-нд нутгийн баруун хагаст, 14-нд нутгийн зүүн хагаст цас орж, цасан шуурга шуурч, нутгийн өмнөд хэсгээр шороон шуурга шуурч, эрс хүйтрэхийг онцгойлон анхааруулж байна. Салхи дөрөвдүгээр сарын 12-нд баруун аймгуудын нутгаар, 13-нд ихэнх нутгаар, 14-нд нутгийн зүүн хагаст секундэд 18-20 метр, зарим үед секундэд 24 метр хүрч ширүүсэж, шороон шуурга шуурна.Иймд:-Цаг агаарын мэдээ, мэдээллийг цаг тухай бүр сонсон, мэргэжлийн байгууллагаас өгч байгаа сэрэмжлүүлэг, анхааруулгыг дагах,-Тээврийн хэрэгслийн жолооч нар хол, ойрын замд гарахдаа тээврийн хэрэгслийн найдвартай байдлыг хангаж бензин, шатахууны нөөцтэй, найдвартай харилцаа холбооны хэрэгсэлтэй, дулаан хувцастай зорчих, баталгаагүй зам, гүүр, гарамгүй газраар зорчихгүй байх,-Иргэд, малчид болзошгүй эрсдэлээс урьдчилан сэргийлж, салхи шуурганд төөрөх, малтайгаа уруудах эрсдэлээс урьдчилан сэргийлж, малаа ойрын бэлчээрт хариулах, бага насны хүүхдийг малд явуулахгүй байх,-Ой, хээрт явахдаа ил задгай гал түлэхгүй байх, галын аюулгүй байдлыг сайтар хангахыг онцгойлон анхааруулж байна.

Аргын тооллын: 2024-04-11, Пүрэв гарагБилгийн тооллын 3, Модон хохимой өдөр. Бархасбадь гараг, Хаврын адаг шар луу сарын 8 цагаан мэнгэтэй, хүчин төгсөхийн барилдлагатай, хүрэлцэхүйн шүтэн барилдлагатай, уул суудалтай, нэгэн эхийн зургаан хөвгүүн одтой, хөхөгчин могой өдөр.-Өдрийн наран мандах/жаргах цаг: 06.10-19.36-Өдрийн сайн цаг: үхэр(01.40-03.40), луу(07.40-09.40), морь(11.40-13.40), хонь(13.40-15.40), нохой(19.40-21.40), гахай(21.40-23.40) болой.-Хол газар яваар одогсод баруун хойш мөрөө гаргавал зохистой.-Үс шинээр үргээлгэх буюу засуулбал эд малтай баялаг төгс болно.-Тухайн өдөр тахиа жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Хүчин төгсөн сан тавиулах, угаал үйлдэх, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх, сэтгэлд сэвтэй газар очиход муу.

Та бүхэн энд нэг зүйлийг бодоосой гэж би хүсэж байна. Богд Зонхов дээдэс хэдий бурхан ч гэсэн, эгэл хүний дүрээр Замбуулинд заларч, эгэл хүн яаж эрдэмтэй болж, бусдад яаж туслах зохиолыг эхнээс нь үзүүлсэн юм. Богд Зонховын аав Жамбалцанжод тэргүүтэй ном уншлагыг өдөр бүр уншдаг, ээж нь үнэнч шударга, бусдын итгэлийг олсон сайн хүн байжээ. Богд Зонховыг эхийн хэвлийд залрах үеэс ээж нь буян номонд хичээж, сахилга батыг сахиж байсан зэрэг олон нөхцөл бүрдсэн учиртай байна. Иймд магадгүй та бүхэн өөрсдөө эсвэл үр хүүхэд, ах дүү нартаа хүн бие давхар болоход яах нь зохистойг, Богд Зонхов дээдсийн ээж ямар зохиолыг үзүүлсэн гэдгээс үлгэр авах хэрэгтэй. Аав нь сэтгэл, явдал мөр сайн байхаас гадна сүсэглэж, залбирч, уншлага уншдаг байв. Эдгээр нь ухаантай хүү төрөхөд бэлгэ дэмбэрэл, буян талаасаа тустай байжээ.Одоо цагт зарим хүүхдийг багаас нь тоглоомон буугаар тоглуулдаг нь бэлгэ дэмбэрэл муу, буруу юм. Мэдээж жаахан хүүхэд тоглох, тааваараа байх хэрэгтэй. Гэхдээ хүүхдээ буруу эрхлүүлж, муу сэтгэл төрүүлэх, муу сэтгэлийг хүчтэй болгоод байвал тэр хүүхэд урьдын буянаар сайхан хүн болж төрж чадсан ч, сайн хүн болж төлөвшиж чадахгүй юм. Ийм учир хүүхэд сайн аав ээжийн дэргэд төрөхөөс гадна, сайн багшийн дэргэд хүмүүжиж, төлөвших хэрэгтэй юм. Энэ адил Богд Зонхов дээдэс урьдын бурхадын ерөөл, зохиолоор лагшин мэндэлж, улмаар аав ээж нь түүнийг Чойжи Дондовренчин багшид өргөсөн байдаг. Сайн багштай учрахад хүүхэд зөв төлөвшихөд тустай байна. Богд Зонхов дээдэс багаасаа эрдэмтэй багшаас олон увдис, номын хүч, бурхадын адис жинлавыг хүртсэн байна.Богд Зонховын гадна талд ийм сайхан нөхцөл бүрдсэнээс гадна өөрөө ямар дээдэс байсан бэ? Богд Зонхов дээдэс бусдад тустай зүйлд уйгагүй хичээл зүгтгэлийг гаргаж байв. Ном үзэж буй зарим хүн бусдад магтуулахын тулд хичээж байдаг. Тэгвэл Богд Зонхов яавал бусдыг зовлонгоос хагацуулж, сайн сайхан болгож өгөх вэ гэдгийг гол зорилго болгож, эрдэм номд хичээж, тоглох тэргүүтэй орчлонгийн сайхан бүхнээс хол байсан юм. Хүн аливаад өөрөө уйгагүй хичээж, хөдөлмөрлөн эрдэмтэй болохоос гадна зорилго сэдэл нь зөв байх ёстой. Сайн дүн авах, магтуулахын тулд зорих тусгүй юм. Зарим эцэг эх үр хүүхдээ сайн дүн авбал гар утас авч өгнө гэж барьцаа нэхэж байдаг. Хүүхэд гар утас авах зорилгоор эрдэм номонд хичээнэ гэдэг буруу юм. Иймд сэдэл зорилго зөв, сэтгэл сайтай байх чухал. Богд Зонхов дээдсийн дээдийн номыг анхааран авч буй жишээгээр авч үзэхэд, хүн хэдий чинээ өнөөдрийн аар саар, даруйдын зүйлд шунаад байвал олон хүнд туслах том зүйл бүтээж чадахгүй, үүнд саад болно. Богд Зонхов дээдэс ертөнцийн энэ насны сайхныг гоё гэж, үүний төлөө яваагүй, харин ямар түвшинд яаж хүрэх арга замыг үзүүлж байна. Үүний тулд бид эхэнд нь ерөөл тавих ёстой юм. Хэрэгтэй зүйлдээ ямар арга, замаар хүрэх вэ гэдгийг Богд Зонхов дээдэс бидэнд үлгэрлэн үзүүлсэн билээ. Мэдээж хэрэг бурхан учир ухаан сайтай гэдгээс гадна, Богд Зонхов бурхадын авшиг, даган соёрхол, адисласан үрэл, рашаан тэргүүтнийг хүртэж, тарнийг тоолох, бясалгах үүднээс оюун ухаанаа сайн болгож болохыг үзүүлсэн юм. Манзушир бурханы тарни “Ум ара база нади” тарни, Богд Зонховын залбирал “Мэгзим” уншихдаа бид өөрсдөө хойрго мөртлөө ухаан муу гээд байвал өөрийн хүсэл үйлдэл зөрүүтэй байна. Оюун ухаанаа сайжруулах олон арга байдгийг хэрэгжүүлэхэд хичээх хэрэгтэй юм. Богд Зонхов 6 жил үзэх номыг хоёрхон жилд болгоох зохиолыг үзүүлсэн нь Чойжи Дондовренчин багшийн дэргэд ерөөл их тавьж, өөрөө бэлтгэлийг уйгагүй хангасантай холбоотой юм. Хүүхэд том болоод ном үзнэ гэвэл багаасаа дэмий зүйлд цаг үрэлгүй, номонд мэрийвэл магадгүй арван хэдэн нас хүрэхэд тодорхой түвшинд бэлтгэл хангагдах нь байна. Иймд эгэл хүн хичээвэл эрдмийг бий болгож чадна. Ачит багшийн айлдвараас....

Аргын тооллын: 2024-04-10, Лхагва гарагБилгийн тооллын 2, Буд гараг, Хаврын адаг шар луу сарын 9 улаан мөнгөтэй, үхэхийн барилдлагатай, төрөн түгэхүйн шүтэн барилдлагатай, ус суудалтай, гоё хүүхэн одтой, хөх луу өдөр.-Өдрийн наран мандах/жаргах цаг: 06.12-19.35.- Өдрийн сайн цаг нь бар(03.40-05.40), луу(07.40-09.40), могой(09.40-11.40), бич(15.40-17.40), тахиа(17.40-19.40), гахай(19.40-21.40) болой. -Үс шинээр үргээлгэх буюу засуулахад тохиромжгүй. Хэл ам, хэрүүл, тэмцэл ирнэ-Хол газар яваар одогсод зүүн зүгт мөрөө гаргавал зохистой.-Тухайн өдөр хулгана, бич жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. -Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, хишиг даллага дуудуулах, насан бүтээл хийлгэх, зэтгэрийг номхотгох, хөгжмийн зэмсэг урлах, хур оруулах, дархны үйлд сайн. Гүүр тавих, газар шороо ухахад муу.