ТАНИН МЭДЭХҮЙ

Та бүхэн энд нэг зүйлийг бодоосой гэж би хүсэж байна. Богд Зонхов дээдэс хэдий бурхан ч гэсэн, эгэл хүний дүрээр Замбуулинд заларч, эгэл хүн яаж эрдэмтэй болж, бусдад яаж туслах зохиолыг эхнээс нь үзүүлсэн юм. Богд Зонховын аав Жамбалцанжод тэргүүтэй ном уншлагыг өдөр бүр уншдаг, ээж нь үнэнч шударга, бусдын итгэлийг олсон сайн хүн байжээ. Богд Зонховыг эхийн хэвлийд залрах үеэс ээж нь буян номонд хичээж, сахилга батыг сахиж байсан зэрэг олон нөхцөл бүрдсэн учиртай байна. Иймд магадгүй та бүхэн өөрсдөө эсвэл үр хүүхэд, ах дүү нартаа хүн бие давхар болоход яах нь зохистойг, Богд Зонхов дээдсийн ээж ямар зохиолыг үзүүлсэн гэдгээс үлгэр авах хэрэгтэй. Аав нь сэтгэл, явдал мөр сайн байхаас гадна сүсэглэж, залбирч, уншлага уншдаг байв. Эдгээр нь ухаантай хүү төрөхөд бэлгэ дэмбэрэл, буян талаасаа тустай байжээ.Одоо цагт зарим хүүхдийг багаас нь тоглоомон буугаар тоглуулдаг нь бэлгэ дэмбэрэл муу, буруу юм. Мэдээж жаахан хүүхэд тоглох, тааваараа байх хэрэгтэй. Гэхдээ хүүхдээ буруу эрхлүүлж, муу сэтгэл төрүүлэх, муу сэтгэлийг хүчтэй болгоод байвал тэр хүүхэд урьдын буянаар сайхан хүн болж төрж чадсан ч, сайн хүн болж төлөвшиж чадахгүй юм. Ийм учир хүүхэд сайн аав ээжийн дэргэд төрөхөөс гадна, сайн багшийн дэргэд хүмүүжиж, төлөвших хэрэгтэй юм. Энэ адил Богд Зонхов дээдэс урьдын бурхадын ерөөл, зохиолоор лагшин мэндэлж, улмаар аав ээж нь түүнийг Чойжи Дондовренчин багшид өргөсөн байдаг. Сайн багштай учрахад хүүхэд зөв төлөвшихөд тустай байна. Богд Зонхов дээдэс багаасаа эрдэмтэй багшаас олон увдис, номын хүч, бурхадын адис жинлавыг хүртсэн байна.Богд Зонховын гадна талд ийм сайхан нөхцөл бүрдсэнээс гадна өөрөө ямар дээдэс байсан бэ? Богд Зонхов дээдэс бусдад тустай зүйлд уйгагүй хичээл зүгтгэлийг гаргаж байв. Ном үзэж буй зарим хүн бусдад магтуулахын тулд хичээж байдаг. Тэгвэл Богд Зонхов яавал бусдыг зовлонгоос хагацуулж, сайн сайхан болгож өгөх вэ гэдгийг гол зорилго болгож, эрдэм номд хичээж, тоглох тэргүүтэй орчлонгийн сайхан бүхнээс хол байсан юм. Хүн аливаад өөрөө уйгагүй хичээж, хөдөлмөрлөн эрдэмтэй болохоос гадна зорилго сэдэл нь зөв байх ёстой. Сайн дүн авах, магтуулахын тулд зорих тусгүй юм. Зарим эцэг эх үр хүүхдээ сайн дүн авбал гар утас авч өгнө гэж барьцаа нэхэж байдаг. Хүүхэд гар утас авах зорилгоор эрдэм номонд хичээнэ гэдэг буруу юм. Иймд сэдэл зорилго зөв, сэтгэл сайтай байх чухал. Богд Зонхов дээдсийн дээдийн номыг анхааран авч буй жишээгээр авч үзэхэд, хүн хэдий чинээ өнөөдрийн аар саар, даруйдын зүйлд шунаад байвал олон хүнд туслах том зүйл бүтээж чадахгүй, үүнд саад болно. Богд Зонхов дээдэс ертөнцийн энэ насны сайхныг гоё гэж, үүний төлөө яваагүй, харин ямар түвшинд яаж хүрэх арга замыг үзүүлж байна. Үүний тулд бид эхэнд нь ерөөл тавих ёстой юм. Хэрэгтэй зүйлдээ ямар арга, замаар хүрэх вэ гэдгийг Богд Зонхов дээдэс бидэнд үлгэрлэн үзүүлсэн билээ. Мэдээж хэрэг бурхан учир ухаан сайтай гэдгээс гадна, Богд Зонхов бурхадын авшиг, даган соёрхол, адисласан үрэл, рашаан тэргүүтнийг хүртэж, тарнийг тоолох, бясалгах үүднээс оюун ухаанаа сайн болгож болохыг үзүүлсэн юм. Манзушир бурханы тарни “Ум ара база нади” тарни, Богд Зонховын залбирал “Мэгзим” уншихдаа бид өөрсдөө хойрго мөртлөө ухаан муу гээд байвал өөрийн хүсэл үйлдэл зөрүүтэй байна. Оюун ухаанаа сайжруулах олон арга байдгийг хэрэгжүүлэхэд хичээх хэрэгтэй юм. Богд Зонхов 6 жил үзэх номыг хоёрхон жилд болгоох зохиолыг үзүүлсэн нь Чойжи Дондовренчин багшийн дэргэд ерөөл их тавьж, өөрөө бэлтгэлийг уйгагүй хангасантай холбоотой юм. Хүүхэд том болоод ном үзнэ гэвэл багаасаа дэмий зүйлд цаг үрэлгүй, номонд мэрийвэл магадгүй арван хэдэн нас хүрэхэд тодорхой түвшинд бэлтгэл хангагдах нь байна. Иймд эгэл хүн хичээвэл эрдмийг бий болгож чадна. Ачит багшийн айлдвараас....

Аргын тооллын: 2024-04-10, Лхагва гарагБилгийн тооллын 2, Буд гараг, Хаврын адаг шар луу сарын 9 улаан мөнгөтэй, үхэхийн барилдлагатай, төрөн түгэхүйн шүтэн барилдлагатай, ус суудалтай, гоё хүүхэн одтой, хөх луу өдөр.-Өдрийн наран мандах/жаргах цаг: 06.12-19.35.- Өдрийн сайн цаг нь бар(03.40-05.40), луу(07.40-09.40), могой(09.40-11.40), бич(15.40-17.40), тахиа(17.40-19.40), гахай(19.40-21.40) болой. -Үс шинээр үргээлгэх буюу засуулахад тохиромжгүй. Хэл ам, хэрүүл, тэмцэл ирнэ-Хол газар яваар одогсод зүүн зүгт мөрөө гаргавал зохистой.-Тухайн өдөр хулгана, бич жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. -Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, хишиг даллага дуудуулах, насан бүтээл хийлгэх, зэтгэрийг номхотгох, хөгжмийн зэмсэг урлах, хур оруулах, дархны үйлд сайн. Гүүр тавих, газар шороо ухахад муу.

 Цаг уурын байгууллагаас ирэх саруудын цаг агаарын ерөнхий төлөвийг гаргасан байна. Ирэх тавдугаар сард нутгийн баруун хагаст, зургаадугаар сард баруун аймгуудын ихэнх нутгаар олон жилийн дунджаас дулаан, долдугаар сард нутгийн хойд хэсгээр олон жилийн дунджаас хүйтэн, бусад нутгаар дунджийн орчим байх төлөвтэй байна.Харин тавдугаар сард баруун аймгуудын нутгаар дунджаас бага, нутгийн зүүн хойд хэсгээр дунджаас ахиу,  зургаадугаар сард төвийн аймгуудын нутгийн зүүн хэсэг, зүүн аймгуудын нутгаар, долоодугаар сард төв болон зүүн аймгуудын нутгаар олон жилийн дунджаас ахиу, бусад хугацаанд болон бусад нутгаар дунджийн орчим байх төлөвтэй байна.Тав  болон зургаадугаар саруудад баруун аймгуудын нутгаар олон жилийн дунджаас дулаан байх төлөв ажиглагдаж байгаа боловч  долдугаар сард төв болон зүүн аймгуудын нутгаар дунджаас хүйтэн байх төлөвтэй байна. Хур тунадасны хувьд хаврын сүүл сар болон зуны саруудад төв болон зүүн аймгуудын нутгаар олон жилийн дунджаас ахиу хур тунадас орох төлөвтэй байна.Тавдугаар сард: Агаарын дундаж температур нутгийн баруун хагаст (Тухайлбал: Баян–Өлгий, Увс, Ховд, Завхан, Говь–Алтай, Баянхонгорын нутаг, Хөвсгөлийн ихэнх, Архангай, Өвөрхангай, Өмнөговийн баруун хэсгээр) олон жилийн дунджаас дулаан, бусад нутгаар дунджийн орчим байх төлөвтэй байна  Нийлбэр хур тунадас Баян–Өлгий, Увс, Ховд, Говь–Алтайн нутаг, Завхан, Өмнөговийн баруун, Баянхонгорын өмнөд хэсгээр олон жилийн дунджаас бага, Хөвсгөлийн зүүн, Булган, Сэлэнгийн нутаг, Төв, Хэнтий, Дорнодын хойд хэсгээр олон жилийн дунджаас ахиу, бусад нутгаар дунджийн орчим орох төлөвтэй байнаЗургаадугаар сард. Агаарын дундаж температур Баян–Өлгий, Ховдын нутаг, Увс, Говь–Алтайн ихэнх, Завханы баруун, Баянхонгор өмнөд хэсгээр олон жилийн дунджаас дулаан, бусад нутгаар дунджийн орчим байх төлөвтэй байна. Сарын нийлбэр хур тунадас Төвийн ихэнх, Сэлэнгийн зүүн, Дундговь, Дорноговийн хойд хэсэг болон Хэнтий, Дорнод, Сүхбаатарын нутгаар олон жилийн дунджаас ахиу, бусад нутгаар дунджийн орчим байх төлөвтэй байнаДолдугаар сард. Агаарын дундаж температур Завханы зүүн, Баянхонгор, Өвөрхангайн хойд, Хөвсгөл, Архангай, Булган, Сэлэнгэ, Төв, Хэнтий, Дорнодын нутаг, Сүхбаатарын ихэнх хэсгээр олон жилийн дунджаас хүйтэн, бусад нутгаар дунджийн орчим байх төлөвтэй байна. Нийлбэр хур тунадас Завханы зүүн, Өвөрхангай, Сүхбаатарын хойд, Хөвсгөл, Архангай, Булган, Сэлэнгэ, Төв, Хэнтий, Дорнодын нутагаар ОЖД–аас ахиу, бусад нутгаар дунджийн орчим байх төлөвтэй байна.Эх сурвалж: ЦУОШГ

Аргын тооллын: 2024-04-08, Даваа гараг. Билгийн тооллын 30, Сумъяа гараг, Хаврын дунд улаагчин туулай сарын 2 хар мэнгэтэй, рашааны барилдлагатай, өтлөх үхэхүйн шүтэн барилдлагатай, төмөр суудалтай, дэлгэрүүлэгч одтой, хар бар өдөр.-Өдрийн наран мандах/жаргах цаг: 06.16-19.32-Өдрийн сайн цаг нь хулгана(23.40-01.40), үхэр(01.40-03.40), луу(07.40-09.40), могой(09.40-11.40), хонь(13.40-15.40), нохой(19.40-21.40) болой.-Үс шинээр үргээлгэх буюу засуулахад тохиромжгүй, эрлэг лугаа учирна-Хол газар яваар одогсод баруун урагш мөрөө гаргавал зохистой.-Тухайн өдөр морь, нохой жилтнээ аливаа үйлийг хийхэд эерэг сайн. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, хараал, жатхыг буцаах, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, андгай тангараг, гэрээ, хэлцлээ буцаахад сайн. Золиг гаргах, бомбын үйл, хүүхэд хөлд оруулахад муу.

ҮХЭЛ МӨНХ БУСЫГ ҮЗҮҮЛЭХЭЭС ӨМНӨ БЭЛТГЭХЭД ЮУ ТУС БОЛОХ ВЭ? (Бодьсадвын явдалд орохуй 8 дугаар бүлэг: Бусдыг энхрийлэн барих үзлийн ач тусыг бясалгах) Номын ёсоор явна гэвэл өөрийн урьд үйлддэг байснаас ялгаатай үйлдэх хэрэгтэй гэсэн үг юм. Урьд үйлдсэнтэйгээ адил үйлдсэнээр болчихдог бол бүгдээрээ төгс гэгээрлийн хутгийг олох байсан шүү дээ. Төгс гэгээрлийн хутагт хүргэх номыг тусад нь анхааран авч үйлдэх шаардлага гэж үгүй болно. Эртнээс үзэл бодол маань өчүүхэн амиа хичээж, алс холыг харж чадаагүй, авал орхилыг зөв таньж бариагүй, товчдоо амгаланг бүтээх арга алдаатай байжээ. Амар амгалангийн уг шалтгааныг үнэнээсээ үйлдье гэдгээр үзэл бодлоо солих юм. Ингэж бодож үйлдэх нь урьд үйлдсэн үйлтэй зохилдохгүй болно. Бид ертөнцөөс хэтийдсэн үйлийг үйлдэхээр зорьж байна. Харин зөвхөн ертөнцийн үйлд зорьж буй хүний хувьд ертөнцийн үйлийг муу гэж хэлээгүй юм. Ертөнцийн хотол чуулганд зорьж буй хүний хувьд эд хөрөнгө, алдар нэр тэргүүтэн ологдохуун тул эдгээр нь бүрдэхэд таатай, бүрдэхгүй бол таагүй гэж үзнэ. Энэ насны амар амгаланг бүтээхийн тухайд маш олон арга хэрэглэнэ, дараа төрлийг зорьсон бодол ч төрөхгүй, урьд хойт төрлийг хүлээн зөвшөөрөхгүй, сэтгэл итгэмжлэхгүй, тэрнээс цаашихыг үйлдэх гэдэг ч хэрэггүй болно. Нэг л өдөр насны хэмжээ дуусч, үнэнд гүйцэгдэнэ. Насны хэмжээ нь дуусч одохын үед өөрийн амар амгалан, аз жаргалын төлөө хураасан бүх зүйлээ орхих болно. Ийм хүний хувьд дараа төрөл гэдэг киноны эхний бүлэг дуусч, дараагийн бүлэг эхлэхтэй адил болно гэсэн үг юм. Үхээд бүх зүйл дуусдаг бол өөр хэрэг шүү дээ. Киноны хоёрдугаар бүлэгт сайн сайхныг хүсч л байвал одооноос уг шалтгааныг нь бүтээхгүй бол боломжгүй. Хүн ирээдүйнхээ төлөө асар их бэрхшээлийг туулж, хичээн хөдөлмөрлөдөг. Иймдээ ч өнөөдөр идэх зүйлтэй цатгалан байна. Өнөөдөр цатгалан л бол маргааш хэрэггүй гэж байхгүй. Маргааш нь дахиад үргэлжлээд идэх хэрэгтэй болдог шүү дээ. Маргааш нөгөөдөр нь идэхийгээ урьдаас бий болгохгүй бол тэр даруйд бүтчихгүй хэцүү шүү дээ. Гэвч одоо асар их бэрхшээл туулж асар ихээр хураасан бүгд үхэхийн цагт хэрэглээ нь дуусвар болж хоцордог. Дараа төрөл үргэлжилнэ, үхэх цагт авч явах зүйлгүй атал яах гэж ийм их эд хөрөнгө, алдар нэрийг бий болгов? Энэ наснаас дараа төрөл рүү дүрст зүйл биш, тийн мэдэл сүнс дамжин үргэлжилнэ. Тийн мэдэл дээр сайн авъяасыг суулгаж чадвал тэр нь хамт явна. Иймд буяныг бүтээх гэдэг чухал хэрэгтэй байна. Буян үйлдэх гэдэг дараа төрөлд одох тийн мэдэл дээр сайн авъяасыг суулгахыг хэлэхээс тэрнээс бусад нь тус болохгүй юм. Барцад саадыг арилгах гэдэг энэ төрөлд нь хэрэгтэй болохоос дараагийн төрөлд хамаарахгүй шүү дээ. Ажил төрөл, албан тушаал, алдар нэр гэдэг ч энэ насны амьд ахуйд яригдахаас дараа төрөлд тус болохгүй юм. Буян юуг ч үйлдсэн зорилго сэдэл нь сайхан сэтгэлд эзлэгдэх хэрэгтэй. Бид дараа төрөл гэдгийг харсан хараагүй Бурхан багшид итгэж сүжиглэдэг л бол Бурхан багшийн зарлигийн дагуу үйлдэх хэрэгтэй. Бурхан багшаас нааш 17 бандида тэргүүтэй мэргэд дээдэс сүмбэр уул мэт хязгааргүй ихээр төрсөн юм. Эдгээр дээдсийн зарлиг хуурмаггүй гэдэгт баттай итгэл үнэмшил төрүүлж, хэрэгжүүлж чадвал сайн юм. Хойт урьд төрөл гэж “байна байхгүй” гэдэг. Хойт урьд төрөл байна гэвэл өмнө нь бэлтгэл хийх хэрэгтэй болно. Байхгүй гээд үйлдэхэд гэм л гарна. Байхгүй учраас ертөнцийн хамгийн сайхан хоол, хувцас тэргүүтнийг хэрэглэвэл сайхан гэж үзнэ. Харин өндөр бясалгалыг олсон бодгалиудын хувьд энэ нь гэмтэйд тооцогдоно. Буян хийх гэж их хөрөнгө зарах гэдэг ч тусгүй болно. Эд хөрөнгө, алдар нэр, эрх мэдэл тэргүүтэн бэлтгэл нь болж тусалж чадахгүй юм. Юу тус болж чадах вэ? Бусдыг энхрийлэн барьсан сэтгэл, сайхан сэтгэл тэр нь л тус болно. Ачит багшийн айлдвараас...2024.04.02

Аргын тооллын: 2024-04-04, Пүрэв гарагБилгийн тооллын 25, Бархасбадь гараг, Хаврын дунд улаагчин туулай сарын 6 цагаан мэнгэтэй, мод суудалтай, үл тохирох барилдлагатай, хүрэлцэхүй шүтэн барилдлагатай, булаагч одтой, шар нохой өдөр.-Өдрийн наран мандах/жаргах цаг: 06.24-19.26.-Өдрийн сайн цаг: бар(03.40-05.40), луу(07.40-09.40), могой(09.40-11.40), бич(15.40-17.40), тахиа(17.40-19.40), гахай (21.40-23.40) болой.-Үс шинээр үргээлгэх буюу засуулахад тохиромжгүй. Нүд бүрэлзэн улцайна-Хол газар яваар одогсод хойш мөрөө гаргавал зохистой. -Тухайн өдөр бар, морь жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. -Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, угаал үйлдэх, хүүхэд үрчлэн авах, гэр, байшингийн суурь тавихад сайн. Нүүдэл суудал хийх, хэрүүл тэмцэл хийхэд муу. -Ханш нээх улирал 15 цаг 05минутад эхлэнэ.

Аргын тооллын: 2024-04-03, Лхагва гарагБилгийн тооллын 24, Буд гараг, Хаврын дунд улаагчин туулай сарын 7 улаан мэнгэтэй, уул суудалтай, сэрэхүйн барилдлагатай, идэр шүдэн барилдлагатай, элдэв тэнгэртэн одтой, улаагчин тахиа өдөр.-Өдрийн наран мандах/жаргах цаг: 06.26-19.25-Өдрийн сайн цаг нь хулгана(23.40-01.40), бар(03.40-05.40), туулай(05.40-07.40), морь(11.40-13.40), хонь(13.40-15.40), тахиа(17.40-19.40) болой. -Үс шинээр үргээлгэх буюу засуулахад тохиромжгүй, өвчин эмгэг ирнэ-Хол газар яваар одогсод баруун хойш мөрөө гаргавал зохистой.-Тухайн өдөр үхэр жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. -Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, гарагийг тахих, хагалгаа хийлгэх, гэр бүрэхэд сайн. Мод суулгах, нарийн зөвлөгөөн хийх, улаа гаргах, хиншүү хярвас гаргахад муу.

13 насны домыг хийчихэд хүүхэд аандаа засардаг. Дараагийн 12 жил рүү шилжиж том хүн болох эгзэгтэй үeд нь Монголчууд 13-тай хүүхдийг домнодог байсан уламжлалтай. Төрсөн өдөр гэж тэртээ үeд хийдэггүй. Нэг насных нь ойг нижгэр хийж, 13 насных нь ойг арвин баялаг хийдэг байсан нь учиртай. Хүүхэд наснаас биe хүн болж гормон, даавар тэнцвэргүйтэж дэвдэж эхэлдгийг Монголчууд мэддэг байсан учраас хүүхдийн 13 насны мэндэлсэн өдрийг угтаж торго дурдан бэлдэж идээ, ундаагаар элбэг дэлбэг ширээ засаж настнуудаа урьж хамгийн сайхан eрөөлөөр тэр өдөр хүүхдээ eрөөж, цаашдын зам мөрийг нь тэгштгэдэг байсан. Торгоороо хөөрхөн дээл, бүс хийлгээд охиндоо хүндэтгэл үзүүлээд өвөө эмээгээр нь хамгийн сайхан eрөөлийн үгийг хэлүүлээд 'за миний хүү ингээд нас биe гүйцэх жил мөчлөг дээрээ ирээд байнаа. Ээж нь аав нь охиноо сайн хүн болж сайхан амьдраасай гэж хүсэж байна' гээд дух магнай дээр нь үнсээд хайр энэрэлээ үзүүлэхэд хүүхдийн хийморь золбоо сэргэж, гэр бүлийнхэндээ хандах хандлага нь ч өөрчлөгдөж эхэлдэг гэдэг. 13 насанд хүүхэд ихэд дэвддэг муу үйл, зүйлд өртчих гээд байдаг нь өөрөөс нь шалтгаалсан зүйл биш сансарын эрчим нөлөөлдөг гэж үздэг. Том хүн болох гээд сансар огторгуйн нөлөөллөөс гадна биe физиологи дээр нь маш их өөрчлөлт гарч байдаг учраас хүүхдийн ааш аяг сэтгэлзүйн байдалд ч нөлөөлж байдаг. Гэмт хэрэгт холбогдсон, алга болсон хүүхдийн насыг харахад ихэнх нь 13 настай хүүхдүүд байдаг нь сонин юм даа гэж саяхан бодож байлаа. Энэ л эмзэг үeд нь охид, хөвгүүдээ анхаарч бүх мэндэлсэн өдрөөс энэ л өдөр хамгийн чухал учраас гэр бүлийнхэн нь хүндэтгэл үзүүлээд байна гэдэг итгэл үнэмшлийг мэдрээд ирэхээр хүүхэд өөрийн эрхгүй зөвт зам руугаа орж байдаг. Хөөрхөн охин нь аав ээждээ энэрэлтэй, эх орондоо хэрэгтэй сайн хүн болох болтугай гэж 13 насны мөчлөгийнх нь үeэр eрөөж байнаа. Өсвөр насныханд зориулсан тусгай сургалт удирддаг хүний хувьд хэлэхэд хүсэл сонирхлыг нь сонсох, цагийг үр бүтээлтэй өнгөрүүлэхэд нь туслах, эрүүл тэнцвэртэй хооллох, ундлах, амьдралд бэлдэх сургалтуудад хамруулж одооноос ээж, аавынхаа үгийг сонсдог, хүмүүжил, соёлтой байхыг чиглүүлэхгүй бол одоо 13-тай хүүхэд ээждээ жаахан ч гэсэн нэмэр тусгүй, санаа сэтгэлийг чилээх зүйл хийнэ гэдэг том болоод бүүр л дийлдэхгүй болохын цондон. Охин хүүхдэд өөрийн гэсэн үнэ цэнтэй, хөвгүүдээс хараат биш, санаа бодлоо зөв илэрхийлж өөрийгөө даагаад аваад явах биe даасан байдалд сургаж төлөвшүүлэх хамгийн чухал.

Нууц нь ердөө л энэ!Хүн өөрөөсөө ямар энерги ялгаруулна ЯГ түүнийхээ ХАРИУГ авдаг. Энэ бол ХОРВООГИЙН хамгийн ШУДАРГА  бөгөөд  ХАТУУ ХУУЛЬ.Хүн бусдыг болон өөрийгөө хуурч болно. Харин өөрөөсөө илгээсэн энергээсээ ӨӨР ХАРИУ авах боломжгүй!АВАХ энерги ялгаруулаад ӨЛӨНТӨӨД байвал амьдрал түүнээс ямар нэгэн юмыг нь БУЦААГААД аваад байдаг!Энергийн энэ УРСГАЛЫГ мэддэггүй АВАХ л сэтгэхүйтэй хүмүүс МӨНХИЙН ДУНДУУР СЭТГЭЛТЭЙ, ЯДУУ, ЯМАР НЭГЭН ЮМААР ГАЧИГДАЖ дутуу явдаг!Хараалын элдэв үгс хэлээд байвал хорвоо ЯГ ТҮҮНИЙХ нь хариуг тэр хүнд БУЦААГААД өгчихдөг! Ийм хүний үйлс үргэлж бүтэлгүйтдэг.Харин ӨГӨӨМӨР, ӨГӨХ энерги ялгаруулдаг хүнд хорвоо ертөнц БУЦААГААД ӨГӨӨД БАЙДАГ. АМНЫ БИЛИГТЭЙ ХҮН АМНЫ ХИШИГТЭЙ АМЬДАРДАГ гэдэг нь энэ!Үүнийг шашин болгон өөр өөрийнхөөрөө тайлбарладаг.Гэвч энэ нь зүгээр л ЭРГЭХ ХОЛБООНД ОРШДОГ ЭНЕРГИЙН Л ОЙЛГОЛТ шүү дээ.Үүнийг ШУ-ны талаас нь энгийнээр ойлгож болдог 21-р зуунд БИД амьдарч байна.Амьдралаа өөрчлөе гэвэл ӨӨРИЙГӨӨ Л ӨӨРЧИЛ. ҮГ ХЭЛ, БОДЛОО ЭЕРЭГ БОЛГО!Өөрөө ч анзаарахгүй хаа явсан газраа, гэр орондоо ХАРААЛЫН ҮГС хэлж өөрийгөө болон гэр бүл, үр хүүхдүүдээ харааж явдагаа  боль!Бодол болон үг бол БИДНЭЭС ИЛГЭЭГДЭЖ байдаг хамгийн ХҮЧТЭЙ ЭНЕРГИ шүү!Англи хэлний emotion гэдэг үг нь energy motion буюу энергийн урсгал гэсэн үгний товчлол байдаг.Emotion гэдэг үгийг бид СЭТГЭЛ ХӨДЛӨЛ гэж орчуулдаг. Тэгэхээр бид СЭТГЭЛ ХӨДЛӨЛ буюу мөнхийн энергийн үелзэл дунд оршин байдаг бодгаль юм.САЙХАН АМЬДРАЛ болон СЭТГЭЛ САНААНЫ ЭРҮҮЛ МЭНД хүсдэг бол ЭХЛЭЭД өөрөө ӨӨРИЙНХӨӨ ӨМНӨ ҮНЭН БАЙЖ СУРАХ хэрэгтэй. Сайхан юмс бодож Сайн санаж яв. Амьдрал ҮРГЭЛЖ сайхнаараа....

Аргын тооллын: 2024-04-01, Даваа гарагБилгийн тооллын 22, Сумъяа гараг, Хаврын дунд улаагчин туулай сарын 9 улаан мэнгэтэй, огторгуй суудалтай, рашаан барилдлагатай, авахуйн шүтэн барилдлагатай, гар одтой хөхөгчин хонь өдөр.-Өдрийн наран мандах/жаргах цаг нь: 06.30-19.22-Өдрийн сайн цаг: бар(03.40-05.40), туулай(05.40-7.40), могой(09.40-11.40), бич(15.40-17.40), нохой(19.40-21.40), гахай(21.40-23.40) болой.-Үс шинээр үргээлгэх буюу засуулбал эд, эдлэл, идээ, ундаа олно.-Хол газар яваар одогсод зүүн хойш мөрөө гаргавал зохистой.-Тухайн өдөр гахай, туулай жилтнээ аливаа үйлийг хийхэд эерэг сайн. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, хишиг даллага дуудуулах, насан бүтээл хийлгэх, эрдэнийг гадагш өгөх, мал худалдан авах, мал түгээх, сахил санваар авах, огторгуйн үүдийг боох, их хүмүүнтэй уулзахад сайн. Хануур, төөнүүр хийлгэх, балгадын суурь тавих, нохой худалдан авахад муу.

1. Даашинз, юбка өмсөж бай. Ингэснээр эмэгтэй хүний төрөлх энерги сэргэдэг.2. Гар хумсаа тогтмол арчилж, цэвэр байлгах. Үзэсгэлэнт гарыг үнсэх сайхан гэж эрчүүд ярьдаг. Сайхан гар сайн энерги төвлөрүүлдэг. 3. Сайн зохиол унш. Ялангуяа хүний хувь заяаны тухай зохиол унших нь илүү ашигтай. Иймэрхүү ном уншсанаар өөрийгөө илүү мэдрэх болно. 4. Бүжиглэ. Тэр тусмаа араб юм уу, латин америк бүжиг хамгийн тохиромжтой. Эмэгтэй хүний энерги, тачаангуй байдлыг улам цогцлоодог аж. 5. Дуу аялж, заримдаа чанга дуулж бай. 6. Дуртай хоолоо амттай хийж сур. Ямар ч хоолыг хэнээс ч дутахааргүй хийдэг бол гайхамшиг биш гэж үү. Өөрөө жор зохио. Эмэгтэй хүн өөрийн гараар хоол бэлтгэж, хайртай хүмүүсээ дайлах нь энергийн эх үүсвэр юм. 7. Гол нуур далайн эргээр зугаалах. Ус эмэгтэй хүнийг ямар ч нөхцөлд дасан зохицох чадвартай, хүчирхэг болгодог. 8. Цэцгийн баглаа худалдаж авах. Цэцэг эмэгтэй хүнийг аз жаргалтай болгохоос гадна сөрөг энергийг үргээдэг. 9. Хувцасны шүүгээгээ цэгцтэй байлгах. Хэрэггүй, хуучин хувцас, хэрэглэл эмэгтэй хүний энергийг сулруулдаг. 10. Ойрын өдрүүдэд юм уу сар, жилийнхээ төлөвлөгөөг гаргах. Ямар ч эмх замбараагүй байдал эмэгтэй хүнийг сүйтгэдэг. Хэрэв та ингэж хэвшээгүй бол ядаж ойрын хоногийн төлөвлөгөөгөө боловсруулаарай. Цаашид ч сар, жилээр нь гаргадаг болж болно. 11. Эрүүл зөв хооллолт. Муу зуршлуудаас хол бай. Зөвхөн тамхи, согтууруулах ундаа ч бус залхуурал, хараалын хэллэг зэргийг хэрэглэдэг бол татгалз. 12. Сайн сайхан аж төрж буй хүмүүсийн талаар болон танин мэдэхүй, оюуныг цэнэглэх мэдээлэл бүхий ном сэтгүүл унш. Элдэв хов жив, хар мэдээлэлтэй сэтгүүлээс хол байсан нь дээр. 13. Номын дэлгүүрээр тогтмол зочилж бай. Орох болгондоо ном худалдан авах албагүй ч гарсан ном, зохиолын хуудсыг эргүүлэн орчин үетэйгээ хөл нийлүүл. Номын дэлгүүрээр зугаалах нь эмэгтэй хүнийг ихэд тайвшруулж, сайхан энергитэй болгодог уу, найз бүсгүйтэйгээ өдөрт ядаж хагас цаг агаар амьсгалж алх. Эмэгтэй хүн гал голомт хамгаалагч хэдий ч байгальтай тогтмол холбоотой байх хэрэгтэй. 14. Явган зугаалгад цаг гаргаж бай. Та дэлгүүрт байгаа элдвийн сайхныг харж, өмсөж үзсэн таалагдсан нэг зүйлээ удахгүй авна гэж төсөөлж болно. Үнэнээсээ сэтгэлдээ дүрслэн явсан тэр зүйл удалгүй таных болох тийм их энерги эмэгтэйчүүдэд бий. 15. Амьтан тэжээ, эсвэл цэцэг тарьж болно. Амьдрал сонирхолтой болно. 16. Дэлгүүр хэсэх. Заавал худалдан авалт хийх шаардлагагүй. 17. Hайз бүсгүйчүүдээ цуглуулан юу ч хамаагүй хий. Зүгээр дэмий хөгжилдсөн ч болно. Ингэснээр та бүхэн энерги солилцоно. 18. Иогоор хичээллэх. Эрэгтэй хүн дасгал хийдэг байлаа ч энерги хуваалцаж чаддаггүй. Харин эмэгтэй хүн төрөлх зохилдлогоороо сайн бүхнээ бусдад түгээх чадвартай. Иогийн дасгал оюун ухааныг тайвшруулж, эрч хүчийг бий болгодог. 19. Буян үйлдэж бай. Их бага хамаагүй ямар ч буян эмэгтэй хүний энергийг цэвэр утгаар нь илэрхийлнэ. Тусч сэтгэл буянаас ялгаагүй. Тусламж хэрэгтэй юм уу, өлссөн хүмүүсийг хооллож бай. Хэрэгтэй үед цагийг нь олж гэдэг шиг өчүүхэн ч атугай зүйлээр бусдыг баярлуулж бай. 20. Тансаг үнэртэй тос уусгасан юм уу, эсвэл сарнайн дэлбээ, тайвшруулах давстай онгоцонд хэвтэх. Энэ бол зүгээр нэг амралт бус, харин биедээ тайвшрал бэлэглэж, өөрөө дүүрэн энерги хүлээн авах арга. 21. Ойр дотныхоо хүмүүсийг зөөлөн дулаан үгсээрээ ч болов энхрийлэн халамжил. Хайртай хүмүүстээ хэр их анхаарал хандуулна төдий чинээ сайн, сайхан энергиэр цэнэглэж байна гэсэн үг.Via X

Аргын тооллын: 2024-03-30, Бямба гарагБилгийн тооллын 20. Санчир гараг. Онгоц одтой, Хаврын дунд улаагчин туулай сарын хоёр хар харагчин могой өдөр.Өдрийн наран мандах, жаргах цаг нь 06.34-19.19 цагБарилдлага: ШидШүтэн барилдлага: ТөрөхүйСуудал: ШорооҮс шинээр үргээлгэх буюу засуулахад тохиромжгүй.Өдрийн сайн цаг нь Үхэр цаг: 01.40-03.40 цаг, Луу цаг: 07.40-09.40 цаг, Морь цаг: 11.40-13.40 цаг, Хонь цаг:13.40-15.40 цаг, Нохой цаг 19.40-21.40 цаг, Гахай цаг: 21.40-23.40 цаг болойТухайн өдөр үхэр, тахиа жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу тул элдэв үйлд хянуур хандаж биеэ энхрийлүүштэй.  Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнес эхлэх, зэрэг дэвших, хараал, жатгыг буцаах, газар лусын зан үйл хийх, өр барагдуулах, буг дарах, газрын ам бооход сайн. Ургаа мод таслах, байшингийн суурь тавих, угаал үйлдэхэд муу. Хол газар яваар одогсод баруун зүгт мөрөө гаргавал зохистой.

"Бидний сэтгэлийг зовоож байгаа зүйл бол бидэнд тохиолдоод байгаа зүйл биш, харин бидэнд юу тохиолдох тухай бидний бодол юм." /Эпиктет, Грекийн гүн ухаантан/- Ямар ч бодол чиний сэтгэлийг тавгүйтүүлэхийг бүү зөвшөөр, чиний оюун санаанд байхгүй бол чиний амьдралд байхгүй гэсэн үг...- Өнгөрсөнтэйгээ зууралдсаар буй хүмүүс шинэ зүйлийг шүүрч чаддаггүй... - Амьдрал түүнд авчирдаг бүхнээс тэр өөрийгөө харамласаар суудаг...- Чи энэ орчлонгийн санал болгож буй бүх сайн сайхныг хүртэх эрхтэй, гэхдээ чи өөрөө өөртөө итгэх ёстой... - Чиний ирээдүй чиний гарт, зүгээр л нэг үсэрч ороод хувь тавилангаа хариуцах тухай л асуудал...- Хайр өвөртөлж өгөх нь гайхалтай боловч хайраар бялхан хүлээн авах нь үнэхээр ид шидийн...- Хүн бүрийн төлөө нар манддаг гэдгийг үргэлж санаж яв... - Нар шүүдэггүй, шүүмжилдэггүй, буруушаадаггүй, баян ядуу, ухаалаг, тэнэгийг үл ялган гийгүүлдэг...- Өөрийгөө хүлээн зөвшөөрч сурсан хүнийг аз жаргал өөрөө олдог...- Хараагаа эдгээ...- Алдаа байгаа гадна талыг биш, харин дотор нь байгаа сайхныг олж хар... - Хайраар дүүрсэн хүн зөвхөн хайрыг хардаг, уур хилэн, дургүйцлээр дүүрсэн хүн гадна талыг нь л хардаг... - Дэлхий ертөнц чиний бодож байгаа зүйлийн гэрчүүдийг чам дээр байнга авчирдаг... - Харж байгаа зүйлээ, чамд юу тохиолдож байгааг, эсвэл чиний амьдралд юу давтагдаж байгааг ажигласнаар ухамсарт болон далд ухамсарын оюундаа юу байгааг таньж мэдэх боломжтой болно...- Чиний амьдралд тохиолдож буй бүх зүйл чамд харуулсаар байгаа...- Дэлхий ертөнцийн талаарх чиний ойлголтыг өөрчилснөөр л дэлхий өөрчлөгдөж чадна...- Бид үргэлж харахыг хүссэн зүйлээ харж, бүх зүйлийг нүдний шилнийхээ өнгөөр буддаг.- Бүгд бидний оюун санаанд байдаг...ТАЛАРХАЛ ба ХАЙР...Энэ бол аз жаргалтай амьдралын түлхүүр нь.../Erdenebaatar Sukhbaatar/

Аргын тооллын: 2024-03-29, Баасан гарагБилгийн тооллын 19, Сугар гараг. Хонгорцог одтой, Хаврын дунд улаагчин туулай сарын гурван хөх хар луу өдөр. Өдрийн наран мандах, жаргах цаг нь 06:36-19:18Барилдлага: ТүлэхШүтэн барилдлага: Өтлөх үхэхүйСуудал: ГалҮс шинээр үргээлгэх буюу засуулбал “Сайн нөхөртэй учирах” хэмээх сайнӨдрийн сайн цаг нь Бар цаг: 03.40-05.40 цаг, Луу цаг: 07.40-09.40 цаг, Могой цаг: 09.40-11.40 цаг, Бич цаг: 15.40-17.40 цаг, Тахиа цаг: 17.40-19.40 цаг, Гахай цаг: 21.40-23.40 цаг болойТухайн өдөр хулгана, бич жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, лус тахих, бороо хур оруулах, зэтгэрийг номхотгох, хөгжмийн зэмсэг урлахад сайн. Гүүр тавих, газар ухах, цөөрөм байгуулахад муу. Хол газар яваар одогсод хойшоо мөрөө гаргавал зохистой

Өөрийгөө ажигла: Танд хэн нэгэн хараал юм уу, далдын муу зүйл хийсэн бол, эсвэл хэн нэгний хар, цагаан хэл ам хүрсэн бол өөрт чинь ийм маягаар мэдрэгдэж болно. Доор дурдсан зүйлсээс 3 ба түүнээс дээш мэдрэгдвэл, хэрвээ та сүсэг бишрэлтэй бол улаач, онгод тэнгэртэй хүнд хандах нь зүйтэй. - Шөнийн 3 юмуу 4 цагт шалтгаангүй сэрэх- Хойноос чинь ямар нэг юм дагаад байгаа мэт санагдах- Нэг хэвийн хар дарсан зүүд 2-оос дээш удаа шөнө бүр дараалж зүүдлэхэд (урт үс, нас барсан хүмүүсээ, хутга, хуйларсан их ус, хар могой, их цус...) - Нохойд хазуулвал- Бөгжөө хаях, эсвэл бөгж чинь хугарвал - Зүүн гарын долоовор хуруунаасаа ямар нэг байдлаар цус гаргавал- Сэтгэл байнгын түгшиж, юмнаас айж цочих давтамж их байвал За, тэгээд хэрэгтэй бол тогтоож аваарай.Хараал жатгын тухай: Хараал жатга нь олон янз байдаг. Харин чиглэл нь удам дамжсан хараал, өөрт тань хийсэн хараал гэж байна. Жишээ нь, өнөөдөр хэн нэгэн таныг хараалаа гэхэд та өнөө маргаашгүй үхчихдэг ч юм биш. Ерөнхийдөө аажмаар удаан хугацаанд хорлож байдаг. Нэг үеэс нөгөө үе рүү удам дамжих бүрт улам хүчээ авч байдаг зүйл. Хараал гэдэг бол далдын орны юм. Тийм юм өөрийг чинь дагаад, хорлоод, чадаад, амьдрах ёстой замаар чинь амьдруулахгүй байна гэсэн үг. Таныг зовж уйлж ядарч байхыг хараад баясаад, өөр яаж зовоох уу гэж байдаг зүйл юм. Хараалаа тайлуулахгүйгээр удаан явсаар хүн үхэж болно. Энэ тохиолдолд үхсэнийхээ дараа ч зовно, энд үлдэх үр хүүхэд чинь ч өвлөн авч зовно. Тийм учраас хараалыг гаргуулж, гинжин хэлхээг нь таслуулж, ахиж ирэхээргүй болгон янзлуулж байгаарай. Хэрэв чадал нь бага, хариулж чадахгүй хүнээр дутуу зүйл хийлгэвэл өнөөх хараал чинь эргэн ширүүсдэг юм шүү. Бөө болгонд өөрийн чадах, чадахгүй, давах давахгүй үйл гэж байдаг юм. Үнэнг хэлж, учрыг тайлж, эмх цэгцэнд оруулж чадах хүнээ зөв сонгоорой.Via Munh Huch