ТАНИН МЭДЭХҮЙ

Аргын тооллын: 2024-08-26, Даваа гараг. Билгийн тооллын 22, Сумьяа гараг, намрын тэргүүн хар бич сарын 6 цагаан мэнгэтэй, мод суудалтай, үхэхийн барилдлагатай, хуран үйлдэхүй шүтэн барилдлагатай, нэгэн эхийн зургаан хөвгүүн одтой, хар нохой өдөр. -Өдрийн нар ургах/шингэх цаг: 06:03-19.45-Өдрийн сайн цаг нь бар (03.40-05.40), луу (07.40-09.40), могой (09.40-11.40), бич (15.40-17.40), тахиа (17.40-19.40), гахай (21.40-23.40) болой. -Үс шинээр үргээлгэх буюу засуулбал эд, эдлэл, идээ, ундаа олно.-Хол газар яваар одогсод хойш мөрөө гаргавал зохистой. -Тухайн өдөр бар, морь жилтнээ аливаа үйлийг хийхэд эерэг сайн. -Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, угаал үйлдэх, хүүхэд үрчлэн авах, гэр, байшингийн суурь тавихад сайн. Нүүдэл суудал хийх, хэрүүл тэмцэл хийхэд муу.

Аргын тооллын: 2024-07-08, Даваа гараг. Билгийн тооллын 3, Сумьяа гараг, зуны адаг цагаагчин хонь сарын, 1 цагаан мэнгэтэй, уул суудалтай, рашаан барилдлагатай, үнэг одтой, харагчин тахиа өдөр.-Өдрийн нар ургах/шингэх цаг: 05:02-20:52-Өдрийн сайн цаг нь хулгана (23.40-01.40 ), бар (03.40-05.40), туулай (05.40-07.40), морь (11.40-13.40), хонь (13.40-15.40), тахиа (17.40-19.40) болой.-Үс шинээр үргээлгэх буюу засуулбал эд малтай баялаг төгс болно.-Хол газар яваар одогсод баруун хойш мөрөө гаргавал зохистой.-Тухайн өдөр үхэр, могой жилтнээ аливаа үйлийг хийхэд эерэг сайн. -Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, угаал үйлдэх, гэр бүрэхэд сайн. Мод суулгах, нарийн зөвлөгөөн хийхэд муу.

Таны 10% уурагт буюу махан биеийн тань ахуй амьдрал, ажил төрөл, ааш аяг, эрүүл мэнд ямар байх нь 90% далд - сэтгэл биетэй шууд холбоотой. Хоёр биеэ арчилж тордох мэдлэгтэй, арга ухаантай байж Та өөрийн санасан хэмжээндээ явах болно. Танд шийдэхийг хүссэн төвөгтэй асуудал байгаа бол, Мөнгө санхүүгээ сайжруулмаар байгаа бол, Хичээгээд байхад цаанаасаа л болохгүй байх шиг санагддаг бол, Айдас, сэтгэлийн зовинолтой байгаа бол, Амжилтанд хүрэхийг хүсэж буй бол, Сайн хань ижилтэй болохыг хүсэж буй бол, Хүүхдүүдээ сайн сайхан яваасай гэж хүсэж буй бол, Амжилт, алдар нэр, гэр бүлээ хамгаалахыг хүсдэг бол ХИЙМОРЬТОЙ ТЭНГЭРТЭЙ Л ЯВАХ ХЭРЭГТЭЙ.Энэ чинь эрчим энергийн бүрэн бүтэн байдал шүү. Эрчим энерги 90% далд биеэ арчилж торддог байх учиртай. Энэ талаар мэдлэгтэй байх ёстой.Далд биеийг арчилж тордохуйн ач тус:- Танд нөлөөлж буй сөрөг нөлөө арилж, ажил амьдрал сайжирдаг. - Удмаас гарвалтай үйлийн үрийн нөлөө болон бусдын зүгээс ирсэн таагүй үйлийн мэдээллийг засаж, цаашид удамд дамжихаас сэргийлнэ.- Гэр бүл, хань ижил, үр хүүхдийн харилцаа асуудал эерэгээр шийдэгдэж засарна - Далд ертөнцийн хүчийг ашиглаж хийгддэг хараал, шившлэг, домын үйлийн нөлөө, хэл ам арилна- Далд ухамсрын сөрөг программыг арилгаж, нийгэмд эзлэх байр суурь, ажил амжилтаа сайжруулж, мөнгөний урсгал цэвэрлэгдэнэ.- Эрч хүчээр дүүрч ажлын бүтээмж нэмэгдэнэ.- Эрүүл мэндээ хамгаалж дархлаа сэргэнэ.- Сэтгэл санаа тайвширна. Өөрийн үнэлэмж сайжирч, аливаа асуудлыг шийдэх чадамж өндөр болно.- Амжилттай байдлаа хэвээр хадгалахад тусална.Өөртөө тус болж чадахгүй нөхцөл байдалд чамд тус болж чадах хүнд хандсан нь дээр ээ. Сэтгэл биеийн (90%) эмгэгшлийг бид өөрсдийн (10%) уурагт бие дээрээ ч мэдэрдэг. Анагаах ухааны шинжилгээ, эхо, томаграф, рентген зургаар оношлогдохгүй, эм тариагаар зүгээр болохгүй байгаа бол сэтгэл биеийн эмгэгшил л гэж ойлго. Залуу насанд ихэнх эмгэгшил сэтгэл биеийн түвшинд байдаг. 60, 70 насанд ихэнх тохиолдолд сэтгэл биеийн эмгэгшил хүндэрч уурагт биед ирсэн байдаг. Сэтгэл бие гадна, дотно 2 байдлаар бохирддог. Дотроос гэдэг нь таны өөрийн тань бодол сэтгэл, аливаад хандах хандлага, амнаас гарах үгтэй нь холбоотой. Гаднаас гэдэг нь мөн л өөрийн тань хүмүүстэй хэрхэн яаж харьцаж буйтай холбоотой байдаг. Хүнтэй муухай харьцаж хандаж, таагүй сэтгэгдэл үлдээсэн бол тухайн хүн өөрийг тань муугаар санаж, дурсаж, бодож, ярих болно. Энэ л гаднаас муу энерги ирэхийн үндэс болдог. Тиймээс ямар ч хүнтэй таатай сайхан дурсамж үлдэх хэмжээнд харилцдаг байгаарай. Хүн болгон өөрт тань таалагдах албагүй, хүн бүр өөрийг тань таалж байх ч албагүй. Юм болгон учиртай, учир болгон жанцантай. Замбад өдөр шөнө, нар сар, өвөл зун гэж байдагтай адил сайн нь ч, муу нь ч байдаг хорвоо. Аливаа хүндрэл, бэрхшээл, зовлон зүдгүүр түр зуурынх л байдаг. Түр тэвчээртэй байж даван туулаарай. Цаг хугацаа нь дуусч сайхан цаг ирдэг юм. Жоохон амжилттай сайн явахаараа битгий онгирч сэгсэгнээрэй. Харин идэвхтэй байж улам сайн болохоо л хичээ. Хүн гэдэг сэтгэлийн амьтан гэж энэ. Сэтгэл биеэ зөв арчилж тордож явах аваас уурагт бие өөрийгөө эрүүлжүүлэх чадамжтай байдаг юм. Байгалиасаа тийм бүтэц зохион байгуулалттай байдаг. Амьдрал ахуй, ажил төрөл, эрүүл мэнд ямар байх нь зөвхөн өөртэй тань холбоотой. Бид бодол, сэтгэл, хандлага, үйлдлээрээ амьдралаа бүтээдэг. Сайныг дагавал сарны гэрэл, мууг дагавал могойн хорлол.Зөв явбал зөөлөн зөөлөн замбуулин.Сайн явах санааныхСайхан төрөх заяаных.Via Tsetsegjargal Dorj

Аргын тооллын: 2024-07-01, Даваа гараг. Билгийн тооллын 25, сумьяа гараг, зуны дунд цагаан морь сарын 8 цагаан мэнгэтэй, мод суудалтай, үхэхийн барилдлагатай, гоё хүүхэн одтой, улаан бар өдөр.-Өдрийн нар ургах/шингэх цаг: 04:57-20:55-Өдрийн сайн цаг нь хулгана (23.40-01.40 ), үхэр (01.40-03.40), луу (07.40-09.40), могой (09.40-11.40), хонь 13.40-15.40), нохой (19.40-21.40) болой.-Үс шинээр үргээлгэх буюу засуулахад нүд бүрэлзэн улцайна.-Хол газар яваар одогсод хойш мөрөө гаргавал зохистой. -Тухайн өдөр морь, нохой жилтнээ аливаа үйлийг хийхэд эерэг сайн. -Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, сан тавиулах, угаал үйлдэх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, сэтгэлд сэвтэй газар очиход муу.

Цаг уурын байгууллагын ирүүлсэн мэдээгээр энэ сарын 28, 29-нд баруун болон говийн аймгуудын нутгийн зарим газар, төвийн аймгуудын ихэнх нутаг, зүүн аймгуудын нутгийн хойд хэсгээр, 30-нд нутгийн зүүн хагаст, 7-р сарын 01-нд нутгийн зүүн өмнөд хэсгээр бороо, дуу цахилгаантай аадар бороо орно. Салхи нутгийн зарим газраар борооны өмнө түр зуур ширүүсэх төлөвтэй байна.Иймд: -Хол, ойрын замд гарахдаа цаг агаарын урьдчилан сэргийлэх мэдээллийг тухай бүрт хүлээн авах,-Мэргэжлийн байгууллагаас өгч байгаа заавар, зөвлөмжийг дагах,-Баталгаат зам, гүүрээр зорчих,-Гол, усны ойролцоо амарч зугаалахдаа аюулгүй байдлаа хангах, үер, усны ослоос урьдчилан сэргийлэх,-Өрхийн болон хувийн бэлтгэл бэлэн байдлаа хангах, дулаан хувцаслах, -Бага насны хүүхэд, өндөр настан, хөгжлийн бэрхшээлтэй иргэдийг гол, усны ойролцоо ганцааранг нь үлдээхгүй байх зэргээр урьдчилан сэргийлэх арга хэмжээ авахыг анхааруулж байна.Эх сурвалж: ЦУОШГ

Монгол Улс 2023-2025 оныг “Монгол зочлох жил” болгон зарласантай холбогдуулан гадаадын жуулчид, ажиллаж, амьдарч байгаа гадны иргэд “what3words” апплейкшныг гар утсандаа татаж суулган, ашиглах боломжийг бүрдүүлж, хамтын ажиллагааны санамж бичигт гарын үсэг зурлаа. Тус апплейкшныг өөрийн гар утаснаасаа хамааран аppstore болон playstore төхөөрөмжүүдээс үнэ төлбөргүй татаж, ашиглана. Улмаар  интернетгүй үед ч ажилладаг учраас алслагдсан байршил, газруудад ч ашиглахад тохиромжтой.Энэ үеэр “what3words" компанийн үүсгэн байгуулагч, гүйцэтгэх захирал Крис Шелдрик “Онцгой байдлын байгууллагад дуудлага, мэдээлэл өгч байгаа иргэдийн байршлыг богино хугацаанд тодорхойлохоос гадна алба хаагчдын ажлыг хөнгөвчлөх нэмэлт хэрэгсэл болж байгаад бид бүхэн баяртай байна. Монгол Улсын Онцгой байдлын байгууллагын алба хаагчид үнэхээр гайхмаар, биширмээр ажилладаг юм билээ” хэмээн үгэндээ онцоллоо. Харин ОБЕГ-ын Мэдээллийн технологийн хэлтсийн дарга дэд хурандаа Д.Содномрагчаа “Гамшиг, аюулт, үзэгдэл, осолд өртсөн иргэд дуудлага, мэдээлэл өгөхдөө энэхүү апплейкшныг ашиглах боломжийг Онцгой байдлын байгууллага 2020 онд бүрдүүлж,  what3words компанитай  хамтын  ажиллагааны  санамж  бичгийг  байгуулсан. Энэ жил  өвөлжилтийн  нөхцөл  байдал  хүндэрч  цаг  агаарын аюулт үзэгдэл,  салхи  шуурганы  үед  иргэд  төөрөх,  сураггүй  болохоос урьдчилан сэргийлэх, эрэн хайх ажиллагааг шуурхай зохион байгуулах зорилгоор  улсын  хэмжээнд  иргэн  бүрийн  гар  утсанд  байршил тодорхойлох “what3words” аппликэйшныг суулгах аяныг өрнүүлж нийт 21  аймгийн хэмжээнд 636.876 иргэний гар утсанд суулгаж хэрэглээнд нэвтрүүлээд байна” гэлээ.

Улаанбаатар хотын дундуур урсаж буй Туул, Сэлбэ, Дунд голуудын үерийн түвшин хэвээр байна. Иймд болзошгүй үерийн аюулаас урьдчилан сэргийлэхийг анхааруулж байна. Үерийн эрсдэлээс урьдчилан сэргийлэх, бэлэн байдлыг хангах чиглэлээр нийслэлийн Онцгой комиссын алба хаагчид  бэлэн байдлыг ханган ажиллаж байна. Улаанбаатар хотын ойрын өдрүүдийн цаг уурын төлөв байдлыг ЦУОШГ-ын Урьдчилан мэдээлэх хэлтсийн ахлах мэргэжилтэн О.Оюунчимэгээс тодрууллаа.Тэрбээр "Улаанбаатар хот орчмоор өнөөдөр буюу зургаадугаар сарын 27-ны 09:00 цагийн байдлаар орж буй бороо өдөртөө үргэлжлэн орж, үдээс хойш эрч нь сулран 17:00 цагийн орчимд зогсох төлөвтэй байна. Зургаадугаар сарын 28, 29-ний өдрийн үдээс хойш түр зуурын аадар орно.  27-28-ны шөнө бороо орохгүй. Долоодугаар сард олон жилийн дунджаас ахиу хур тунадас орох төлөвтэй, мөн усны түвшин нэмэгдэх эрсдэлтэй. Иймд мэргэжлийн байгууллагуудаас өгч буй сэрэмжлүүлэг мэдээллийг цаг тухай бүрд нь авч, болзошгүй үер ус, аянга цахилгаан, мөндөр, нөөлөг салхины аюулаас сэрэмжтэй байхыг анхааруулж байна" гэв.

Өвчин эмгэг гэдэг өөрийн буруугаас болж л ирдэг. Энэ үед хүмүүст бууж өгөх эсвэл өвчин зовлонтойгоо тэмцэх гэсэн хоёр сонголт гарч ирдэг. Гэвч хүмүүс ихэвчлэн өвчин зовлонгийнхоо өмнө өвдөг сөхөрч, бууж өгөх замыг сонгодог бөгөөд энэ нь буруу юм. Өөрийгөө өөрчилж дотоод энергийн хүчээ ашиглан, өвчин зовлонгоо эмчилж болдог. Өвчин бол ял шийтгэл хүний амьдралын нэг хэсэг юм. Тухайн туссан өвчнийг ялж дийлэх, илүү сайхан амьдрал руу тэмүүлэх, эрүүл саруул, өвчин зовлонгүй амьдрах хүсэл зоригийг хүнд өгдөг. Гэвч хүмүүсийн ихэнх нь ингэж чадалгүй өвчиндөө ороогдож, өвдөж шаналдаг, тэр дорхноо бууж өгөхийг урьтал болгодог. Харин эсрэгээрээ сэтгэлийн тэнхээтэй байж, дотоод энергийнхээ хүчийг ашиглан, өвчин зовлонгоос ангижрах хэрэгтэй. Хамгийн гол нь аливаад хандах хандлагаа өөрчлөх хэрэгтэй. Магадгүй энэ бүхэн бүтэшгүй зүйл мэт санагдаж байж болох хэдий ч, хүн бүрт энергээ ашиглах боломж байдаг. Өлсгөлөн, байгалийн гамшиг, өвчин гурав бол хүн төрөлхтөнд тохиолдох хамгийн том гарз хохирол байж болох юм. Гэсэн хэдий ч, энэ нь өөртөө илүү ихийг бий болгох, одоо буйгаасаа илүү сайхан амьдрах, эрүүл саруул байхын өмнөх шалгуурууд гэж ойлго. Тиймээс анхаарлаа хандуулж, бууж өгөхгүй байхыг хичээх нь зөв. Дотоод энергийн хүчээрээ өвчин зовлонг давж гарах боломжтой гэдгийг баталсан шинжлэх ухааны 5 дүгнэлтийг хүргэж байна.1. Эдгэрнэ гэдэгтээ итгэх: Хүн өвчин зовлонгүй, эрүүл саруул амьдарч, аз жаргалтай байхын тулд энергийн түвшин өндөр байх зайлшгүй шаардлагатай. Иймд ухамсар болон энергийн түвшин хоёр хоорондоо холбоотой аж. Хэрвээ тухайн хүний энергийн түвшин сул байх аваас ухамсар доройтож, юм ойлгохдоо маруухан болохоос гадна, өвчин зовлон тусах үндэс болдог. Үүний эсрэгээр энергийн түвшин өндөр байвал ухамсар дээшилж, аливаа зүйлсийг хялбархан ойлгож, тусгаж авч чадахаас гадна, өвчин зовлон тусахгүй байх ач тустай.2. Энергийн түвшингээ дээшлүүлэхЭнергийн түвшин муу байх тусам аливаа зүйлсийг хүлээж авах чадвар мууддаг байна. Учир нь хүний эдгэрэхгүй байх вий гэх бодол амин чухал энерги болон цэвэр ухамсрын урсгалыг хааж байдаг. Үүнээс гадна оюун ухаан, бие, сэтгэлийг боогдуулж хайр, мэдрэмжийг сулруулдаг. Энергийн түвшин өндөр байхад хүлээж авах чадвар дээшлэн, ертөнцийн энерги, цэвэр ухамсрыг чөлөөтэй хүлээж авдаг аж. Өөрөөр хэлбэл ямар ч өвчин зовлон туссан эдгэрнэ гэдэгтэй итгэлтэй байгаарай.3. Сайн, муу мэдрэмжийг ялгаж сурахСэтгэл хөдлөл, мэдрэмж бол, таны энергийн түвшнийг илэрхийлэх био-химийн дохиоллын систем юм. Ямар ч мөчид, ямар ч нөхцөлд байсан хамаагүй таны мэдрэмжүүд таны энергийн түвшнийг бүрэн илэрхийлнэ. Энергийг эерэг, сөрөг гэж ангилах нь түгээмэл. Гэвч энэхүү 2 туйлын хооронд өчнөөн мянган төрлийн давтамж байдаг. Хэрэв та энергийн түвшнээ дээшлүүлэх гэж байгаа бол, юуны өмнө эерэг болон сөрөг мэдрэмжийг хооронд нь ялгаж, сурах хэрэгтэй. Үүнийг сурахын тулд юу мэдэрч байгаагаа тодорхойлох шаардлагатай. Жишээ нь, та таагүй сэтгэл хөдлөл мэдэрвэл энэ бол сөрөг буюу доогуур түвшний хэлбэлзэл байна гэж тодорхойлж болно.4. Бодлоо удирдах чухал гэдгийг судалгаагаар батласан. Таатай сэтгэл хөдлөл төрвөл энерги өндөр байгааг илтгэнэ. Тэгэхээр энергийн түвшнээ дээшлүүлнэ гэдэг бол нэг ёсондоо эерэг мэдрэмж, сэтгэл хөдлөл бий болгоно гэсэн үг юм. Одоо тэгвэл сэтгэл хөдлөлийг юу үүсгэдэг вэ? гэсэн асуулт гарч ирнэ. Сэтгэл хөдлөлийг бодлууд үүсгэдэг. Бодол өөрөө энергийн хэлбэлзэл юм. Зарим бодлууд сөрөг мэдрэмж төрүүлж, энергийн түвшнийг доошлуулдаг бол эерэг бодлууд таатай мэдрэмж төрүүлж, энергийг дээшлүүлдэг. Бодлоо удирдах чухал гэдгийг судалгаагаар батласан.5. Анхаарлаа төвлөрүүлэх нь хамгийн чухал зүйл. Юуны талаар бодож байна гэдэг нь, нэг ёсондоо таны амьдралыг өөрчлөх, өвчнийг үгүй хийх ач холбогдолтой. Иймд эерэг зүйл бодож, өндөр энергийн түвшинтэй байвал сөрөг хүн, нөхцөл байдал, үйл явдалтай төдийлөн орооцолдохгүй. Жишээ нь, өвчтэй хүнийг эргэж очихдоо өвдөж зовж байгаа тухай нь бодохын оронд эдгэрч, эрүүл болохыг ерөөн, хамт байж, өвчнөө даван туулахад нь тусалвал илүү үр дүнтэй байх юм. Түүнчлэн өөрийгөө өвдөөгүй, эрүүл байгаагаар төсөөлөх хэрэгтэй аж. Анхаарлаа төвлөрүүлэх нь хамгийн чухал зүйлӨвчнийг эдгээх 10 алхам: Хүн бүрт өвчнийг ялан дийлэх харилцан адилгүй аргууд байдаг. Гэхдээ эрүүл мэндээ сайжруулж, өвчний өмнө бууж өгөлгүй, тэмцэх боломжийг олгодог дараах 10 алхмыг хэрэгжүүлээрэй.1. Өвчнийг эдгээнэ гэсэн хүсэл тэмүүлэлтэй байж, бодлоо цэгцлэх. Танд би өвчнөө ялан дийлнэ гэсэн итгэл үнэмшил бий болсон цагт дотоод энергийн хүчээ ашиглан, өвчнийг үгүй хийж, бие сэтгэл санааны хувьд эрүүлжих болно. Нэг ёсондоо туссан өвчиндөө бууж өгөлгүйгээр тэмцэхийн тулд сэтгэл хөдлөлөө хянаж, өөрийгөө урам зоригоор тэтгээрэй.2. Өөрийнхөө дотоод энергийн хүчийг бусадтай хуваалцах. Өөрт байгаа дотоод энергийн хүчээ бусадтай хуваалцахаас бүү татгалз. Учир нь бусдад сайхан сэтгэлээр туслаж, гараа сунгасан хэн бүхэнд бурхан хариу барьдаг. Өчүүхэн төдий тус эргээд хүнд зовлон, саад бэрхшээлийг даван туулах эрч хүчийг өгдөг байна.3. Дархлааны системээ сайжруулах. Хүн яагаад өвчин тусч байна вэ? Үүний хамгийн том шалтгаан бол, дархлааны систем муудсантай холбоотой юм. Иймд дархлааны системээ муутгахгүй байхын тулд байнга хичээх хэрэгтэй аж. Хүний дархлаа олон зүйлээс болж муудах нь бий. Үүнд уур бухимдал, бүдүүлэг зан, гутранги үзэл ч мөн нөлөөлдөг.4. Даруу төлөв байх. Хүн даруу төлөв байж, аливаа зүйлд хянуур хандсанаар анхаарлаа дээд зэргээр төвлөрүүлж чадах үндэс болдог байна. Үр дүнд нь юу, хаана өвдөж байгааг мэдэхээс гадна, түүнд ач холбогдол өгч, дотоод энергийнхээ тусламжтайгаар өвчнөөс салах боломжтой юм.5. Амьдралын хэв маяг, итгэл үнэмшил. Айдас, үнэлэмжүүддээ ухамсартайгаар эерэг өөрчлөлтүүдийг хий. Ямар өөрчлөлтүүдийг хийх тал дээр өөрийн мэдрэмжүүддээ итгээрэй. Учир нь та амьдралдаа хэрэгтэй өөрчлөлтүүдийн талаар хамгаас илүү сайн мэдэж байгаа.6. Хайртай хүмүүсээ бодох. Хайртай хүмүүсээ бодож, ирээдүйд үргэлжлүүлэн амьдрах шалтгаан өөртөө гаргах хэрэгтэй. Таныг өвчин зовлондоо дийлэгдэж, өвдөг сөхрөх үед таныг гэсэн хүмүүс ард чинь үлдэж байгаа гэдгийг бүү мартаарай. Тэднийг бодох үед эрч хүч, урам зоригоор тэтгэгдэх болно.7. Хөгжим, аялгуу. Хамгийн гайхамшигтэй энергийн хэлбэлзлийн хэрэгсэл юм. Хөгжим бүх саад бартааг туулан таны "ЭГО"-той нүүр тулдаг. Хөгжим сонссоноор та өөрийн энергийн түвшнийг хөгжмийн энергийн хэлбэлзлийн түвшинтэй ойролцоо түвшинд аваачдаг. Тэгэхээр өөр өөртөө эерэг мэдрэмж төрүүлдэг дуу, хөгжим, аялгууг сонсоорой.8. Урам зориг. Танд урам зориг өгч буй бүхэн өндөр энергийн түвшинтэй байдаг. Тэгэхээр танд эерэг, өөдрөг бодол санаа төрүүлдэг ном зохиол уншиж, кино үзэж, сүнслэг хичээл сонсох нь энергийг дээшлүүлнэ9. Дасгал хөдөлгөөн хийх. Энэ нь биеийн хөдөлгөөн тархинд очих хүчилтөрөгчийг нэмэгдүүлж, тархийг сэргээгээд зогсохгүй аз жаргалтай мэдрэмж төрүүлдэг "эндорфин" хэмээх бодисыг ялгаруулдаг. Эндорфины тусламжтайгаар та илүү их баяр хөөртэй болдог. Гэхдээ хийх дуртай дасгалаа хийх нь хамгаас чухал. Дургүй дасгалаа хийвэл харин ч сөрөг мэдрэмж төрж, энергийн түвшин буурах сөрөг нөлөөтэй.10. Сайн үйл хийх. Хайр энэрлийн үүднээс сайн үйл хийх нь таны энергийг дээшлүүлж, аз жаргалтай болгодог.Хүн гэдэг сэтгэлийн амьтан. Хэрвээ сэтгэлийн хаттай байж, өвчин зовлон тусах үед өвдөг сөгдөж, бууж өгөлгүй өөртөө итгэлтэйгээр, эдгэрнэ гэсэн сэтгэлээр тэмц. Харин сэтгэлээр унаж, бууж өгвөл өвчин зовлон таныг ороосоор байх болно гэдгийг анхаар. Иймд та сайтар төвлөрч, дотоод сэтгэлийн энергиэ ашиглан өвчин зовлонгоосоо салаарай.Via Tsetsegjargal Dorj

Дэлхийн уур амьсгалын өөрчлөлттэй холбоотойгоор зуны улиралд ердийн борооны давтамжаас илүү гэнэтийн ус ихтэй, аадар борооны давтамж нэмэгдэж байгаатай холбоотойгоор Улаанбаатар хотын зуны улирлын цаг уурын урьдчилсан төлөвийн талаар УЦУОСМХ-ийн Ерөнхий инженер Б.Жаргалангаас тодрууллаа.Тэрбээр “Азийн бүсийн уур амьсгалын хяналт шинжилгээ, үнэлгээ ба урьдчилсан төлөв” хэлэлцүүлэх хурлын дүнгээр энэ зун Зүүн Азийн бүс нутагт олон жилийн дунджаас дулаан, хур тунадас ахиу орох урьдчилсан төлөв гарсан. Энэ нь гэнэтийн ус ихтэй борооны давтагдал их байгааг илэрхийлж буй. Улаанбаатар хотод зургаадугаар сарын 21-22-ны шилжих шөнө бороотой бөгөөд сар дуустал олон жилийн дунджаас сэрүүн байх төлөвтэй байна гэв.Мөн төв болон зүүн аймгийн нутгаар гэнэтийн ус ихтэй, аадрын давтамж нэмэгдэх төлөвтэй байгаа тул иргэд та бүхнийг үер, усны аюулаас урдчилан сэргийлэхийг анхааруулж байна. Түүнчлэн сар, улирлын төлөвөөс илүү тав хоногийн нарийвчилсан цаг агаарын мэдээг мэргэжлийн байгууллагаас авч байхыг уриаллаа. https://irimhe.namem.gov.mn/

Аргын тооллын: 2024-06-19, Лхагва гараг.  Билгийн тооллын 13, Буд гараг, Зуны дунд цагаан морь сарын 2 хар мэнгэтэй, үхэхийн барилдлагатай, хонгорцог одтой, хөх бар өдөр. -Өдрийн наран мандах/ жаргах цаг: 04.53-20.55-Өдрийн сайн цаг: хулгана(23.40-01.40), үхэр(01.40-03.40), луу(07.40-09.40), могой(09.40-11.40), хонь(13.40-15.40), нохой(19.40-21.40) болой.-Хол газар яваар одогсод баруун урагш мөрөө гаргавал зохистой. -Үс шинээр үргээлгэх буюу засуулбал жаргал ирнэ.-Тухайн өдөр нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.-Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, хараал, жатхыг буцаах, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, андгай тангараг, гэрээ, хэлцлээ буцаахад сайн. Золиг гаргах, бомбын үйл, хүүхэд хөлд оруулахад муу.

Монгол Улсын Үндсэн хуульд зааснаар Улсын Их Хурлын 126 гишүүний 78 гишүүнийг сонгуулийн тойргоос олныг төлөөлөх (мажоритор) аргаар, 48 гишүүнийг хувь тэнцүүлэн төлөөлөх (пропорционал) аргаар сонгоно.Монгол Улсын Их Хурлын сонгуулийн тухай хуульд зааснаар саналын хуудас нь сонгуулийн тойрогт нэр дэвшигчид өгсөн саналыг тэмдэглэх болон нам, эвсэлд өгсөн саналыг тэмдэглэх хэсэгтэй байна.Сонгуулийн ерөнхий хорооны 2024 оны 54 дүгээр тогтоолоор Монгол Улсын Их Хурлын 2024 оны ээлжит сонгуулийн Саналын хуудасны загварыг баталсан. Саналын хуудас нь Сонгуулийн тойрогт нэр дэвшигчид өгсөн саналыг тэмдэглэх, нам, эвсэлд өгсөн саналыг тэмдэглэх хоёр хэсэгтэй байх юм.Сонгогч Та саналын хуудасны Сонгуулийн тойрогт нэр дэвшигчид өгсөн саналыг тэмдэглэх хэсэгт тухайн тойрогт ноогдох мандатын тоотой тэнцүү нэр дэвшигчийг сонгож тэмдэглэнэ. Мандатын тооноос илүү эсхүл дутуу нэр дэвшигч сонгож тэмдэглэвэл Таны санал хүчингүйд тооцогдохыг анхаарна уу.Саналын хуудасны нам, эвсэлд өгсөн саналыг тэмдэглэх хэсэгт сонгогч Та өөрийн дэмжиж буй нэг нам, эвслийг сонгож тэмдэглэнэ. Нэгээс илүү нам, эвслийг сонгож тэмдэглэвэл Таны санал хүчингүйд тооцогдохыг анхаарна уу.Хуваалцах:

Аргын тооллын: 2024-06-17, Даваа гараг.  Билгийн тооллын 11, Сумъяа гараг, Зуны дунд цагаан морь сарын 4 ногоон мэнгэтэй, үл зохилдохын барилдлагатай, салхины эх одтой, хар хулгана өдөр.-Өдрийн наран мандах/ жаргах цаг: 04.52-20.54-Өдрийн сайн цаг: хулгана(23.40-01.40), үхэр(01.40-03.40), туулай(05.40-07.40), морь(11.40-13.40), бич(15.40-17.40), тахиа(17.40-19.40) болой. -Хол газар яваар одогсод зүүн урагш мөрөө гаргавал зохистой. -Үс шинээр үргээлгэх буюу засуулбал эрхтэн хурц болно.-Тухайн өдөр луу, бич жилтнээ аливаа үйлийг хийхэд эерэг сайн. -Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба лусыг тахих, хүүхэд үрчлэн авах, урлан бүтээхэд сайн. Улааны үйл, төлгө тавих, морь уралдах, сэтгэлд сэвтэй газар очиход муу.

Энэ насны төлөө гэсэн зорилгоо өөрчилж, хойт насны төлөө гэсэн зорилгыг өөрт төрүүлье гэдэг дээр үхэхийн цагт номоос өөр юу ч тус болохгүй гэж гарлаа. Үхэхийн цагт ном тусална гэдгийн хамгийн гол ойлголт нь (1) үйлдсэн номоо бид авч явна, яагаад гэвэл үхэхийн цагт ном хийж байсан хүн дараа төрөл рүү одох цагт бурхадын дүрийг харж, зам мөр нь гэрэл гэгээтэй байна гэсэн үг юм. Богд Зонхов ламын Диваажингийн ерөөл номонд: “Би хэзээ нэгэн цагт энэ насыг орхих үед шавь нараа тойруулсан Авид буюу Одогмэд бурхан бүгдийг харж, итгэл сүжиг, амьтныг энэрсэн энэрэхүй сэтгэлээр эзэмдүүлэн, сэтгэл үүгээр дүүрэх болтугай. Зуурдын үзэгдэл надад тодрох даруйд найман бодьсадва нар зам мөрийг минь андуургагүй зааж өгч үзүүлнэм. Диваажингийн оронд төрөх болтугай” гэж айлдсан байдаг. Диваажингийн оронд төрвөл би амар сайхан байх уу гэвэл үгүй ээ! Диваажингийн оронд төрж, олсон эрдмээ ашиглан, амьтны тусад хувилсан дүрээр ариун бус орны амьтныг татах болтугай гэж ерөөл тавьдаг. Энэ бол үхэхийн цагт номоос өөр юу ч тус болохгүй гэдэг нэг ойлголт болно. Нөгөө талаас (2) бид энэ насны төлөө зорьж хийсний ихэнхийг нь авч явах боломжгүй. Яагаад гэвэл зорилго нь энэ насны төлөө тул энэ насанд тэдгээрийг орхино. Хоёр хоног хадгалж хэрэглэх хүнсийг 4 хоногийн дараа хэрэглэж болдоггүй. Тэгвэл энэ насны төлөө зорьж үйлдсэн бүгд энэ нас өнгөрөхөд хугацаа нь дуусахтай адил юм. Та өдөр тутам ямар сэтгэлээр үйл үйлддэг вэ? Зорилго сэдлээ хэрхэн өөрчлөх вэ гэж бодож туршаад үзээрэй! Мөн үхэхийн цагт номоос өөр юу ч тус болохгүй гэдэг дээр (3) хүн сандрах үед, хэцүү зүйл тохиолдоход ээж ээ, багш минь эсвэл Дарь-Эх бурхан минь намайг аварна гэж боддог. Сандрах үед хүнд хамгийн түрүүнд энэ бодол зурсхийдэг. Энэ үнэн биз дээ! Хүн хальтраад унахдаа, ээж ээ, аав аа, ах аа, бурхан минь, багш минь, ойр орчмын шүтдэг уул, хайрханы нэрийг дууддаг. Энэ бол хэцүү үед тэдгээр нь аварна гэж олон удаа бодсон дадлаар сэтгэлд шууд зурсхийж байна. Бид буяны сайн үйл хийх, зөв зүйлд туулайн зүрхтэй мэт хариугүй үйлдэх атал бурууд чулуун зүрхтэй мэт зоригтой үйлддэг. Ингэх буруу шүү!Зовлон үзсэн хүн нэг л өөр байдаг. Ийм хүн аливааг ойлгож хүлээн авахдаа наанатай цаанатай ханддаг. Учир нь зовлон хүний омгийг дарж өгдөг тустай юм. Шантидэва гэгээн Бодьсадвын явдалд орохуй номонд: Зовлон бүү тохиолдоосой, гэхдээ нэгэнт тохиолвол ерөөс гардаггүй зүйл мэт бүү бод, зовлонд тус бий. Зовлон гарч байж зовлонгоос хагацъя гэсэн тэмүүлэл өөрт төрнө. Ийм учир сэтгэл чи тайван бай. Зовлон тохиолдлоо гээд сандарч, болчимгүй шийдвэр бүү гарга гэж айлдсан байдаг. Өөрт хэцүү бэрхшээл зовлон тохиолдож байсан, үзэж туулж, мэдэрсэн эсвэл бүр биеэрээ туулах албагүй ч, бусдын оронд өөрийгөө тавьж ойлгосон хүн өөр байдаг. Иймд үхэл ирэх нь зайлшгүй, үхэл хэзээ ирэх магадлалгүй, хайрлаж, нандигнаж эрхэмлэдэг нэгнийхээ гарыг атгаж чадахгүй үе ирнэ гэж санахгүй л бол өнөөдөр ч би арай үхэхгүй дээ гэж бодож явсаар, энэ насны зоригдол дуусахгүй шат шатыг туулсаар зорьж бүтээсэн, үйлдсэн бүгдээ орхих болно. Үхэх явцад таван мэдрэхүй хураагдана. Чих сонсохгүй, нүд харахгүй, хамар үнэрлэхгүй болно. Сэтгэл сүнсэнд хураагдана. Таван мэдрэхүй хамгийн бүдүүн баргийн ухаан юм. Таван эрхтэн хураагдсаны дараа бодлууд хураагдана. Ингэнэ, тэгнэ, нээрээ тийм гэх зэрэг бодол хураагдана. Энэ үед ингэнэ гэж төсөөлж байгаагүйгээр хүн барьц алдан сандардаг гэнэ. Хүч чадалтай, мундаг ярьдаг хүн жоохон өвдөхөд барьц алдаж эхэлдэг шүү дээ. Яана аа би ковид тусчихлаа, гайгүй болов уу, ингээд үхчихгүй л байх  даа, энэ эмийг уувал яах бол гэх мэтээр хүн сандарч байна. Одоо ингэж сандарч, оюунаа зөв дадуулж, зөв гарцыг олж сураагүй хүн үхэхийн цагт таван мэдрэхүй нь хураагдах үед бүр ч их сандарна. Тэр үед тэмтчье гээд ч хөдөлж чадахгүй, бүх мэдрэхүй хураагдахад сандарч тэвдсэнээр буруу бодол, айж хорогдох сэтгэл төрвөл үхэхийн цагт номоос өөр юу ч тус болохгүй гэдгийн эсрэг болно. Харин чухаг дээд гуравт аврал одуулж, их залбирдаг байсан хүн үхэх цагт  бурхан чухаг дээд гурвыг санана, багшаа бодно, Дарь-Эх бурханаа санана гэнэ. Бурхан багш, арван зүгийн бурхад сайжруулж татах гээд мутраа сунгаад байхад нь бид даана ч барьж авч чадахгүй, барилаа ч мөчидхөн, тэгээд унадаг гэнэ. Иймд бид чухаг дээд гурвыг санаж чадвал үхэх цагт бурхадын дүр тодорч харагдана гэнэ. Иймд одооноос хойт насны төлөө гэж номонд хичээж, сэтгэлээ дадуулбал үхэхийн цагт сайн бодлыг үүсгэж чадна. Тэгвэл энэ насанд ан гөрөө хийсэн, буруу хурьцал үйлдсэн, би ч үхэхийн цагт яах бол доо гэж айж байгаа хүн одооноос өдөр 6 удаа (өдөр 3, шөнө 3), чадвал зарим анхааран авлагын увдисыг 4, 4 цагийн зайтай бясалгах хэрэгтэй гэдэг. Ийм цагийн зайтай хэдэн сар бясалгах гэдгээ амлалт болгож, бясалгах ёстой.Ачит багшийн айлдвараас…2021 он

Цагдаагийн байгууллагаас Харилцаа холбооны зохицуулах хороотой хамтран хулгайд алдагдсан гар утасыг түргэн, шуурхай олж тогтоохын тулд үүрэн телефоны оператор компаниудтай цахим сүлжээгээр холбогдож мэдээлэл солилцох ажлыг эхлүүлсэн.Уг ажлын хүрээнд алдагдсан болон гээгдүүлсэн гар утасны IMEI дугаараар хайлт хийж, мэдээлэл авах боломжийг “Төрийн цахим үйлчилгээний E-Mongolia” системд нэвтрүүллээ. Тухайлбал,Цагдаагийн байгууллагад эрэн сурвалжлагдаж байгаа болон гээгдүүлсэн гар утасны мэдээллийг “Төрийн мэдээлэл солилцооны ХУР” системээр дамжуулан тухайн иргэн өөрөө IMEI дугаараар шалгах үйлчилгээг энэ оны 06 дугаар сарын 05-ны өдрөөс эхлэн үйл ажиллагаанд нэвтрүүлээд байна.Ингэснээр хулгайлагдсан гар утсыг бусдад зарж, борлуулдаг хууль бус үйлдлийг таслан зогсоох, тухайн гар утасыг худалдан авч байгаа иргэд хулгайлагдсан гар утас мөн эсэхийг өөрөө шалгадаг нөхцөл, боломжууд бүрдэж байгаа юм.

Малчид, иргэд, тээвэрчдийн анхааралд:Ойрын өдрүүдэд төв болон зүүн аймгуудын нутгийн зарим газраар дуу цахилгаантай аадар бороо орох тулболзошгүй нөөлөг салхи, мөндөр, аянга цахилгааны аюулаас сэрэмжтэй байхыг анхааруулж байна. 2024 оны 06-р сарын 11-ний 08 цагаас 20 цаг хүртэлхцаг агаарын урьдчилсан мэдээ:Ихэнх нутгаар солигдмол үүлтэй. Баруун болон төвийн аймгуудын нутгийн зарим газар, зүүн аймгуудын нутгийн хойд хэсгээр бороо, дуу цахилгаантай аадар бороо орно, бусад нутгаар бороо орохгүй. Салхи нутгийн хойд хэсгээр баруун хойноос, бусад нутгаар баруунаас секундэд 6-11 метр, борооны өмнө түр зуур ширүүснэ. Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Байдраг, Орхон, Хараа, Ерөө, Туул, Тэрэлж, Онон, Улз голын хөндийгөөр +20...+25 градус, говийн бүс нутгаар +31...+36 градус, бусад нутгаар +24...+29 градус дулаан байна.УЛААНБААТАР ХОТ ОРЧМООР: Үүлшинэ. Дуу цахилгаантай аадар бороо орно. Салхи баруунаас секундэд 6-11 метр, борооны өмнө түр зуур ширүүснэ. +24...+26 градус дулаан байна.БАГАНУУР ОРЧМООР: Үүлшинэ. Дуу цахилгаантай бага зэргийн аадар бороо орно. Салхи баруунаас секундэд 6-11 метр, борооны өмнө түр зуур ширүүснэ. +24...+26 градус дулаан байна.ТЭРЭЛЖ ОРЧМООР: Үүлшинэ. Дуу цахилгаантай аадар бороо орно. Салхи баруунаас секундэд 6-11 метр, борооны өмнө түр зуур ширүүснэ. +21...+23 градус дулаан байна.05 цагт Улаанбаатарт: 14 градус дулаан, харьцангуй чийг 74 хувь, агаарын даралт 863 гектопаскаль байлаа. Даралт өдөртөө тогтвортой байна.