Залуу байхдаа бид ирээдүйг бодолгүйгээр олон шийдвэр гаргадаг. Гэхдээ зарим шийдвэр дунд насанд хүрэх үед бидэнд сөргөөр нөлөөлдөг. Хөгшрөх үед харамсал төрүүлдэг зүйлсийн заримаас дурдвал:
1. Буруу хүнтэй гэрлэх
Залуу байхдаа гэрлэх шалтгаанаа зөв тодорхойл. Бусдын жишгийг дагах, нийгмийн байр суурь олох, эсвэл дарамтад орж гэрлэхээс зайлсхий. Хайр, нөхөрлөлдөө тулгуурлан зөв хүнээ сонго. Буруу шалтгаанаар гэрлэвэл амьдралд чинь зөрчил, сэтгэл гутрал, шүүхийн хэрэг, гашуун дурсамж үлдэх болно.
2. Боломжийг алдах
Залуу байхдаа танд олон боломж нээгдэнэ. Гэхдээ айдас, залхуурал, эсвэл бардамналыг давж чадахгүй алдах нь бий. Хожим харамсахгүйн тулд боломжийг ашигла.
3.Харилцаагаа сүйтгэх
Залуу байхдаа мөнгө, амжилтад хэт төвлөрч, хүмүүсийг ашиглах, холбоогоо таслах зэрэг буруу үйлдэл хийх нь элбэг. Гэвч нас ахих тусам хайраар дүүрэн харилцаа, итгэлцэлгүй амьдрал хоосон санагдана.
4. Хийсэн үр хөндөлт
Залуу эмэгтэй байхдаа жирэмсэлж, айдаст автсан үедээ үрээ хөндүүлсэн бол хожим харамсах магадлалтай. Хүүхдээ тэврэх мөчөөс татгалзсан тэр шийдвэр чинь амьдралдаа гаргасан хамгийн том харамсал байж болно.
5. Хүүхдээ үл тоох
Залуу эрэгтэй байхдаа хариуцлагаас зугтаж, хүүхдээ хүлээн зөвшөөрөөгүй бол хожим үүнийгээ харамсах болно. Чиний орхисон хүүхэд амжилтад хүрсэн ч чи түүний эцэг нь гэж хэлэх эрхгүй болно.
6. Бурхнаас нүүр буруулах
Нас ахих тусам амьдралыг утга учиртайгаар харж, Бурхны тухай илүү их боддог. Хожимдсон хойноо биш, залуу байхдаа Бурхантай ойр байж, амьдралаа бүтээгээрэй.
7. Биеэ үл хайхрах
Нэг л биеийг бүх амьдралынхаа туршид авч явна. Тамхи, согтууруулах ундаа, мансууруулах бодис, буруу хооллолтоос зайлсхий. Хожим эрүүл мэндээ алдсанаас болж харамсах болно.
8. Цагийг дэмий үрэх
Залуу байхдаа залхуурах, буруу харилцаанд цаг зарцуулах, утгагүй зүйл хөөцөлдөх нь хамгийн том харамслыг авчирна.
9. Мөрөөдөл, авьяасаа орхих
Залуу насандаа авьяас, хүсэл мөрөөдлөө орхисон бол хожим бусдын амжилтыг хараад "Энэ би байх байсан" гэж бодож харамсана.
10. Нэр хүндээ алдах
Хожим нас ахих үед таны нэр хүнд маш чухал болно. Залуудаа үйлдсэн бүх үйлдэл чинь таны нэр төрд нөлөөлсөн байх тул анхааралтай амьдар.
11. Эд баялгаа үрэх
Хөдөлмөрлөж олсон мөнгөө клубт үрэх, хэтрүүлэн зарцуулах зэргээс зайлсхий. Хожим нь хөрөнгө оруулалт хийж, ирээдүйгээ баталгаажуулаагүйдээ харамсах болно.
12. Сайхан хайрыг алдах
Амьдралдаа чамайг чин сэтгэлээсээ хайрласан хүн байсан уу? Түүнийг үл ойшоовол хожим "Тэр хүнтэй одоо хүртэл хамт байсан бол ямар байх байсан бол?" гэж бодох болно.
13. Эцэг эхээ үл хүндлэх
Залуу байхдаа эцэг эхээ хуучинсаг гэж бодож үл тоох нь амархан. Гэвч тэдний үнэ цэнийг хожим ухаарахдаа харамсах вий.
Цаг хугацааны үнэ цэн:
•Эгч, ахтай байх үнэ цэнийг тэднийгээ алдсан нэгнээс асуу.
•10 жилийн үнэ цэнийг саяхан салсан хосоос асуу.
•1 жилийн үнэ цэнийг эцсийн шалгалтдаа унасан оюутнаас асуу.
•1 секундын үнэ цэнийг ослоос амьд гарсан хүнээс асуу.
Цаг хугацаа хэнийг ч хүлээхгүй. Тиймээс одоо байгаа мөч бүхнээ нандигнаж, амьдралаа үнэ цэнтэйгээр өнгөрүүлээрэй.
Анхаар! Уншигчдын бичсэн сэтгэгдэлд http://mmnews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг шууд устгах тул Та сэтгэгдэл бичихдээ бусдын эрх ашгийг хүндэтгэн үзнэ үү.
