Ганцхан хормын бодлогогүй үйлдэл нэгэн насны амьдралыг сүйрүүлнэ....
Залууст сургамж болгох үүднээс цагдаагийн ажилтан асан нэгэн иргэний бичвэрийг толилуулья.
Намайг
өглөө ажилдаа очиход нулимстай нүд, үхсэн хүний хувцас угтдаг байлаа.
Цагдаагаар ажиллаж байх үед минь үнэхээр харамсал төрүүлсэн нэг хэрэг
гарч байсан юм. Эхнэр гурван хүүхэдтэй нэг хүн, хувь хүн нь уг нь
дажгүй, учиргүй ууж идээд яваад байдаггүй хүн.
Нэг удаа
сургуулийнхантайгаа уулзсан, мэдээж бааранд орно ууна. Тэгээд дуусчихаад
гарч ирээд такси барих гээд
зогсож байх яг тэр момент дээр л гай газар доороос гарч ирж байгаа
байхгүй юу. Нэг залуу тамхи асуусан, тэр хүнд байгаагүй учраас "байхгүй" гэж
хэлсэн. "Чи ганц тамхи өгчихөд яахав дээ" гээд томорсон, иймхэн зүйлээс
болоод л маргалдчихаж байгаа байхгүй юу.
Мань эр бол түрүүлж үйлдэл
хийгээгүй, эхлээд цохиулсан, мэдээж халамцуу хүн уурлана, зөрүүлээд
цохьсон нөгөө тамхи асуусан залуу зам дээр байсан болохоор толгой нь
брожур дээр таараад ганц цохиулаад л газар дээрээ нам явчихсан.
Тэгээд
бид нар дуудагдаж байгаа юм. Тийм газар, тийм хүн үхсэн байна гээд
дуудлага аваад л. Камерын бичлэг үзнэ, хаана хэн хэн уусан байна,
бааранд ороод картаа зурсан зураас мураас бүх юмтай нь тогтооно шдээ.
Тэгээд мань эрийг барьж авчраад уулзсан, хүн алах дээрээ тулцан хүн бол
байгаагүй, байцаалт аваад сууж байхад уйлаад хэргээ хүлээсэн. "Үхчихсэн гэдгийг би мэдээгүй ээ, цохичихоод л явсан, тэрнээс би туслах байсан, би
чинь ганц хүн биш биеэ 4 хуваачихсан гэр бүлтэй хүн" гээд уйлсан.
Тэр
залуу маш олон жилийн ял авсан. Давж заалдсан эсэхийг нь бол мэдэхгүй, гэхдээ манай өрөөний залуу бид 2 хоёулаа шоконд орж байсан, ямар аймаар
өндөр ял аваа вэ гээд. Надад бол тэр хүнийг шоронд явуулахад хэтэрхий
хайран л санагдаж байсан. Ганцхан хормын уураа тэвчиж чадаагүйгээс 3 хүүхдийн эцэг хүн шоронд яваад өгсөн.
Хүмүүсийн согтуудаа маргалддаг
шалтгаан маш жижигхэн. Наад зах нь саяны жишээ, тамхи байна уу байхгүй
юу гэж асуусан, эсвэл нэгнээ мөрлөснөөс болоод, бүр цаашилбал дошон
дээрээ жаахан томрох гээд хүн өдөж хоргоогоод л зодоон. Ганцхан хормын
бодлогогүй үйлдэл нэг насны амьдралыг орвонгоор нь эргүүлдэг юм шүү.
Уураа тэвчиж ухаантай байцгаая!
Сэтгэгдэл
Анхаар! Уншигчдын бичсэн сэтгэгдэлд http://mmnews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг шууд устгах тул Та сэтгэгдэл бичихдээ бусдын эрх ашгийг хүндэтгэн үзнэ үү.
Төстэй мэдээ
2025/03/25
2025/01/21
2025/01/03
